Повеќе од 250 километри локални патишта во ридскиот југоисточен дел на Србија се затворени поради снежните врнежи, чија висина беше и до два метри, јавија локалните медиуми.
Властите во црногорскиот приморски град Будва ги предупредија граѓаните да останат во своите домови откако силниот ветер вчера уништи покрив на училиште, урна дрвја и улични светилки, потона туристички брод и го прекина сообраќајот долж брегот.
Босанските власти го забранија возењето тешки товарни возила во планинските подрачја поради провејување на снег и голомразица на патиштата.
Метеоролозите најавија дека температурите под нулата и снежното невреме ширум Балканот ќе продолжат и во наредните денови.
Студеното време ја зафати и Грција со врнежи од снег кои започнаа доцна синоќа, а продолжија и денеска со проблеми во патниот и поморскиот сообраќај.
