Економија Како Елон Маск продаде 10 милиони акции на „Тесла“ и ја зголеми сопственоста во компанијата 05/12/2021 18:16 Facebook Twitter Pinterest Linkedin Email Telegram Viber Во исто време додека продава акции на „Тесла“, Маск користи опции за купување дополнителни акции во компанијата Извршниот директор на „Тесла“, Елон Маск, продаде огромен удел во неговата компанија во текот на изминатите неколку недели. А сепак тој поседува 564.000 акции повеќе отколку што имаше на почетокот на распродажбата, пишува Си-Ен-Ен. Анализата на неговите поднесоци покажува дека Маск не се повлекува од својот имот во Тесла, и покрај неговото ветување дека ќе ја следи анкетата што ја испрати до неговите следбеници на Твитер, кои го повикаа да продаде 10 отсто од неговиот удел. Досега тој продаде 10,1 милиони акции – околу 7 милиони акции помалку од целта. Тоа е затоа што во исто време тој продава акции, но исто така користи опции (термински договори – со одреден датум на доспевање, заб.) за купување дополнителни акции. И тој го прави тоа по поволна практична цена од 6,24 долари по акција, многу под 1 процент од моменталната цена на акцијата на Tesla (TSLA). Од анкетата на Маск на Твитер на 6 ноември, тој искористи опции за купување на 10,7 милиони акции на „Тесла“. Да биде јасно, тој би го направил тоа со или без анкетата – опциите требаше да истечат до август 2022 година ако не ги искористи. „Тесла“ е подготвена да му додели на Маск уште повеќе опции, во очекување на претстојните финансиски резултати. Неговиот удел во компанијата е причината поради која Маск е најбогатиот човек на планетата. Даноците, а не Твитер, е главната причина за продажбата Секогаш кога ги користи опциите, тој станува предмет на голем удар на данокот на приход затоа што ги добил тие опции како негова примарна форма на компензација. Тој должи околу 5 милијарди американски долари федерални даноци на доход за новите акции што ги купи од 8 ноември. Тој, исто така, веројатно ќе должи одреден износ на државни даноци. Според документите, Маск ги продаде акциите на „Тесла“ за да го покрие тој даночен удар. Маск, исто така, планира да искористи дополнителни опции кои треба да истечат следната година. Тој сè уште има 12,2 милиони од оние опции кои наскоро ќе истечат, а кои сè уште не ги искористил. Ако досегашната практика е некаква индикација, тој ќе продаде околу 5,3 милиони од тие новостекнати акции за да ја покрие својата даночна сметка. Но, тоа сепак ќе го остави со речиси 7 милиони акции повеќе отколку што има денес. Маск ги задржува поголемиот дел од акциите што ги стекнува, наместо да ги продава сите, како што е познато дека прават другите извршни директори кога ги користат опциите, вклучително и Робин Денхолм, претседателката на одборот на „Тесла“. Откако ќе заврши со овие опции кои наскоро ќе истечат, Маск ќе има 22,9 милиони опции помалку отколку што имаше на почетокот на овој процес. Но, тој сè уште ќе има 50,7 милиони други опции кои ќе му овозможат да купи толку дополнителни акции, иако по повисока цена од опциите што сега ги купува. Тој веројатно нема да ги искористи наскоро, бидејќи практично ниту еден од тие термински договори нема да истече до јануари 2028 година. Уште повеќе опции Бројот на опции што ги поседува Маск веројатно значително ќе порасне во наредната година. Пакетот за плаќање на Маск беше дизајниран да му даде 12 различни блокови на опции откако компанијата ќе постигне одредени цели на финансиски перформанси и пазарна вредност. Со оглед на тоа што компанијата сега вреди 1 билион долари, целите на пазарната вредност се веќе остварени, така што се работи за постигнување на целите за приходи и профит. На „Тесла“ веќе вкалкулира три дополнителни блокови од 8,4 милиони опции, одд кои секој наскоро ќе му бие достапен на Маск, за вкупно 25,3 милиони нови опции, повеќе отколку доволно да ги надополни оние со кои е во процес на вежбање. Во документите на компанијата се наведува дека е „веројатно“ наскоро да се постигнат потребните финансиски цели. Аналитичарите се согласуваат. Маск би можел да се квалификува за еден блок од 8,4 милиони опции со резултатите од четвртиот квартал и уште две со резултатите од првиот квартал 2022 година, според едногласните прогнози на Вол Стрит. И ако проценките на аналитичарите се точни, тој би можел да добие дополнителни 8,4 милиони опции во вториот или третиот квартал од 2022 година и уште еден блок на почетокот на 2023 година. Дополнителна продажба на акции Маск продаде блок од 5,4 милиони акции на „Тесла“ кои претходно ги имаше во доверба во текот на три дена, кратко време по завршувањето на неговата анкета на Твитер. Поголемиот дел од акциите продадени во тие трансакции веројатно се оние што ги поседувал од иницијалната јавна понуда на компанијата во 2010 година. Така, речиси сите 5,8 милијарди долари што ги добил за тие продажби веројатно се оценети како долгорочни капитални добивки, оданочени со пониска стапка од 20 отсто, а не со повисока даночна стапка што ќе ја плати при користењето на опциите. За да ја постигне целта да продаде 10 отсто од акциите на Тесла што ги поседуваше до датумот на анкетата, можеби ќе треба да продаде уште околу 2 милиони акции за да ја покрие даночната сметка за неговите дополнителни 12 милиони опции. Но, дури и да го стори тоа, со уште повеќе опции кои треба да му се појават, тој сепак веројатно ќе има поголем удел во „Тесла“ отколку кога го започна овој процес. (Си-Ен-Ен) Facebook Twitter Pinterest Linkedin Email Telegram Viber претходниот член,ЛДП: ЕУ мора да одлучи каде оди Mirce Jovanovski...

Политика ЛДП: ЕУ мора да одлучи каде оди 05/12/2021 17:58 Facebook Twitter Pinterest Linkedin Email Telegram Viber „Либерално-демократската партија потврди дека не се занимава со секојдневните политички пазарења од кои се изморивме изминатиот период, туку е насочена кон меѓународната политика, за да направиме се што е возможно да се деблокираат сите прашања за почеток на преговорите на Северна Македонија со ЕУ“, потенцираше претседателот на партијата, Горан Милевски на денешната регионална конференција на АЛДЕ и ЛДП „Обновен наратив за забрзана интеграција на ЕУ“. -Најголеми поборници за влез на Северна Македонија во ЕУ се нашите партнери, премиерот на Холандија Марк Руте кој пред неколку денови беше во државата, како и претседателот на Франција Емануел Макрон . Тие се дел од европските Либерали, кои се едни од најголемите лидери кои се борат да се решат проблемите на земјава и да се деблокира патот кон ЕУ, рече Милевски. Тој дополни дека на денешната конференција бил присутен токму секретарот на Руте, пратеници од парламентите на неколку европски држави како што е и Австрија, Словенија, Хрватска и Бугарија, меѓу кои и европратеникот Илхан Ќучук. -Целото либерално семејство на ЛДП и АЛДЕ се тука и можеби единствени кои во моментот се трудат да и помогнат на државата на патот кон ЕУ. ЕПП и Социјалистите не ги гледаме дека имаат некоја активност на ова поле или за ова прашање во изминатиот период и затоа навистина сме благодарни на нашите партнери кои се тука и со максимална поддршка за Северна Македонија во процесот на евроинтеграциите, заклучи Милевски. Вицепремиерот Димитров се осврна на заложбите на Северна Македонија за интеграција во Европската Унија, вклучително и вложениот политички капитал на основа на европското ветување. – Ниту една европска земја одделно не е доволно силна за справување со современите предизвици, единствениот начин е европскиот проект за обединување на континентот што без овој регион – Западниот Балкан, секогаш ќе биде нецелосен и недовршен. Северна Македонија е приказна на надеж за овој проект, така што нашиот (не)успех е (не)успех и за ЕУ, ако ЕУ е сила што влече за добро. Одговоривме на многу стриктни услови, време е да добиеме праведна валидација, ако ЕУ е заедница на вредности, рече Димитров. Европратеникот Илхан Ќучук како заменик претседател на АЛДЕ вели дека испраќа голема поддршка за работата на ЛДП во земјава. – На оваа конференција присуствуваме сите партнери на ЛДП за да уште еднаш ја потврдиме чистата позиција дека земјите од Западен Балкан треба да бидат дел од ЕУ. Можеби овој сојуз има високи стандарди за животната средина, социјалната политика, но ЕУ треба да одлучи на која страна треба да оди, дали да биде политички сојуз како досега или пак да оди напред за подобар живот на граѓаните. Тоа значи дека треба и да се реши процесот меѓу Бугарија и Северна Македонија да бидат исполнети точките од договорот се со цел да прекине блокадата на Северна Македонија, беше дециден Ќучук. Како лидер на Либералните партии од 11 држави од Југоисточна Европа, Словенецот Роман Јакич исто така ја искажа поддршката за почеток на преговори на Северна Македонија во ЕУ. – Морам да констатирам дека во 2004 година заедно бевме на тој пат, имавме претпристапни преговори, Словенија влезе, а Македонија не ни почна. Европа мора да одлучи каде оди, има напредок во дигитализацијата, и другите аспекти, но не и во проширувањето, тоа некако стои во место, додаде Јакич. Регионалната конфереција на ЛДП и АЛДЕ ја модерираше Емил Кирјас, а настанот го отвори и Здравко Почивалшек, вицепремиер и министер за економски развој и технологија на Словенија, додека на двете панел дискусии – „Иднината на ЕУ: Во кој правец се движи Европа во 2021“ и „Членство на С. Македонија и Западен Балкан во ЕУ: како и кога?“ говореа вицепремиерот за европски прашања Никола Димитров и пратеничката Моника Зајкова, како и други политичари од регионот и ЕУ. Facebook Twitter Pinterest Linkedin Email Telegram Viber претходниот член,Турскиот Театар со „Рапунзел“ го отвори првиот театарски фестивал „Ускана фест“ во КичевоСледната статијаКако Елон Маск продаде 10 милиони акции на „Тесла“ и ја зголеми сопственоста во компанијата Slobodanka Jovanovska...

