Големиот шумски пожар во близина на Ксилокастро, Грција, кој избувна во неделата и ги однесе животите на две лица, не е ставен под контрола, <a href="https://www.ekathimerini.com/news/environment/1249727/corinthia-wildfire-stretches-32-km-in-length-and-remains-uncontained/">изјави</a> за „Катимерини“ портпаролот на противпожарната служба Василис Ватракоганис.
Според Ватракогијанис, пожарот избувнал во 10 часот во неделата, но силните ветрови, кои достигнале јачина 8, предизвикале тој да излезе од контрола.
„Пожарот е со голем периметар и се шири низ планинските предели во општина Евростини-Ксилокастро. Сепак, ние не се занимаваме со еден фронт“, рече Ватракогијанис, кој додаде дека може да биде утре пред да се стави под контрола пожарот: „Се чини дека денес нема да можеме да прогласиме дека пожарот е локализиран. Тоа е разговор што можеме да го имаме од утре“.
Понатаму, претседателот на Панхеленската федерација на вработени во противпожарната служба, Никос Лавранос, за „Катимерини“ изјави дека огнениот фронт достигнал должина од 32 километри.
„Ова е еден од најтешките пожари со кои се соочивме оваа сезона, предниот дел се протега на 32 километри, иако не е континуиран“, рече тој.
