Видеото од инцидентот, кое е снимено додека девојката го држи своето кумче пред олтарот, веќе е прегледано над 1,6 милиони пати, а сè се случило со мелодијата на песната „Káps'te ta óla“ (Изгори сè) што подоцна е додадена во монтажата на видеото.
Како што напишала во коментарите, косата што се запалила била нејзината природна коса - без екстензии - и ја растела повеќе од една година.
„Секогаш се плашев од Велигден, и на крајот ми се случи на крштевката“, се пошегува таа, обидувајќи се да ги смири своите загрижени следбеници.
Иако сцената изгледаше драматична, младата жена нагласува дека и таа и бебето поминале без повреди.
@despo1na.dx Τέλος .🧿🧿#foryou #forupage #fy #videoviral #fyyyyyy #fyp ♬ Kapste Ta Ola - Eva Milli
„Бидејќи не се изгорев и детето не беше повредено, сè е во ред“, рекла таа, додавајќи: „Се испаничив, за среќа не направи многу штета и косата може да се спаси. Имав среќа.“
Сепак, инцидентот предизвика и несоодветни коментари. Еден корисник напиша: „Како можеш така да одиш во црква, нормално е што ти се случи, имај малку почит во куќата Христова, девојко, не одиш во клуб на пијалок.“
Кумата не остана должна: „Не разбрав што мислеше, што немав што не го почитував? Затоа што фустанот имаше шлиц од страна? Видовме што прават другите кои се преправаат дека се богобојазливи, а направиле секакви гревови.“
Видеото предизвика лавина од коментари, од поддршка и шеги до критики и осуди, но едно е сигурно - никој од присутните нема да го заборави ова крштевање.