Култура Турскиот Театар со „Рапунзел“ го отвори првиот театарски фестивал „Ускана фест“ во Кичево 05/12/2021 17:52 Facebook Twitter Pinterest Linkedin Email Telegram Viber Со претставата „Рапунзел“ на Турскиот Театар од Скопје, денес беше отворен првиот театарски фестивал „Ускана фест“ во Кичево. Иако беше најавено отворање на фестивалот со претстава на Тетовскиот Театар, сепак поради презафатеност на еден од главните актери во претставата нивниот настап за вечерва е откажан. -На сите им е потребна бајка која и најмрачната ноќ ќе ја претвори во пролетно утро. „Рапунзел“ е неверојатна приказна за девојката со златно жолта коса која е широко распространета низ повеќе светски култури,од Иран па се до Германија, вели Рахим Рамадани од Домот за култура – Кичево. Режисер на претставата е Џабир Доко. Facebook Twitter Pinterest Linkedin Email Telegram Viber претходниот член,Саудиска Арабија дозволи влез на луѓе вакцинирани со „спутник V“Следната статијаЛДП: ЕУ мора да одлучи каде оди Lejla Sabit...

Свет Саудиска Арабија дозволи влез на луѓе вакцинирани со „спутник V“ 05/12/2021 16:58 Facebook Twitter Pinterest Linkedin Email Telegram Viber Саудиска Арабија од јануари ќе им дозволи влез на лицата вакцинирани против корона вирус со „спутник V“, соопшти денеска Рускиот фонд за директни вложувања (РДИФ). РДИФ наведе дкеа Кралството Саудиска Арабија дало одобрение за влез на лица вакцинирани против корина вирус со руската вакцина „спутник V“ о 1 јануари следната година, пренесе Тас. Саудиска Арабија им се придружи на 101 земја кои одобрија влез на лица вакцинирани со „спутник V“ по долги разговори на Министерството за здравство на Саудиска Арабија и РДИФ, со поддршка на Министерството за инвестиции на Саудиска Арабија. Facebook Twitter Pinterest Linkedin Email Telegram Viber претходниот член,Уште 1.244 новозаразени во Србија, починаа 41 пациентСледната статијаТурскиот Театар со „Рапунзел“ го отвори првиот театарски фестивал „Ускана фест“ во Кичево Biljana Bogdanovska...

Балкан Уште 1.244 новозаразени во Србија, починаа 41 пациент 05/12/2021 16:49 Facebook Twitter Pinterest Linkedin Email Telegram Viber Според последните податоци, во соседна Србија регистрирани се 1.244 заболени со Ковид-19. Починаа уште 41 пациент. На респиратор се 165 луѓе. Во Србија, со денови опаѓа бројката новозаразени, а се намалува и бројот на пациенти во болница. Но, она што загрижува е исчекувањето на омикрон варијантата на вирусот, кој се шири со голема брзина. Како што тврдат лекарите, празниците кои се ближат, исто така се ризик и се очекува пораст на бројот заболени. Сепак, како што велат, омикорн не би требало да ибде проблем, но треба наскоро да се очекува, особено ако се земе предвид големиот број српски граѓани кои од странство ќе си дојдат за празниците. Епидемиолозите и понатаму ги повикуваат граѓаните да се вакцинираат затоа што тоа е начин епидемијата да се стави под контрола. Facebook Twitter Pinterest Linkedin Email Telegram Viber претходниот член,Ескобар доаѓа во Скопје на средби со Пендаровски и други функционериСледната статијаСаудиска Арабија дозволи влез на луѓе вакцинирани со „спутник V“ Biljana Bogdanovska...

МакедонијаСкопје Волонтерска акција во Кисела Вода по повод Меѓународниот ден на волонтерите 05/12/2021 16:41 Facebook Twitter Pinterest Linkedin Email Telegram Viber Општина Кисела Вода, Волонтерски Центар Скопје и „За почиста Македонија“ започнаа со волонтерска акција за чистење на Расадник и обезбедување на донации за социјално загрозените лица, во рамки на одбележувањето на 5 декември – Меѓународен ден на волонтерите, информира Општина Кисела Вода. Во соопштението се наведува дека градоначалникот на Општина Кисела Вода, Орце Ѓорѓиески предал донација за Центарот за деца од улица и за социјално загрозените семејства од Кисела Вода, по што, од Домот на култура-Кино Кисела Вода, заедно со волонтерите се упатил во Расадник и учествувал во големата акција за чистење на овој запуштен дел од општината. -Во знак на поддршка на волонтерството како важен акт кон подобро општество, Општина Кисела Вода се вклучи во организирање на денешниот настан кој има социјална и еколошка компонента. Дониравме, но и ги повикавме сите наши жители да бидат дел од акцијата за донирање на социјално загрозените од овој дел на градот, да ја покажат својата хуманост кон оние што имаат помалку. Паралелно сме вклучени во акцијата за чистење. Во општина Кисела Вода веќе неколку седмици тече големата акција за генерално чистење во сите месни и урбани заедници, но денес ги повикавме и жителите, нашите соседи, да излезат на терен заедно со службите и заеднички да го исчистиме Расадник. Благодарни сме на сите оние што се одзваа на повикот и што дадоа свој придонес во поттикнување на свеста за волонтерството, хуманоста и екологијата, изјави Ѓорѓиевски. Од Општината додаваат дека чистењето се одвивало рачно и со механизација, додека за волонтерите биле обезбедени ракавици, вреќи и топол напиток во Домот на културата во Кисела Вода, каде заинтересираните можеа да донираат и да слушнат за активностите што ги нуди Еразмус + програмата за младите лица. Facebook Twitter Pinterest Linkedin Email Telegram Viber претходниот член,Тепачки низ целата земја, се тепале другари, малолетници, но се напаѓале и полицајциСледната статијаЕскобар доаѓа во Скопје на средби со Пендаровски и други функционери Biljana Bogdanovska...

Политика Ескобар доаѓа во Скопје на средби со Пендаровски и други функционери 05/12/2021 16:42 Facebook Twitter Pinterest Linkedin Email Telegram Viber Заменик помошникот на државниот секретар на САД за европски и евроазиски пршања и специјален претставник за Западен Балкан, Габриел Ескобар, утре доаѓа во Северна Македонија на средби со претседателот Стево Пендаровски и други функционери, соопшти Американската амбасада во Скопје. – Го поздравуваме пристигнувањето на специјалниот претставник за Западниот Балкан, Габриел Ескобар, во Скопје. За време на посетата, г.Ескобар ќе се сретне со претседателот Пендаровски и со други клучни функционери да разговараат за повеќе теми и заеднички приоритети за регионот, наведуваат од Амбасадата на САД во објавата на фејсбук. Се очекува на средбите во Скопје да стане збор за актуелните политички случувања во земјава и во регионот, како и за евроинтеграцијата и бугарската блокадата на Северна Македонија. Ескобар неодамна во обраќањето пред Комитетот на Претставничкиот дом за надворешна политика на САД се заложи Северна Македонија и Албанија да ги започнат преговорите со ЕУ пред крајот на годинава. – Најсилната порака што ЕУ сега можа да ја испрати е да започне преговори за членство во ЕУ на Северна Македонија и Албанија пред крајот на оваа календарна година. Со тоа ќе се отфрли разочараноста на населението во регионот од европските политики и ќе се запре злонамерното влијание на Русија и Кина кои работат против проширувањето на ЕУ во Западен Балкан, рече Ескобар. Укажа и дека Скопје и Тирана ја завршиле тешката работа што од нив се барала и оти процесот треба да започне без одложување, поосчувајќи на заедничката изјава на државниот секретар Ентони Блинкен и високиот претставник за надворешна политика на ЕУ Жозеп Борел дека евроинтеграцијата е единствена надеж за регионот. Facebook Twitter Pinterest Linkedin Email Telegram Viber претходниот член,Волонтерска акција во Кисела Вода по повод Меѓународниот ден на волонтеритеСледната статијаУште 1.244 новозаразени во Србија, починаа 41 пациент Lejla Sabit...

Хроника Тепачки низ целата земја, се тепале другари, малолетници, но се напаѓале и полицајци 05/12/2021 16:36 Facebook Twitter Pinterest Linkedin Email Telegram Viber Повеќе физички пресметки нотира денешниот МВР билтен, при што се тепале малолетници, другари, познаници, а нападнат бил и полицаец. Во саботата, во 14.10 часот било пријавено дека на ул.„Иван Хаџи Николов“, поради претходно нарушени меѓусебни односи, дошло до нарушување на јавниот ред и мир со меѓусебна физичка пресметка помеѓу С.Ф.(37) и Н.Ф.(46), двајцата од с.Зелениково од една страна, и А.Д.(32) од с.Страхојадица, од друга страна, во која бил употребен и остар предмет. Истиот ден во, 1 часот П.К.(19) од Куманово пријавил дека на 03.21.2021 околу 22.30 часот во Куманово бил физички нападнат од Д.Д. од Куманово. Во 1.30 часот на регионалниот пат Куманово-Крива Паланка од полициски службеници од СВР Куманово бил лишен од слобода Ѓ.Д.(32) од Скопје, поради тоа што физички нападнал полициски службеник кој вршел службени дејства. Во 16.10 часот С.А.(37) од Куманово пријавил дека во Куманово, на регионален пат кај место викано „Ливади“, по претходна расправија околу сообраќајот, бил физички нападнат од едно лице со тврд предмет. Во неделата, 40 минути по полноќ, било пријавено дека во угостителски објект во Радовиш, по претходна расправија, бил нарушен јавниот ред и мир со меѓусебна пресметка помеѓу С.П.(19) и Б.С.(20), двете од Радовиш. Во 2 часот по полноќ, било пријавено дека во Неготино, на бензиска пумпа, по претходна расправија, дошло до нарушување на јавниот ред и мир со физичка пресметка помеѓу А.М.(34), од една страна, и Д.Ш.(34), Ј.Ф.(30) и Ј.С.(34), од друга страна, сите од Неготино. Во 1.15 часот било пријавено дека на 04.12.2021 околу 23.30 часот во угостителски објект во Тетово, малолетник од Тетово бил физички нападнат од друг малолетник со кого од претходно се познавале. Во 4.10 часот А.Н.(18) од с.Сараќино пријавил дека околу 02.30 часот во угостителски објект во Тетово бил физички нападнат од Б.З.(18) од Тетово, со кого се познавал од претходно. Во саботата, во 13.40 часот Д.С.(27) од Тетово пријавил дека околу 00.45 часот во Тетово, по претходно недоразбирање, бил физички нападнат од 17-годишник од Тетово, со кого се познавале. Во 18 часот А.Б.(59) од с.Долна Бањица, гостиварско пријавил дека околу 16.20 часот во Гостивар, во кругот на регионалниот склад на Шумско стопанство „Шар“ од Гостивар, каде работел, по претходно недоразбирање, бил физички нападнат од Б.А.(29) од Гостивар. Во 9.30 часот, во саботата, А.Ј.(66) од с.Леуново, мавровско, пријавил дека во с.Леуново, по претходни расправии, бил физички нападнат од Ј.Н.(36) од Скопје. Во петокот, во 17.40 часот било пријавено дека во автобус бр.41 на ЈСП, кој се движел на релација Скопје–Драчево, кај раскрсницата за с.Батинци, В.Ф.(19) од с.Палиград бил физички нападнат од четири лица на возраст од околу 20 години. Се работи на расчистување на случаите, по што ќе бидат поднесени соодветни поднесоци. Facebook Twitter Pinterest Linkedin Email Telegram Viber претходниот член,Распуштен португалскиот Парламент, предвремени избори на 30 јануари 2022 годинаСледната статијаВолонтерска акција во Кисела Вода по повод Меѓународниот ден на волонтерите Biljana Bogdanovska...

