Спасувачите се обидуваат да пронајдат седум лица кои се водат за исчезнати, пренесува Ројтерс.
„Жртвите се жители кои рачно копаат злато“, изјави индонезиски функционер, додавајќи дека во моментот на уривањето во рудникот имало 25 лица, од кои 15 загинале, додека тројца се повредени, а седум лица се водат како исчезнати.
15 killed after a landslide struck an illegal gold mine on Indonesia's Sumatra island https://t.co/eryJokV3xH
— CTV National News (@CTVNationalNews) September 27, 2024
Нелегален рудник за злато во областа Солок се урна по лизгање на земјиштето вчера вечерта по обилните врнежи, рече Ефенди, додавајќи дека на спасувачите им биле потребни осум часа да стигнат до местото на несреќата, до кое не може да се стигне по пат.
Полицијата и армијата рано утринава ја започнале потрагата по исчезнатите и евакуацијата на загинатите.
Несреќите во малите и диви рудници во Индонезија се чести, потсетува британската агенција, наведувајќи дека минералните суровини најмногу се наоѓаат во оддалечените области.
