Ердоган, зборувајќи на заедничка прес-конференција со новоизбраниот претседател на кипарските Турци, Туфан Ерхурман, го поддржа решението за две држави за ставање крај на речиси 50-годишната поделба на островот, објави Ројтерс.
„Грчкокипарската страна го гледа решението за Кипар како сведување на кипарските Турци на статус на малцинство во партнерска држава која повеќе не постои“, рече Ердоган.
Ерхурман, кој ја оствари својата прва странска посета на Турција, која единствена ја признава отцепената Турска Република Северен Кипар, рече дека двете страни на островот мора да ја „научат лекцијата“ од минатите методи кои не успеале или завршиле со неуспех.
„Кипарските Турци се едни од двајцата основачки партнери на островот и овој статус за мојот народ не е ниту отворен за дебата, преговори ниту пазарење. Никој не треба да очекува од нас да следиме пат кој е испробан многу пати во минатото и не водеше никаде“, рече Ерхурман.
Кипар е поделен на грчки и турски дел од 1974 година, а мировните преговори меѓу кипарските Грци и кипарските Турци се во застој од 2017 година.
Република Кипар, која е дом на грчко население, е членка на Европската Унија.