Свет Распуштен португалскиот Парламент, предвремени избори на 30 јануари 2022 година 05/12/2021 15:46 Facebook Twitter Pinterest Linkedin Email Telegram Viber Португалија– Претседателот на Португалија, Марсело Ребело де Соуза денеска потпиша декрет со кој се распушта Парламентот поради престојните предвремени избори. Декретот е потпишан последниот ден од рокот за распуштање на Парламентот, што мора да биде 55 дена пред избори Предвремените парламентарни избори во Португалија се закажани на 30 јануари 2022 година откако беше поразена малцинската социјалистичка влада при гласањето за буџетот за следната година. Facebook Twitter Pinterest Linkedin Email Telegram Viber претходниот член,Антонио Милошоски и Илија Димовски се потпишаа на кандидатурата на Христијан МицкоскиСледната статијаТепачки низ целата земја, се тепале другари, малолетници, но се напаѓале и полицајци Lejla Sabit...

Политика Антонио Милошоски и Илија Димовски се потпишаа на кандидатурата на Христијан Мицкоски 05/12/2021 15:35 Facebook Twitter Pinterest Linkedin Email Telegram Viber Пред четири години беа против инсталирањето на Христијан Мицкоски за претседател на ВМРО-ДПМНЕ и не заминаа на конгресот во Валандово, а денес се меѓу 50-те потписници на кандидатурата за уште еден мандат за лидерот на партијата. Антонио Милошоски и Илија Димовски, како што соопштува партијата ги ставиле потписите на кандидатурата на Мицкоски за конгресот што треба да се одрижи на 12 декември во Скопје. ВМРО-ДПМНЕ денеска соопшти дека дека до партиските органи пристигнала кандидатурата за Мицкоски потпишана од 50 делегати. Во кандидатурата, мешу другото, пишува: „Ние како делегати на партискиот конгрес на ВМРО-ДПМНЕ покренуваме формална иницијатива за номинација на проф. д-р Христијан Мицкоски во изборот за претседател на ВМРО-ДПМНЕ. Дадената недвосмислена и безрезервна поддршка е резултат на неговото досегашно одговорно, чесно и квалитетно раководење со партијата, големиот напор кој што го вложи кон стабилизирање на состојбите во најголемата политичка партија во нашата земја, како и на постигнатите позитивни изборни резултати од последните локални избори“. Меѓу потпишаните делегати се и пратениците Дафина Стојаноска и Ели Панова, градоначалниците Тимчо Муцунски, Бобан Стефковски, Александар Стојкоски, Орце Ѓорѓиевски, Дарко Костовски, Борче Митевски, Стевче Трпковски…, потоа претседателите на женската и младинската организација, членови на комуникацискиот центар, но и Оливер Шамбевски, кој стана дел од партиското тело кое ќе ја надгледува работата на градоначалниците. Facebook Twitter Pinterest Linkedin Email Telegram Viber претходниот член,Ако има потреба ќе се прошири листата на производи со „замрзнати“ цени, вели БектешиСледната статијаРаспуштен португалскиот Парламент, предвремени избори на 30 јануари 2022 година Ljupco Popovski...

Економија Ако има потреба ќе се прошири листата на производи со „замрзнати“ цени, вели Бектеши 05/12/2021 15:32 Facebook Twitter Pinterest Linkedin Email Telegram Viber Одлуката за замрзнување на цените на основните прехранбени продукти ја донесовме со цел да нема поголемо влијание во делот на трошоците што граѓаните ги имаат, особено во време на енергетска криза, имајќи предвид дека цените на електричната енергија можат да влијаат директно и индиректно во зголемување на цените и на производството и на трговијата, било тоа да е трговија на мало или на големо, изјави министерот за економија, Крешник Бектеши на денешната прес-конференција. Бектеши вели дека со донесувањето на одлуката основните прехранбени продукти, лебот, шеќерот, брашното – тип 400, сончогледово масло за јадење, трајното млеко со масленост од 2,8, 3,2 и 3,5 проценти, свежото месо и сувомесни производи, сирењето и урдата да се продаваат по цените што ги имале на 1 декември, не значи дека нема да се прошири одлуката и со другите производи. – Се зависи од податоците што ќе ги добиеме наредната недела од Заводот за статистика, овие одлуки ги носиме само во интерес на граѓаните и во интерес на нивниот животен стандард, додава Бектеши. Прашан зошто одлуката за замрзнувањето на цените не е донесена по примерот на Србија, министерот за економија посочи дека тоа зависи од многу параметри. -Првично репроматеријалите на одредени домашни компании кои произведуваат сончогледово масло за јадење во нашата држава главно ги увезуваат. Во делот на увезената цена не можеме ние да влијаеме зошто тие производи се произведуваат надвор од државата. Ние можеме да влијаеме во делот на маржата што ја утврдува домашната компанија во формирање на конечната цена, појасни Бектеши. Втор чекор, тој вели дека е трговијата на мало каде се пласираат одредени производи и како трета фаза е цената којашто граѓаните ја купуваат во маркетите, која е мала трговија во однос на маржите. – Што се однесува до одредени продукти кои се произведуваат домашно, ние паралелно имаме други механизми преку Законот за директна поддршка на инвестициите, преку субвенционирање на одредени производи што веќе ги реализираме и имплементираме и во претходните години, а секако од почетокот на наредната година дополнително ќе ја зголемиме поддршката за вакви производи, кажа министерот. Бектеши посочи дека Северна Македонија во време на пандемија на коронавирусот била прва земја во Западен Балкан која донела вакви мерки, со цел да излезе во пресрет на граѓаните, потрошувачите и трговците, но и производителите. Тој истакна дека на годишно ниво се трошат над 15 милиони евра директно од Буџетот за да се финансираат дополнителни проекти, нови технологии, креирање на нови производи на домашните компании. – Претходната година кога носевме ваква одлука немаше негативни влијанија врз економијата генерално. Можеби имаше намалување на профитите на одредени сектори, но немаше луѓе што изгубија работни места, немаше компании што го намалија производството. Немаше трговци што го намалија обемот или приходите во претходната година. Ние внимаваме на сите овие параметри кога носиме вакви одлуки. Ние ја носевме одлуката врз основа на податоците што се објавуваат транспарентно, отворено од страна на ДЗС за месец октомври, вели Бектеши. Министерот за економија порача дека во време на пандемија и енергетска криза, потребна е солидарност и намалување на маржите во производство и трговија и оти државата, согласно капацитетите ќе излезе во пресрет на сите чинители во економијата. Најави дека следната недела се очекуваат податоците за месец ноември и ако е потребно дополнително ќе се прошири листата на производи за кои ќе се носи одлука за замрзнување на цените. Владата на Република Северна Македонија на 4 декември 2021 година донесе одлука да се замрзнат цените на основните прехранбени производи до 31 јануари 2021 година. Од Владата најавија дека ако има потреба таа одлука ќе биде продолжена. Facebook Twitter Pinterest Linkedin Email Telegram Viber претходниот член,„Три“ во режија на Јован Ристовски и „Шапка, анус, чоколадо и уште нешто“ на Ана Батева на МОТСледната статијаАнтонио Милошоски и Илија Димовски се потпишаа на кандидатурата на Христијан Мицкоски Lejla Sabit...

Култура „Три“ во режија на Јован Ристовски и „Шапка, анус, чоколадо и уште нешто“ на Ана Батева на МОТ 05/12/2021 15:22 Facebook Twitter Pinterest Linkedin Email Telegram Viber На програмата на 46. МОТ денеска (5.12.) се претставите: Три / АТО, Битола режија: Јован Ристовски време: 13:00 / локација: МКЦ, сала Фросина Прва професионална детска претстава на знаковен јазик за глувонеми и наглуви лица. Во претставата актерите зборуваат говорно и паралелно на знаковен јазик. Наменета е за широката детска публика. Претставата е со дидактички карактер во кој децата во интеракција со актерите ја изучуваат азбуката на знаковниот јазик. Главната тема е современата еко-катастрофа, која ѝ се заканува на нашата планета. Трите самовили Розе, Лила и Синка, кои ја совладуваат јазичната бариера помеѓу јазикот на тишината и говорниот јазик на Sвонко Бонбонко се спријателуваат и заедно се обидуваат да го исчистат расфрланото ѓубре што го има насекаде. Нивната мисија е да го сортираат ѓубрето и да го складираат во соодветните корпи за рециклирање отпадок со цел за да живееме во здрава средина со чист воздух, чиста вода за пиење и чиста земја за одгледување здрава храна. Шапка, анус, чоколадо и уште нешто / Златен Елец, Спам студиос режија: Ана Батева време: 20:00 / локација: МКЦ, сала 25 Мај И дојде ден кога човекот сфати дека животот одамна не е како на филм. Тој ден човек беше принуден да се соочи со реалноста, да ја прегрне лагата за неговиот живот и да продолжи напред. Тој ден човек ги прифати сите негови стравови и со насмевка се соочи со смртта. Тогаш се препушти на инстинктите и даде старт на нов свет, со свои правила и принципи. Тогаш смислата доби ново значење, а волјата за живот стана водилка. Така група артисти се качија на сцената и со песна и хумор му се спротивставија на апсурдот. Билетите за претставите изнесуваат 300 денари. Истите се достапни преку bileti.mkc.mk и на билетарница во МКЦ. Тимот на МОТ го задржува правото на измени во распоредот на претставите. Facebook Twitter Pinterest Linkedin Email Telegram Viber претходниот член,Замрзнати цени прераснуваат во празни тезги Следната статијаАко има потреба ќе се прошири листата на производи со „замрзнати“ цени, вели Бектеши Lejla Sabit...

