Како првообвинет му се судеше на поранешниот војник Матеј Марковиќ, а како второобвинет на Ѓуро Баричиќ за нанесување тешки повреди на Кристијан Ереиз.
„Првообвинетиот Матеј Марковиќ и второобвинетиот Ѓуро Баричиќ се виновни бидејќи при тепачката неколку лица го удриле Кристијан Ереиз во главата и левата страна од градниот кош додека тој лежел, со намера сериозно да го повредат“, соопшти судијката. Марковиќ е осуден на една година и четири месеци, а безусловниот дел од казната изнесува шест месеци затвор.
На Марковиќ денеска му бил прекинат истражниот затвор, а подоцна ќе биде испратен на издржување на казната. Судијката како олеснителна околност го зела тоа што Марковиќ немал претходни осуди, дека ја изгубил саканата работа и дека искрено се кае и ѝ се извинил на жртвата. Второобвинетиот Баричиќ е осуден на условна казна од осум месеци.
Марковиќ на денешното рочиште се изјаснил за виновен по сите точки од обвинението. “Дојдов во барот Прохибиш да го прославам Бадник со пријателите. Леон Ќуриќ и неговите пријатели дојдоа во друштво. Тој ми рече дека сака претходно да ги реши разликите и ми понуди да излезам. Одбив. Првиот ме удри со тупаница по главата, а потоа започна тепачка меѓу неговите и моите пријатели. Келнерот ги избркал надвор. Останав малку внатре“, рекол тој.
„Надвор имаше тепачка во која учествуваа 12 лица. Кристијан Ереиз ме фати за врат и почна силно да ме гуши, а имам и медицинска документација за фобии од гушење бидејќи маж се обиде да ме задави како малолетен. Тогаш јас го направи тоа што е видливо на видеото. Сакам да ѝ се извинам на жртвата, но и на моето семејство и пријателите кои се со мене. Ја изгубив работата што ја сакав. Жал ми е за сѐ“, изјавил Марковиќ, кој повеќепати потенцирал дека се кае за тоа што го направил.
Brutalna tuča u Slavonskom Brodu: “Deda Mraz” dobio batine pic.twitter.com/LELugCHMff
— krunskisvedok (@noviput) December 24, 2022
