Покрај десетина милиони нето плата која што му е загарантирана со договорот, денешните бразилски медиуми пренесуваат дека Карло Анчелоти, новиот селектор на „Селесао“ ќе добие бонус од пет милиони евра доколку го освои Мундијалот во 2026 година.
Откако стана јасно дека Анчелоти ја презема репрезентацијата на Бразил, јавноста во оваа земја е опседната со него и текстови на оваа тема има безброј. Се инсистира на секое неоктриено досега инфо, што остана реално малку, и се оди кон тоа да се откријат сите детали од договорот на искусниот стратег.