Колумни Замрзнати цени прераснуваат во празни тезги 05/12/2021 15:00 Facebook Twitter Pinterest Linkedin Email Telegram Viber ЕРОЛ РИЗАОВ Интервенциите со популистички и волунтаристички декрети во економските закономерности се примамливи и популарни многу кратко време. Додека не се испразнат рафтовите во продавниците Замрзнувањето на цените на некои основни прехранбени производи, како лебот, млекото, месото, шеќерот… до крајот на јануари е популистичка и волунтаристичка одлука на владата која може да предизвика голема дестабилизација на пазарот. А, ако потрае подолго и многу подлабока економска криза и рецесија. Интервенциите со декрети во економските закономерности се примамливи и популарни многу кратко време. Додека не се испразнат тезгите, оти никој не сака да произведува загуби. Замрзнати цени лесно прераснуваат во празни тезги. Во сите наброени производи со замрзнати цени има и увозни компоненти, некаде суровини, а некаде и готови производи, па владините одлуки не можат да стасаат и во странство. Одржувањето на стабилноста во вакви случаи со замрзнување на цените и со субвенции и покривање на загубите ја отвара спиралата на висока инфлација и сѐ што следи како последица. Контролата на цените до јануари најверојатно е пресметано со резервите од веќе извршеното поскапување. Но во владата не е пресметан психолошкиот момент кај граѓаните кој во вакви случаи предизвикува трупање на залихи. Стар и хорор филм кој го доживеавме во осумдесетите години на минатиот век. За жал, и покрај трагичното искуство, први по оваа погрешна мерка посегнаа некои бивши југословенски републики, меѓу кои и Македонија. Веројатно нема да се повторат истите слики на опашки пред продавниците со зембиљи во рацете и безвредните пари во џебовите, но сигурно нема да помине без тешки последици данокот што ќе го платат најмногу најсиромашните слоеви на граѓаните. Тие што носат вакви политички одлуки кои се спротивни на економските закони ако пред 40 години не го виделе ова стампедо на уривање на стандардот на населението и на економијата во меѓувреме требало да ја научат оваа основна лекција на понудувачка и побарувачка, главниот столб на стабилноста на пазарот и цените, и отварање на црната берза која произведува нова шверц олигархија. Не дај боже да се исправиме пред дилемата дали е подобро замрзнати цени на производи кои ги нема на тезгите, или да ги има, а две третини од населението да не може да ги купи. Во тој случај, сегашните политички проблеми околу битките за власт ќе бидат детска играчка пред цунамито на инфлацијата и на обезвреднување на една колку толку стабилна економска политика. Ова е време кога треба целосно да надвладеат економските закономерности над политичките. Најдоброто решение е поттикнувањето на конкуренцијата и воведувањето на данок на екстра профит поради привилегираната поставеност на пазарот на некои производители и трговци. Тоа се виде со големите неправедно неоданочени „воени профити“ во овие години на војна со пандемијата што ги остварија „трговците“ со смртта. Ако истата политика се пренесе и на основните прехранбени производи и кога е со најдобра намера ќе се прекинат многу меѓузависни алки кои водат кон поголема криза, која е многу поопасна и влегува во други матни води кои не можат да се регулираат со години. Затоа владата не смее да посегнува по навидум лесни решенија, туку тоа мора да биде цел пакет на добро осмислени економски мерки. Facebook Twitter Pinterest Linkedin Email Telegram Viber претходниот член,ВМРО-ДПМНЕ сега ја нападна АлтернативаСледната статија„Три“ во режија на Јован Ристовски и „Шапка, анус, чоколадо и уште нешто“ на Ана Батева на МОТ Ljupco Popovski...

Политика ВМРО-ДПМНЕ сега ја нападна Алтернатива 05/12/2021 14:53 Facebook Twitter Pinterest Linkedin Email Telegram Viber Фото: Б. Грданоски Откако излезе од дружината на прочуената слика за Христијан Мицкоски за новото мнозинство, сега ВМРО-ДПМНЕ ја напаѓа Алтернатива дека станала „партнер на криминалната дружина“. Портпаролот на ВМРО-ДПМНЕ, Наум Стоилковски, на денешната прес-конференција одговарајќи на новинарско прашање рече дека „Алтернатива наместо партија којашто сака да промени нешто во општеството и да стане коректор на искривените вредности, станува партнер на криминалната дружина на власт СДСМ и ДУИ“. Стоилковски уште обвини дека Заев бил подготвен „да ја плати секоја цена само за да продолжи со крадењето, тендерите и разградувањето на државата“. Иако мнозинството во парламентот се зголеми на 64 Стоилковски како и претходните денови тврдеше дека многу скоро власта ќе паднела. Вчера лидерот на партијата, Христијан Мицкоски, изјави дека влегувањето на Алтернатива во владата е погрешен чекор и дека требало да остане во опозиција. Facebook Twitter Pinterest Linkedin Email Telegram Viber претходниот член,Владата влезе во нова фаза со Алтернатива, Филипче си одиСледната статијаЗамрзнати цени прераснуваат во празни тезги Ljupco Popovski...

АктуелноПолитика Владата влезе во нова фаза со Алтернатива, Филипче си оди 05/12/2021 14:30 Facebook Twitter Pinterest Linkedin Email Telegram Viber Зоран Заев и Африм Гаши изјавија дека со овој договор владата треба да го одработи својот мандат до 2024 година бидејќи ќе има стабилно мнозинство (Фото: Б. Грданоски) Алтернатива ќе ги добие министерствата за здравство и информатичка технологија. Министрите ќе стапат на должност не во владата на Заев, туку на онаа што ќе ја формира новиот мандатар, а тој ќе биде новиот лидер на СДСМ Од влада на самиот раб на паѓање, од денес има влада која го зголеми мнозинството во парламентот. Премиерот Зоран Заев и Африм Гаши, го потпишаа денеска договорот за влегување на Алтернатива во Владата и со тоа парламентарното мнозининство се зголеми на 64 пратеници и, барем во овој момент, се стави крај на владината криза. Заев и Гаши најавија дека новото мнозинство има цел да го истера мандатот до 2024 година. Алтернатива ќе добие три министерски места во Владата – едно ќе отстапи СДСМ, едно ДУИ, а ќе има министер без ресор задолжен за дијаспората. Венко Филипче си заминува од Министерството за здравство, а најверојатен негов наследник ќе биде Беким Сали, кој е генерален секретар на Алтернатива и беше кандидат за градоначалник на Чаир на локалните избори. Заев, за новинарско прашање изјави дека нема ништо против д-р Сали да биде министер за здравство, но дека за тоа одлука треба да донесат органите на Алтернатива. Јетон Шаќири си заминува од Министерството за информатичко општество и администрација, но не се знае кој би бил неговиот можен наследник. Заев рече дека Филипче бил најдобар министер за здравство што досега го имала државата, но во интерес на иднината на државата, почетокот на преговорите со ЕУ и стабилноста на мнозинството со влегувањето на Алтернатива, некои компромиси морале да се направат. Тој изјави дека нема промени во неговата одлука да си замине од премиерското место, дека останува на оваа функција уште дваесетина дена додека се избере новиот лидер на СДСМ на 12 декември и дека првиот човек на партија ќе биде и следниот мандатар, кој потоа ќе ја формира и новата влада. Заев отворено изјави дека очекува Димитар Ковачевски да биде новиот претседател на СДСМ и премиер, иако на гласањето на членовите на партијата идната недела учествуваат „тројца другари“. Заев уште додаде дека новите министри нема да бидат во владата која тој ја води уште неколку недели, туку дека ќе станат дел од Владата која ќе ја формира идниот мандатар. „Јас сметам на Филипче во мојот приватен живот, ние сме пријатели и сега кога двајцата ќе биде ослободени од политичките функции ќе имаме повеќе време да се дружиме“, рече Заев, објаснувајќи ги односите со министерот и неврохирург Венко Филипче. И Заев и Гаши во изјавите многу внимание им посветија на преговорите со Бугарија, можноста Софија да ја крене блокадата до крајот на декември или почетокот на јануари. Гаши рече дека во разговорите никогаш не влегле со уцени или условувања, туку дека влегувањето во Владата било да преземат голема одговорност за владеењето во ови кризни моменти за државата – од енергетската и здравствената криза, до владеењето на правото и борбата против корупцијата. Во рамките на договорот и директорското место во МЕПСО ќе биде на предлог на Алтернатива. Гаши изјави дека дел од овој договор е да се испрати писмо до Европската комисија да испрати стручна помош за истрага во случаите како „Диво насеље“, смртта на малиот Алмир… Договор да се реши кризата (Фото: Б. Грданоски) Премиерот Заев беше внимателен одговарајќи на прашањата што очекува во наредните недели од преговорите со Бугарија. Тој спомена дека македонските одговори на петте точки веќе се испратени до Софија и дека со формирањето на новата влада во Бугарија ќе се отворат многу нови можности за конечне да се дојде до компромис и договор меѓу двете земји. Заев, сепак, не сакаше да дава посилни ветувања дека тоа навистина ќе се случи, затоа што работата не е само кај македонската страна. Претходно во своето обраќање, Заев рече дека „стабилно парламентарно мнозинство и стабилна Влада значи дека новата проширена коалиција ја презема одговорноста за сигурна иднина и на државата и на граѓаните на Северна Македонија. Се здруживме околу заедничката определба дека во овие моменти најважно е функционирањето на институциите со полн капацитет и преземањето јасно утврдена одговорност пред граѓаните. Како коалицискии партнери од новото стабилно парламентарното мнозинство, едногласни сме дека на Северна Македонија ѝ е потребна Влада која испорачува резултати во интерес на граѓаните, посебно во време кога е неопходен јасен евроатлантски курс на дејствување“. Според него, стабилното парламентарното мнозинство ќе им стави „крај на опструкциите во Собранието“. За да се обезбеди тоа стабилно мнозинство ќе има и уште неколку други министри без ресор за подобро справување со домашните и глобалните предизвици. Алтернатива ќе назначи и три заменици министри, од кои еден во Министерството за образование и наука и еден во Министерството за култура. „За третиот ресор останува дополнително да прецизираме, иако разговаравме за заменик-министер за земјоделство“, рече Заев. Алтернатива ќе преземе одговорност во менаџирањето на раководните и управувачките органи во повеќе институции на централно и подрачно ниво. Меѓу нив се МЕПСО, Фондот за пензиско и здравствено осигурување, Железници транспорт, Клинички центар Тетово, Агенција за странски инвестиции и др. (Н.В.) Facebook Twitter Pinterest Linkedin Email Telegram Viber претходниот член,Нови 276 случаи на Ковид-19 , вкупно 10 починатиСледната статијаВМРО-ДПМНЕ сега ја нападна Алтернатива Ljupco Popovski...

