СВР Тетово поднел кривична пријава против М.З.(46) од Тетово и против правно лице –транспортно претпријатие од Тетово поради постоење основи на сомнение за сторено кривично дело „измама“ и „давање лажен исказ“.
Во текот на септември и октомври 2024 година, пријавените, иако знаеле дека договорот за превоз на редовни ученици, склучен помеѓу пријавените и средно училиште бил истечен, без правен основ изготвиле фактури во износ од 15.034.110 денари за двата месеца и ги доставиле до надлежните служби на училиштето со намера да биде извршена наплата.
Пријавените не успеале да ги доведат во заблуда надлежните во училиштето, по што на нотар дале лажен исказ и ги доставиле фактурите со барање да изготви предлог решение за нотарски платен налог, кое било донесено од нотарот.
За идентичен случај, СВР Тетово поднел кривична пријава и против Ќ.Ф.(59) од с. Шемшово и правно лице од с. Шемшево поради постоење основи на сомнение за сторени кривични дела „измама“ и „давање лажен исказ“.
Во текот на септември и октомври 2024, пријавените, иако знаеле дека договорот за превоз на редовни ученици склучен помеѓу пријавените и средно училиште во Тетово бил истечен, на 10.06.2025 без правен основ, изготвиле фактури за двата месеца во вкупен износ од 2.152.447 денари, а потоа ги доставиле до надлежните служби на наведеното училиште, со намера да ги доведат во заблуда и да биде извршена наплата на доставените фактури.
Пријавените кај нотар дале лажен исказ, барајќи да изготви предлог решение за нотарски платен налог.
The post Договорите за превоз на ученици истекле, ама превозниците фактурирале appeared first on NetPress.
