Бразилскиот напаѓач Ендрик со сигурност сака да си замине од Реал (М) во јануарскиот преоден рок. Дваесетгодишниот фудбалер не е задоволен од ограничената улога во тимот, каде што Килијан Мбапе има предност во нападот.
„Не знам што ќе се случи во јануари. Сакам само да играм, да бидам среќен, да постигнувам голови и да асистирам“, изјави Ендрик за време на репрезентативниот собир на Бразил.
Како можни дестинации се споменуваат италијанските клубови Рома и Милан. Рома и претходно се обиде да го доведе на позајмица, но тогаш тренерот Жозе Мурињо го убедил да остане во Мадрид.
Ендрик минатата сезона беше позајмен во Лион, каде што на 21 натпревар постигна осум голови и забележа осум асистенции. Тој признава дека има одличен однос со Мурињо и дека ја почитува неговата поддршка, но приоритет му е редовно да игра.