Македонија Нови 276 случаи на Ковид-19 , вкупно 10 починати 05/12/2021 14:28 Facebook Twitter Pinterest Linkedin Email Telegram Viber Фото: Б. Грданоски Во последните 24 часа, регистрирани се 276 нови позитивни случаи на САРС КоВ-2од направени 2.720 тестирања, пријавени се вкупно 10 починати лица, пет во изминатото деноноќие и пет преку системот „Миј Термин“ и 249 оздравени пациенти, информира Министерството за здравство, согласно податоците од Институтот за јавно здравје. Од 276 нови случаи на КОВИД-19, од Скопје се 130, Битола – 35, Прилеп – 17, Охрид – 14, Куманово – 13, Штип – 10, Кавадарци – 9, Струмица – 7,Крива Паланка – 6, Тетово – 5, Кочани, Свети Николе и Пробиштип – по 4, Велес и Ресен – по 3, Гевгелија, Неготино и Богданци – по 2, Гостивар, Кичево, Струга,Радовиш, Делчево и Македонски Брод – по 1. Од 249 оздравени пациенти, од Скопје се 111, Битола – 35, Прилеп – 22, Кавадарци – 18, Штип – 9, Велес – 8, Куманово и Делчево – по 7, Кочани и Ресен – по 6, Берово, Виница и Кратово – по 3, Свети Николе – 2, Пробиштип, Неготино, Кичево, Радовиш, Македонски Брод, Демир Хисар, Крушево, Македонска Каменица и Пехчево – по 1. Во текот на изминатите 24 часа регистрирани се 5 починати лица: 2 починати лица од Скопје (82г и 82г), по едно починато лице од Свети Николе (68г), Кратово (88г)и Демир Хисар (55г). Сите пријавени лица се починати во болнички услови. Дополнително, согласно Регистарот на умрени лица со дијагноза КОВИД-19 од „Мој Термин“, пријавени се 5 починати лица со датум на смрт од 21.11.2021 до 28.11.2021. Регистрираните починати лица се од Скопје (3), Прилеп (1), Кичево (1). Починатите лица се на возраст од 29 до 79 години. Две лица се починати во домашни услови и три лица во болнички услови. Направени се 2.720 тестови преку: ИЈЗ-213, ЦЈЗ Скопје-35, ЦЈЗ Битола-72, ЦЈЗ Прилеп-50, ЦЈЗ Тетово–0, ЦЈЗ Куманово-61, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –1,ГОБ 8-ми Септември-0, Институт за микробиологија–175,Жан Митрев (Филип Втори)-60, Авицена-1108, Биотек-107, Систина-46, лабораторија Лаор-255, Синлаб-20, Ремедика-0, Плодност–48, Генеа-7, Никоб лаб-270,ВФВ Медикал-37, Ели Медика-30, Ројал Медика–60,Спектра-ММ-6, Рапид Лаб–5, Жан Митрев Струмица–3,Нова Лаб Дијагностика–0, ЈЗУ и ПЗУ (рапид тест) –вкупно 1.051. Досега во земјата се направени вкупно 1.484.645 тестирањана Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 217.301,бројот на оздравени пациенти е 203.574, на починати е 7.641, а бројот на активни случаи изнесува 6.086. Според епидемиолошки анализи во моментов, дистрибуцијата по градови е следна: Дистрибуција по градови Заболени (вкупно) Активни случаи (вкупно) Скопје 95051 2839 Куманово 12942 216 Тетово 11344 115 Прилеп 10311 329 Битола 8815 552 Гостивар 8067 17 Велес 7340 194 Кавадарци 7040 238 Штип 6611 122 Охрид 6521 236 Струмица 6135 120 Кичево 4227 36 Кочани 4017 122 Струга 3909 46 Гевгелија 2810 85 Неготино 2572 48 Свети Николе 2126 51 Крива Паланка 1906 95 Ресен 1755 61 Радовиш 1742 59 Берово 1460 78 Дебар 1456 2 Делчево 1415 111 Виница 1161 24 Пробиштип 1127 29 Валандово 948 46 Кратово 776 41 Богданци 647 26 Демир Хисар 618 56 Крушево 593 33 Македонски Брод 498 10 Демир Капија 425 5 Македонска Каменица 418 30 Пехчево 352 9 Дојран 166 5 Вкупно 217301 6086 Facebook Twitter Pinterest Linkedin Email Telegram Viber претходниот член,Словенија ќе и помага на Македонија во развојот на бањски туризамСледната статијаВладата влезе во нова фаза со Алтернатива, Филипче си оди Lejla Sabit...

Економија Словенија ќе и помага на Македонија во развојот на бањски туризам 05/12/2021 13:43 Facebook Twitter Pinterest Linkedin Email Telegram Viber Република Словенија ќе и помага на Република Северна Македонија во развојот на бањски туризам. Ова било договорено на денешната средба меѓу министерот за економија Крешник Бектеши и словенечкиот вицепремиер и министер за економски развој и технологија Здравко Почивалшек. На средбата, меѓу другото, било истакнато дека Република Словенија безрезервно ја поддржува Република Северна Македонија за добивање на датум за преговори со ЕУ. – Денеска имавме можност да разговараме за продлабочување на нашата соработка, посебно во развој на туризмот, бањскиот туризам, за што Република Словенија има големо искуство. Нашата држава има голем капацитет за развој на бањски туризам и се договоривме да организираме средби меѓу нивните и нашите стопанственици. Ги повикав да ја посетат нашата држава, да бидат директно запознаени со потенцијалите кои ги имаме, рече Бектеши, додавајќи дека на средбата било разговарано и за зголемување на трговската размена. – Првичните бројки од 2021, покажуваат дека се враќаме во пред ковид периодот и во делот на извозот и во увозот. Имаме многу сериозни словенечки компании кои веќе работат во нашата држава. Има компании кои се заинтересирани да дојдат и да инвестираат кај нас, особено во автомобилската индустрија. За наша радост, има и наши компании кои работат во Република Словенија, особено во металуршката индустрија и други области, истакна Бектеши, изразувајќи надеж дека соработката меѓу двете држави ќе продолжи, се со цел да се креираат нови работни места, потоа да се споделат добрите искуства кои Република Словенија ги креирала на патот кон ЕУ. Словенечкиот вицепремиер и министер за економски развој и технологија Здравко Почивалшек рече дека му е чест што повторно се сретнува со министерот Бектеши. – Веќе со години се среќаваме и го следиме развојот на економската соработка меѓу Република Словенија и Република Северна Македонија. За несреќа, поради пандемијата, економската соработка малку опадна, но на наше задоволство, во последните девет месеци тоа го надокнадивме и ја зголемивме за 30 отсто. Радува големата инвестициска размена, на словенските инвестиции кај вас и обратно. Словенечките инвестиции во Македонија се големи, изнесуваат над 400 милиони евра и преку 2.500 вработени. Радува и опсегот на македонски инвестиции во Словенија, кои во последните години се зголемуваат. Според податоците тие изнесуваат преку 30 милиони евра, изјави Почивалшек, кој ја посочи компанијата ИГМ, која ги зголемила инвестициите во металургијата. Тој посочи дека Словенија сè уште има во државна сопственост голем дел од економијата, особено туризмот и дека со министерот Бектеши се договориле за инвестициски вложувања во туризмот, особено бањскиот туризам. Словенечкиот вицепремиер истакна дека на министерот Бектеши уште еднаш му ја потврдил безрезервната поддршка која Република Словенија и ја дава на Република Северна Македонија за добивање на датум за преговори со ЕУ. – На самиот на ЕУ кој се одржа во Брдо успеавме проширувањето на ЕУ да влезе во Декларација. Словенечките барања беа да се внесат и конкретни датуми. Ќе направиме се, уште во текот на словенечкото претседателство да се решат проблемите, но се надеваме дека ќе најдете решение со соседите. Словенија безрезервно ја поддржува Република Северна Македонија за почеток на преговори со ЕУ, нагласи словенечкиот вицепремиер и министер Почивалшек. Facebook Twitter Pinterest Linkedin Email Telegram Viber претходниот член,Во лавина во Австрија загинаа тројца скијачиСледната статијаНови 276 случаи на Ковид-19 , вкупно 10 починати Lejla Sabit...

Свет Во лавина во Австрија загинаа тројца скијачи 05/12/2021 13:25 Facebook Twitter Pinterest Linkedin Email Telegram Viber Австрија – Тројца скијачи загинаа, а двајца се повредени во лавина во централна Австрија, соопштија денеска локалните власти. Жртвите биле дел од група од 11 скијачи, од кои осум биле погодени од лавина широка околу 200 метри додека се движеле по патека за време на скијачката тура вчера во областа Твенг, во провинцијата Салцбург. Тројца скијачи биле затрупани од лавината, додека двајца биле делумно затрупани и успеале да се ослободат, соопшти регионалната полиција. Спасувачите успеале да лоцираат двајца затрупани скијачи користејќи ги нивните уреди за пребарување, но едниот веќе бил мртов, а другиот подоцна починал во болница во Клагенфурт. Третиот затрупан скијач не носел уред за пребарување и неговото тело било пронајдено околу четири часа по лавината. Жртвите се Австријци, двајца на 19-годишна возраст, и еден на 24-годишна возраст. Двајцата повредени скијачи се пренесени во локалната болница. Facebook Twitter Pinterest Linkedin Email Telegram Viber претходниот член,Британците ја споредија новогодишната елка во Лондон со фризурата на Борис ЏонсонСледната статијаСловенија ќе и помага на Македонија во развојот на бањски туризам Lejla Sabit...

