Тој додаде дека најверојатно околу 10.000 севернокорејски војници се стационирани во рускиот пограничен регион Курск каде минуваат низ процес на „интеграција во руските единици“.
- Судејќи според тоа за што тренираа и начинот на кој се интегрираат во руските единици, целосно очекувам наскоро да ги видам во акција, посочи Остин за време на посетата на Фиџи.
Остин наведе дека досега не видел „сериозни податоци“ за активно учество на севернокорејските војници во борбите.
Пред два дена јужнокорејските владини претставници изјавија дека Русија за Пјонгјанг обезбедила нафта, ракетни одбранбени системи и економска помош во замена за севернокорејските војници.
Киев предупреди дека Москва собрала армија од 50.000 војници, вклучително и севернокорејски војници, кои имаат задача да ги вратат деловите од пограничниот регион заземени од украинските воени сили.
Украина, во молскавична офанзива во август, презеде контрола над дел од Курската област.
