Џирона со 2:1 успеа да го победи Лас Палмас вечерва на свој терен во меч од 22.коло во Ла Лига. Големи три бода за тимот на нашиот Бојан Миовски кој за жал целиот меч го преседе на клупата.
Џирона поведе со голот на Руиз уште во 8.минута, а во 45+1.минута Стуани не успеа да реализира пенал.
Па така на пауза се замина со тие 1:0.
Во второто полувреме беше и тоа како интересно. Асприља во 79.минута на асистенција на Стуани, стрелаше за 2:0.
Сепак три минути подоцна гостите преку Силва ги поставија конечните 2:1.
Ова беше прва победа по лошата серија од четири порази во низа за Џирона, ако се сметаат и мечевите и во Лигата на Шампионите.