Свет Британците ја споредија новогодишната елка во Лондон со фризурата на Борис Џонсон 05/12/2021 13:09 Facebook Twitter Pinterest Linkedin Email Telegram Viber Англија – Жителите на Велика Британија ја критикуваа главната новогодишна елка во земјата, која традиционално ја подарува Норвешка и се поставува на плоштадот Трафалгар во главниот град. Оваа година дрвото со ретка крошна беше споредено со фризурата на британскиот премиер Борис Џонсон, пренесе Би-Би-Си. Секоја година Норвешка им испраќа на Британците елка во знак на благодарност за поддршката на Велика Британија за време на Втората светска војна. Празничното дрво достигнува над 20 метри височина. Меѓутоа, овојпат локалните жители го критикуваа изгледот на дрвото поради состојбата на крошната. Некои читатели сугерираа дека само дел од дрвото е доставено во Лондон и се прашуваат кога ќе бидат испорачани другите гранки. Учесниците во онлајн дискусиите се крајно креативни, па некои од коментарите што можат да се прочитаат се: „Да не зела Европската Унија дел од крошната?“, „И со Норвешка ли се скаравме?“, „Боже мој, дрвово да не е мамурно?“. Од кабинетот на градоначалникот објаснија дека дрвото е донесено од вистинска шума, па затоа крошната не може да биде погуста како дрвјата што се одгледуваат специјално за празникот. На официјалниот профил на Твитер на дрвото се вели дека дел од крошната не исчезнал, туку едноставно во пандемијата на Ковид гранките мора да одржуваат и физичка дистанца Facebook Twitter Pinterest Linkedin Email Telegram Viber претходниот член,(Видео) Изјава на премиерот Заев и претседателот на „Алтернатива“, ГашиСледната статијаВо лавина во Австрија загинаа тројца скијачи Lejla Sabit...

Политика (Видео) Изјава на премиерот Заев и претседателот на „Алтернатива“, Гаши 05/12/2021 13:04 Facebook Twitter Pinterest Linkedin Email Telegram Viber Фото: Б. Грданоски Во Клубот на пратеници со почеток во 13 часот претседателот на Владата на Северна Македонија, Зоран Заев и претседателот на политичката партија Алтернатива, Африм Гаши, денеска ќе дадат изјави за медиумите. Facebook Twitter Pinterest Linkedin Email Telegram Viber претходниот член,Дете и уште 4 лица повредени во тешка сообраќајка кај БитолаСледната статијаБританците ја споредија новогодишната елка во Лондон со фризурата на Борис Џонсон Lejla Sabit...

Свет Инцидент над Црното море – руски авион морал да го промени курсот за да избегне судир со авион на НАТО 05/12/2021 12:50 Facebook Twitter Pinterest Linkedin Email Telegram Viber „Росавијација“ потврди дека нејзиниот персонал за контрола на летање морал да го скршне курсот на авионот за да спречи судир со авион на НАТО во регионот на Црното Море. Се наведува дека извидувачкиот авион на НАТО летал во близина на цивилниот авион на авиокомпанијата „Аерофлот“ со повеќе од 140 патници во Москва и дека постојано ги игнорирал обидите на контролата на летање да стапи во контакт со него, пренесе „Раша тудеј“. Патничкиот авион поради безбедно минување бил принуден да ја намали висината. Во соопштението на „Росавијација“ се наведува дека контролата на летање забележала извидувачки авион на НАТО „Бомбардиер ЦЛ-600 Артемис“ како брзо се спушта од 11.000 метри на 9.200 метри височина, додека ја минувал патеката на цивилен лет во непосредна близина на летот на Аерофлот со ознака SU501. Тогаш била обврзана да интервенира копнената контрола, советувајќи го леталото за Москва и уште еден цивилен авион „CL-650“ од Малта, кој летал од руското одморалиште Сочи кон Скопје, да го сменат курсот. „ Крусот и висината на цивилниот авион брзо се променија. Мерките што ги преземаа руските контролори на летање обезбедија безбедност на летовите во областа над меѓународните води на Црното Море“, додава „Росавијација“. Овој инцидент го потврди и руската авиокомпанија „Аерофлот“. Авиокомпанијата откри дека екипажот на „Ербас“ А330 за Москва можел да го види авионот на НАТО и пред да им биде кажано да го сменат курсот преку контрола на летот. Facebook Twitter Pinterest Linkedin Email Telegram Viber претходниот член,Неколку улици во Чаир без водаСледната статијаДете и уште 4 лица повредени во тешка сообраќајка кај Битола Lejla Sabit...

Хроника Дете и уште 4 лица повредени во тешка сообраќајка кај Битола 05/12/2021 12:52 Facebook Twitter Pinterest Linkedin Email Telegram Viber Вчера во 13.30 часот било пријавено дека на магистралниот пат Битола-Ресен, кај „Сопотски ливади“ се случила сообраќајна несреќа помеѓу патничко возило „цитроен“, со битолски регистарски ознаки, управувано од И.Ј.(57) од Битола и трактор „ИМТ 539“, без регистарски ознаки, со приколка, управуван од Г.П.(45) од с.Подмочани, ресенско. Во несреќата со тешки телесни повреди се здобил малолетен сопатник од патничкото возило, а со телесни повреди се здобиле возачот И.Ј. и уште тројца сопатници од возилото, Л.Ј.(51), Б.Ј.(19) и З.Ј.(59), сите од Битола, констатирани во Клиничката болница Битола. Извршен бил увид на местото на несреќата од увидна екипа од Полициската станица Ресен. Facebook Twitter Pinterest Linkedin Email Telegram Viber претходниот член,Инцидент над Црното море – руски авион морал да го промени курсот за да избегне судир со авион на НАТОСледната статија(Видео) Изјава на премиерот Заев и претседателот на „Алтернатива“, Гаши Lejla Sabit...

МакедонијаСкопје Неколку улици во Чаир без вода 05/12/2021 12:31 Facebook Twitter Pinterest Linkedin Email Telegram Viber Прекинато водоснабдување денеска од 11:30 часот ќе имаат корисниците од улиците „Белградска“, „Самарџиска“ и „Алберт Станиќ“ во населбата Чаир. Од ЈП Водовод и Kанализација-Скопје информираа дека прекинот е поради уличен дефект ф 80 мм на ул. „Никола Мартиновски“ бр.21 во населбата Чаир, и ќе трае се до санирање на дефектот. Facebook Twitter Pinterest Linkedin Email Telegram Viber претходниот член,(Видео) Поројни врнежи од дожд во Хрватска, поплавени улици и патиштаСледната статијаИнцидент над Црното море – руски авион морал да го промени курсот за да избегне судир со авион на НАТО Lejla Sabit...

Балкан (Видео) Поројни врнежи од дожд во Хрватска, поплавени улици и патишта 05/12/2021 12:09 Facebook Twitter Pinterest Linkedin Email Telegram Viber Хрватска- Пороен дожд утрово врне на Јадранот локално и со пороен дожд и грмежи. Во текот на денот се очекуваат обилни врнежи од дожд. Поплавени се многу улици во центарот на Сплит. Како што може да се види на снимката која ја испратија читателите, во центарот на градот имало помал порој. Поплавени се и градските патишта. Автоматската метеоролошка станица Сплит-Спинут од полноќ бележи дури 47 литри врнежи, од кои 36 литри од 8:30 до 9:30 часот, јавува „Далмација денес“. Хрватскиот автоклуб – ХАК ги предупредува возачите дека патиштата низ Далмација се полни со вода, а на некои места патиштата се затворени поради непроодност. „Тротоарите се влажни и лизгави во поголемиот дел од земјата. Поради повремени и обилни врнежи од дожд, особено во Далмација можна е поголема количина на вода на коловозот. На места има магла, а можна е и појава на одрони, особено на Јадранската магистрала (DC8) и патиштата во планините. Ги предупредуваме возачите да не тргнуваат на пат без пропишаната зимска опрема“ велат од ХАК. Facebook Twitter Pinterest Linkedin Email Telegram Viber претходниот член,Ковид-лабораториите во Здравствениот дом во Ниш престануваат со работа поради недостиг на реагенсиСледната статијаНеколку улици во Чаир без вода Lejla Sabit...

Балкан Ковид-лабораториите во Здравствениот дом во Ниш престануваат со работа поради недостиг на реагенси 05/12/2021 12:04 Facebook Twitter Pinterest Linkedin Email Telegram Viber Србија – Од утре, 6 декември, лабораториите за ковид во Ниш ќе престанат со работа поради недостиг на реагенси и медицински материјали, изјави за „Политика“ директорот на таа здравствена установа Милорад Јеркан. Според него, во петокот лабораториите вршеле анализи само за најитните, најтешките и најкритичните пациенти користејќи ги последните резерви бидејќи со месеци немало нови испораки. Јеркан рече дека уште на 28 септември испратиле официјално барање за обезбедување на реагенси и санитетски материјали. – Бидејќи во меѓувреме не добивме никаков одговор од Републичкиот фонд за здравствено осигурување (РФЗО), а во последниот бран имавме во просек од 2.300 до 2.750 пациенти дневно на клиниките за ковид, официјално го повторивме барањето на 16 ноември“, изјави Јеркан. Тој рече дека на 26 ноември, бидејќи сè уште никој од РФЗО не одговарал, била одржана итна, вонредна седница на Управниот одбор на Здравствениот дом, на која било констатирано дека установата е пред колапс и било одлучено веднаш д се испрати уште еден допис до Фондот за здравство. – На 2 декември добивме одговор од подружницата на РФЗО во Ниш дека „на нашата институција нема да и бидат исплатени дополнителни средства за набавка на медицински материјал бидејќи се потрошени сите средства предвидени за овие намени за 2021 година“, нагласи Јеркан. Тој додаде дека реагенсите не се ни споменати во дописот од РФЗО, иако се знае дека лабораториите не можат да работат без нив, односно не се можни анализи, брза дијагностика и одредување на потребната терапија за пациентите болни од Ковид-19. Јеркан рече дека Здравствениот дом после одговорот на РФЗО на 3 декември испратил писмо до премиерката на Србија Ана Брнабиќ и министерот за здравство доктор Златибор Лончар во кое бара да интервенираат и да помогнат за да нема катастрофални последици. Во меѓувреме, рече тој, лабораториите се префрлиле на минимум работа. – Воопшто не ни се познати причините за ваквиот неразбирлив однос кон нашата установа, дали се работи за неправилно планирање на средствата за здравство оваа година или за лоша проценка на состојбата на одговорните за финансирање на работата на примарните здравствени установи, потенцира Јеркан. Здравствениот дом, како што рече, од почетокот на епидемијата до крајот на минатата година дал 1,74 милиони лабораториски услуги, а во првите десет месеци од годинава биле извршени околу два милиони лабораториски услуги, бидејќи во ковид-амбулантите имало повеќе пациенти. – Се прашуваме дали е можно никој да не реагира на алармантната состојба во Здравствениот дом во Ниш, која брзо може да се претвори во вистинска катастрофа. Поради ваквиот однос е загрозено здравјето на граѓаните и на целата нација, рече Јеркан. Тој потсети дека Здравствениот дом во Ниш е најголемата здравствена установа во Србија, која е на ниво на Белград по бројот на прегледи од почетокот на епидемијата на Ковид, иако главниот град има шест пати повеќе жители од Ниш. Во официјалниот одговор што „Политика“ го доби од РФЗО, наведено е дека за Здравствениот дом Ниш за лабораториски и санитарни услуги се издвоени 67,2 милиони динари, а за реагенси и санитарен материјал во овој момент се потребни уште 18,6 милиони динари. Facebook Twitter Pinterest Linkedin Email Telegram Viber претходниот член,Си-Ен-Ен го отпушти Крис КуомоСледната статија(Видео) Поројни врнежи од дожд во Хрватска, поплавени улици и патишта Lejla Sabit...

