Српскиот претседател ги повика граѓаните од државата да дојдат да демонстрираат на мирен и достоинствен начин дека пристојна Србија не може да биде поразена. Тој најави дека на собирот „ќе се покаже како функционира една пристојна и нормална Србија и каде никој нема да биде нападнат“.
Неговото обраќање ќе биде во 18 часот.
Соборот почна синоќа и ќе трае до недела. Се очекува во неговото обраќање, како што најави, да изнесе идеи за тоа како треба да изгледаат Србија и Ниш во иднина.
Тој им се заблагодари на сите граѓани кои веруваа во она што го прави и кои го поддржуваат.
Движењето за народот и државата беше претставено во Белград од 11 до 13 април на митингот „Не ја даваме Србија“.
Во Ниш во 18.30 часот мирен протест закажаа и студентите во блокада од тој српски град. Тие, исто така, ги повикаа сограѓаните да дојдат на протестот „мирно, со достоинство и со позитивна енергија“.
