ЈП Паркинзи на Општина Центар известува дека денес пријавена е поставена лажна Дневна паркинг карта (ДПК) при која се злоупотребени дизајнот и логото на ЈП Паркинзи на Општина Центар.
На неа стои QR код кој треба да се скенира и да се изврши онлајн уплата за истата, а истиот води кон веб-адреса која нема поврзаност со ЈП ПОЦ и е со цел преку измама да се извлечат парични средства.
-Ги замолуваме граѓаните да бидат внимателни и доколку забележат ДПК од овој тип веднаш да нѐ известат. Единствената веб-адреса за онлајн наплата на ДПК на претпријатието е<span> </span><a href="https://users.poc.mk/PayDpk" target="_blank">https://users.poc.mk/PayDpk</a><span> </span>. Од наша страна во моментов се преземаат мерки за пријави до надлежните органи и информирање на јавноста со цел заштита на граѓаните. Во прилог фотографија од лажната ДПК, велат од ЈП Паркинзи на Општина Центар.