Свет Си-Ен-Ен го отпушти Крис Куомо 05/12/2021 11:42 Facebook Twitter Pinterest Linkedin Email Telegram Viber САД– Си-Ен-Ен го отпушти водителот Крис Куомо поради поддршката за неговиот брат, поранешниот гувернер на Њујорк, Ендрју Куомо, во борбата против обвинувањата за сексуално вознемирување на жени кои биле вработени кај него. Одлуката е донесена откако Си-Ен-Ен соопшти дека се појавиле дополнителни информации за степенот на вмешаност на Крис Куомо во одбраната на неговиот постар брат. Ендрју Куомо поднесе оставка во август, откако обвинителството соопшти дека го малтретира персоналот, објавија американските медиуми. Крис Куомо рече дека е разочаран и оти тоа не е „начинот на кој тој би сакал да заврши неговото време на Си-Ен-Ен. МИА во средата пренесе дека Си-Ен-Ен го суспендираше својот водител Крис Куомо на неодредено време, откако се појавија детали за тоа како тој му помогнал на својот брат, поранешниот гувернер на Њујорк, Ендрју Куомо, да се соочи со обвинувањата за сексуално вознемирување, откриени претходно оваа година. Телевизиската мрежа објави дека документите објавени од њујоршкиот државен обвинител во понеделникот укажуваат на тоа дека Крис Куомо бил повеќе вклучен во одбраната на својот брат отколку што знаеле раководителите на Си-Ен-Ен. „Како резултат на сето ова, го суспендиравме Крис на неодредено време и чекаме дополнителни проценки“, соопштија во средата од Си-Ен-Ен. Водителот извршил притисок врз изворите поврзани со жртвите на неговиот брат и ги информирал соработниците на гувернерот за своите сознанија, активно помагајќи да се развие одбранбен план и одговор на обвинувањата. Канцеларијата на државниот обвинител Летиша Џејмс откри дека Ендрју Куомо сексуално вознемирувал најмалку 11 жени. Facebook Twitter Pinterest Linkedin Email Telegram Viber претходниот член,Зошто новиот ковид бран ги ​​поштеди Куба, Азија и Афика?Следната статијаКовид-лабораториите во Здравствениот дом во Ниш престануваат со работа поради недостиг на реагенси Lejla Sabit...

Свет Зошто новиот ковид бран ги ​​поштеди Куба, Азија и Афика? 05/12/2021 11:39 Facebook Twitter Pinterest Linkedin Email Telegram Viber Климата, генетиката, вакцинирањето или едноставно недистигот на тестови за Ковид 19 се причините што некои земји како да се заобиколени од најновиот бран со корона вирусот. Азија, Африка, Јужна Америка, Австралија, Нов Зеланд и Канада досега се чини дека се поштедени од разорните бранови на коронавирусот. Причините притоа се многу и различни. Кина е позната по своите драконски мерки и масовни тестирања. Таму се затворени цели градови и населби дури и со туристи. Дополнително, земјата е на седмото место по бројот на вакцинирани лица на 100 луѓе. Веќе се администрирани 2,5 милијарди дози вакцина. Има исто така уште еден фактор што влијае на ситуацијата во Кина – земјата не користи мРНА вакцини, само оние со мртов коронавирус. Тие можеби се помалку ефикасни, но имунолошкиот одговор е многу посигурен кога вирусот мутира. Кај другите вирусот може да го заобиколи имунолошкиот одговор поради што сега Pfizer, Moderna и Johnson објавија дека им требаат сто дена за да подготват вакцини за новиот вид.И во Сингапур се потпираат на строгите мерки и вакцинирањето – земјата е на петто место по бројот на вакцинирани на 100 жители. Африка е интересен феномен со мал број случаи, но и за ова има објаснување. Од 1,3 милијарди население во Африка, заболени се само 8,5 милиони.За експертите тоа е логично зашто таму бројот на тестови е толку мал што не се регистрира вистинскиот број на случаи на заболени. Втората причина е што мнозинството од населението живее одалечено, во мали села – ситуација која нема никаква врска со онаа во градовите во Америка и Европа. Третата причина е што просечната возраст на населението е околу 20 години, а во ЕУ на пример е над 40. Можно е специфичната клима да има свој удел исто така, бидејќи и во Европа во лето случаите се драстично намалени. Секако, научниците сакаат да знаат дали сето ова не е поврзано со некоја генетска природа и други разлики што ги прават одредени раси поотпорни на коронавирусот. Во Индија, по разорниот бран на Делта вирусот, сега ситуацијата е помирна и бројот на пациенти драстично се намали по мај. Според некои научници, причините за ова сузбивање на вирусниот бран е можеби промената на годишните времиња и фактот дека таму се веќе дадени 1,2 милијарди дози вакцина -главно стандардни со мртов вирус. Во Куба ситуацијата се чини дека е под контрола, но мора да се има предвид дека земјата е број еден во светот по вакцинирана популација на 100 лица. Иако социјалистичка, Куба долги години е на врвот на листата на земји со најдобри здравствени системи. На самиот почеток на пандемијата Во Куба почнаа да работат на создавање своја вакцина место да чекаат милостина од богатите земји. Facebook Twitter Pinterest Linkedin Email Telegram Viber претходниот член,Објавена автобиографијата на Мира Фурлан – приказна за успесите, поразите, љубовта и предавствотоСледната статијаСи-Ен-Ен го отпушти Крис Куомо Slobodanka Jovanovska...

Сцена Објавена автобиографијата на Мира Фурлан – приказна за успесите, поразите, љубовта и предавството 05/12/2021 11:22 Facebook Twitter Pinterest Linkedin Email Telegram Viber Во автобиографската книга „ Воли ме више од свега на свијету“ довршена пред прераната смрт на филмската дива, се раскажува за се што и се случувало, преводот на хрватски конечно е објавен Линк до целиот текст на Глориа.хр тука Facebook Twitter Pinterest Linkedin Email Telegram Viber претходниот член,Боливуд во криза: Декаденција во филмската индустрија или обид да го замолчат?Следната статијаЗошто новиот ковид бран ги ​​поштеди Куба, Азија и Афика? Lejla Sabit...

