Дефанзивецот на Барселона, Алехандро Балде заработи тешка повреда на натпреварот против Лас Палмас, што предизвика загриженост кај играчите и навивачите.
Инцидентот се случил во средината на првото полувреме, кога Балде по сударот со Сандро Рамирез почнал да го држи за вратот, да кашла и да се гуши, а набргу потоа повраќал и, според шпанските медиуми, му излегла крв од устата.
Итната реакција на лекарскиот тим беше неопходна и Балде го напушти теренот.
Неговото место го зазеде Жерар Мартин, кој за жал не успеа да придонесе за пресврт на Барселона на овој натпревар.
Каталонците беа поразени на домашен терен со резултат 2:1.
Сандро Рамирез ги доведе гостите во водство во 49. минута, додека Рафиња израмни на асистенција на Педри во 61. минута.
Сепак, Силва го постигна решавачкиот гол за Лас Палмас во 67. минута, оставајќи ја Барселона без бод на оваа средба.
