Тие посочија дека тоа е чин на протест бидејќи се нарушува неутралноста на Австрија.
Зеленски ѝ се заблагодари на Австрија за хуманитарната помош и помошта во проекти како што е деминирањето во обраќањето преку видео врска. Поради сопствената неутралност, Австрија не се вклучи повеќе во конфликтот, па и покрај тоа што дава политичка поддршка, сè уште не може да испрати оружје на украинската армија, која се соочува со руска инвазија.
ФПО со денови предупредува дека ќе одржи некаков вид на протест против обраќањето на Зеленски. Претставниците на партијата присуствуваа на почетокот на говорот на украинскиот лидер, а потоа ја напуштија салата. „Тажно е што ФПО е единствената партија во парламентот која сериозно ја сфаќа нашата постојана неутралност, а со тоа се залага и за мир“, рече во вторникот претседателот на ФПО, Херберт Кикл.
Die Abgeordneten der FPÖ verlassen bei den ersten Worten des ukrainischen Präsidenten Wolodymyr Selenskyj ihre Sitzplätze, stellen dort Schilder mit der Aufschrift „Platz für Frieden“ und „Platz für Neutralität“ auf. #OeNr pic.twitter.com/xgkzOtZig5
— Maximilian Werner (@MaxlWerner) March 30, 2023
Од петте партии во парламентот, ФПО има трето место по бројот на местата во Долниот дом. Тие во моментов имаат мало водство во анкетите пред опозициските социјалдемократи и конзервативците на канцеларот Карл Нехамер, кои владеат во коалиција со левичарските Зелени. Сегашниот состав на парламентот трае до есен следната година.