Свет Боливуд во криза: Декаденција во филмската индустрија или обид да го замолчат? 05/12/2021 11:02 Facebook Twitter Pinterest Linkedin Email Telegram Viber An Indian policeman gestures at the entrance to a cinema hall scheduled to screen Bollywood film 'Padmaavat' in the northern hill town of Shimla on January 25, 2018. The movie about a mythical Hindu queen angered Hindu extremists and raised fears of widespread riots. -/AFP via Getty Images Индиската филмска индустрија е под зголемен притисок да ја наведне главата пред хинду националистите. Минатиот месец синот на суперѕвездата, индискиот актер Шах Рук Кан, беше уапсен поради консумирање дрога на забава. Во повеќето делови на светот вестите за познатите личности од овој вид обезбедуваат моментално одвлекување на вниманието на јавноста. Во Индија, каде што јазот меѓу Хиндусите и Муслиманите се продлабочи откако Нарендра Моди стана премиер, апсењето на Кан го насочи вниманието на индиското социјално ткиво. Поддржувачите на хинду-националистичката влада на Моди го бранат апсењето како прашање на владеење на законот и тврдат дека тоа открива декаденција во филмската индустрија. Но, индиските либерали тврдат дека тоа бил намерен потег со цел да се оцрни имиџот на муслиманскиот идол за да се смири хиндуистичката десница. Кан е ѕвезда повеќе од една деценија и нашироко се нарекува „Кралот Кан“, кралот на Боливуд. Тој е познат и по неговото издигнување од сиромаштија. Тој често ја охрабрува јавноста со приказни за тешкотиите што ги преживеал, вклучително и дека морал да спие на улиците на Мумбаи додека се обидувал да стане актер. Приказните за неговата борба и успех инспирираа милиони Индијци, вклучително и муслимани, а неговиот возвишен статус го исполнува ветувањето на Индија како секуларна и инклузивна нација каде што секој – без разлика на религија, каста или вера – може да успее. Но, хиндуистичката десница има долга историја на негодување за подемот на муслиманите, особено на оние кои ја предизвикуваат нивната ексклузивистичка политика – група која го вклучува и Кан. Во 2015 година Кан зборуваше против линчовите на муслиманите од страна на хинду толпи за наводно шверцување крави за да бидат заклани и служени како месо. Многу Хиндуси сметаат дека кравите се свети. „Направивме огромна работа за нашите навики за јадење месо. Како може да бидат проблем навиките за храна на луѓето?- изјави Кан во интервју за локален канал за вести. „Верската нетолеранција и несекуларноста во оваа земја е најлошиот вид на криминал што можете да го направите како патриот“, додаде тој. Постои шема на огорченост на крајната десница фокусирана на ѕвездите од Боливуд. Пред една година, боливудската актерка Дипика Падуконе беше обвинета дека е дел од криминална нарко мрежа и беше повикана на сослушување од индиското Национално биро за контрола на наркотици. Во 2019 година, Падуконе се приклучи на студентски протест против контроверзниот антимуслиманскi закон за државјанство донесен од владата на Моди. Случаите би можеле да разоткријат „синџир на дрога“ во филмската индустрија, како што тврдат неколку новински мрежи што го поддржуваат Моди. Но, либералите се сомневаат дека Кан и Падуконе биле казнети затоа што зборувале против исламофобијата, а случаите против нив се дел од подмолна кампања за заплашување на муслиманите и либералите поврзани со Боливуд. Ова би било дел од една поширока шема. Откако Моди дојде на власт, малцинствата и либералите во сите влијателни сегменти на општеството тврдат дека се под притисок тивко да ги прифатат дискриминаторските идеи на хиндуистичката десница за тоа што треба да биде Индија. Прво, новинарите се пожалија на принуда бидејќи се зголеми притисокот за самоцензурирање. Повеќето новински мрежи или попуштија или тргнаа по тенка линија, додека други станаа нескротливи гласноговорници на владините политики. Следна цел беа левоориентираните универзитети и оние во кои доминираат малцинствата. Индиската филмска и телевизиска индустрија, која вработува повеќе од еден милион луѓе и има обожаватели ширум светот, е последната што го почувствува притисокот. Филмовите и филмските ѕвезди сега се во срцето на културната револуција дизајнирана да го уништи несогласувањето против владата на Моди и да го промени патот на Индија од различно во културно хомогено општество. Боливуд беше совесен чувар на земја кој се движи низ повеќе линии одеднаш. Иако отсекогаш мораше да се однесува претпазливо за да избегне раздразнување на политичките сили, Боливуд беше секуларен простор кој промовираше кохезија меѓу заедниците и играше конструктивна улога во градењето толерантно општество. Меѓутоа, во последните неколку години, актерите се плашеа да го кажат своето мислење во врска со контроверзните политички одлуки, индустријата се дискредитира како дувло на зависници од дрога, а јазикот на индиската кинематографија полека, но сигурно се менува. Долго време песните како „Религијата не учи непријателство“ ги ширеа идеите за соживот. Тие ја вградија вредноста на меѓурелигискиот дијалог во главите на генерации Индијанци. Но, сега, религиозен шовинизам е прошаран во песните и приказните. Се чини дека постои нова опсесија со снимање филмови за хинду-воини кралеви кои ги предизвикувале муслиманските владетели – вторите речиси секогаш се сликани како злобни. Има многу удирање гради и удирање со мечеви додека се поздравуваат хинду боговите, како да се обидуваат да повикаат не само на гордост на хинду наследството, туку и нешто повеќе – можеби чувство на супериорност. Шубра Гупта, филмски критичар и водечки колумнист во Indian Express, изјави за Foreign Policy дека хиндуската кинематографија тргнала да ги промовира вредностите на „pyaar and bhaichara” („љубов и братство“) во раните години на градењето нација по независноста. Но, тоа брзо се смени. „Конзервативизмот, патријархатот и статус квото не познаваат политички граници. Тоа е вид на кино кон кое немилосрдно се туркаат сите мејнстрим филмски индустрии во Индија“, рече Гупта. „Со оглед на нејзината огромна популарност, сите влади низ децениите ја користеа филмската индустрија за да ги пропагираат своите пораки“, продолжи таа. „Но, сега е повеќе од кога било под притисок да ја прифати државната линија на команда и контрола, бидејќи сегашниот режим ја разбира моќта на сликата на начин што никој друг не ја знаел пред него“. Рахул Вохра, индиски актер кој работел со Кан, рече дека адвокатите сега ги проверуваат сценаријата за да не бидат на погрешна страна во однос на централната влада. „И да, сето ова намерно се прави за да се инсталира измислен наратив со пресметана цел да се напише одново историјата“, рече Вохра. „Многу актери се плашат да го кажат своето мислење, а многумина всушност веруваат во мислењата на владата“. Вохра, како и многу други, се сомнева дека обвиненијата за дрога се измислени, особено затоа што доказите презентирани досега беа тенки. „Искрено чувствувам дека ова се зготвени приказни со специфична намера да се оттргне вниманието од прашањата што нè зјапаат в лице“, рече тој, алудирајќи на влошената економска криза во земјата и зголемената инфлација. A tribute to Bollywood actor Sushant Singh Rajput in Puri, India, on June 15, 2020. NurPhoto via Getty Images Се започна со смртта на актерот Сушант Синг Раџпут на почетокот на 2020 година, чии родители се сомневаа на наодите на обдукцијата која потврди дека извршил самоубиство. Девојката на Рајпут, актерката Реа Чакраборти, беше обвинета за набавка на дрога за него. Чакраборти беше првата што беше уапсен како дел од наводниот „синџир со дрога“ во индустријата. Иако таа беше свежо лице, нејзиниот случај го постави теренот за истражување на моралот на филмските ѕвезди. Смртта на Рајпут, исто така, доведе до дебата за широко распространетиот непотизам на Боливуд, и тоа секако беше добра работа. Филмовите во земјата се водат како семејни бизниси, а децата на актери и режисери се први во редот да станат ѕвезди од следната генерација. Сепак, има многу аутсајдери кои успеале – меѓу нив е и Кан. Фокусот на централните агенции и гневот на медиумите и троловите, сепак, се чини дека беа резервирани за оние кои не му дале јавно одобрение на центарот за моќ во Њу Делхи. „Атмосферата дека цел Боливуд е полн со непотизам и зависници од дрога е распространета со голема доза на енергија“, рече Гупта. „И дека сè што ќе излезе од него е извалкано, освен ако, се разбира, не сака да остане на безбедна страна со филмови за лошите муслимански напаѓачи и храбрите хинду кралеви кои се бранители на верата“. Масивната филмска индустрија во Индија како резултат на тоа е поделена. Има актери кои се колнат во владата на Моди. Само минатата недела, еден од нив дури рече дека Индија ја постигнала слободата во 2014 година – годината кога Моди стана премиер на земјата. Но, други стравуваат дека просторот за нив да бидат вистински уметници и да го оспорат растечкиот мајоризам во земјата се намалува. Тие се загрижени дека нивните филмови може да бидат блокирани или да добијат удари со случаи како оние со кои се соочуваат синот на Кан и Падуконе. Индиските филмови имаат многу проблеми, вклучително и високо сексистичкиот речник, но фанатизмот не е еден од нив. Ако уметниците се замолчат, нема да остане кој да го држи огледалото на општеството. И Кан и Падуконе беа претпазливи по случаите. (Форин Полиси) Facebook Twitter Pinterest Linkedin Email Telegram Viber претходниот член,МВР апелира да не се користат петарди, особено пред и за време на новогодишните и божиќните празнициСледната статијаОбјавена автобиографијата на Мира Фурлан – приказна за успесите, поразите, љубовта и предавството Slobodanka Jovanovska...

Хроника МВР апелира да не се користат петарди, особено пред и за време на новогодишните и божиќните празници 05/12/2021 10:57 Facebook Twitter Pinterest Linkedin Email Telegram Viber Министерството за внатрешни работи информира дека и годинава се спроведува превентивна кампања, со цел на граѓаните да им се укаже за можните последици од употребата на петарди и други пиротехнички средства, посебно актуелна пред и за време на новогодишните и божиќните празници. МВР презема и репресивни мерки, со цел санкционирање на употребата на петарди и други пиротехнички средства и ги потсетува граѓаните за законските одредби во кои е санкционирана употребата на пиротехнички средства и нивната нелегална продажба. Во соопштението се подвлекува дека Законот за прекршоци против јавниот ред и мир во член 31 предвидува глоба во износ од 200 до 500 евра во денарска противвредност за оној кој неовластено пука од огнено оружје, употребува пиротехнички средства или сличен експлозивен или лесно запалив материјал, или на сличен начин го нарушува мирот и безбедноста на граѓаните. – Согласно Кривичниот законик, во член 396 е предвидено недозволеното изработување, држење и тргување со оружје или распрскувачки материи, при што: тој кој што неовластено изработува, држи, продава, набавува или врши размена со огнено оружје, муниција или експлозивни материи, ќе се казни со затвор од три до десет години; ако предмет на делото од ставот 1 е поголемо количество на огнено оружје, муниција или експлозивни материи, или огнено оружје, муниција или експлозивни материи кои на граѓаните им се забранети, сторителот ќе се казни со најмалку пет години затвор, се појаснува во соопштението од МВР. Facebook Twitter Pinterest Linkedin Email Telegram Viber претходниот член,Ѓоковиќ ги поддржа протестите во СрбијаСледната статијаБоливуд во криза: Декаденција во филмската индустрија или обид да го замолчат? Lejla Sabit...

Балкан Ѓоковиќ ги поддржа протестите во Србија 05/12/2021 10:42 Facebook Twitter Pinterest Linkedin Email Telegram Viber Најдобриот светски тенисер Новак Ѓоковиќ ги поддржа протестите во Србија против законските измени кои според демонстрантите власта ги прави по мерка на гигантот „Рио Тинто“ и проектот за отворање рудник за литиум во областа Јадар. Ѓоковиќ на Инстаграм сподели фотографија од вчерашната блокада на мостот „Газела“ во Белград и напиша: „Чист воздух, вода и храна се клучот на здравјето. Без тоа, секој збор за ‘здравје’ е вишок“. Илјадници демонстранти вчера блокираа главни патишта ширум Србија, незадоволни од планот на власта да му дозволи на гигантот „Рио Тинто“ да отвори рудник за литиум во Србија. Зелените активисти велат дека проектот ќе ги загади земјата и водите во Србија. Освен во Белград, протести се одржаа во други српски градови, а имаше и тепачки меѓу демонстранти и контрадемонстранти во главниот град и во Нови Сад, според извештаите во локалните медиуми. Минатиот викенд имаше слични протести низ Србија за време на кои маскирани луѓе нападнаа собир во Шабац, што предизвика големо незадоволство на социјалните мрежи и обвинувања дека власта користи хулигани за да ги запре протестите. Симнете ја мобилната апликација Facebook Twitter Pinterest Linkedin Email Telegram Viber претходниот член,Промоција на новата книга „Торонто експрес“ на Зоран Спасов-ЅофСледната статијаМВР апелира да не се користат петарди, особено пред и за време на новогодишните и божиќните празници Lejla Sabit...

Култура Промоција на новата книга „Торонто експрес“ на Зоран Спасов-Ѕоф 05/12/2021 10:33 Facebook Twitter Pinterest Linkedin Email Telegram Viber Новата книга „Торонто експрес (Тибам штркот апдејт)“ од Зоран Спасов Ѕоф ќе биде промовирана на седми декември (вторник), во 20 часот, во книжарницата Literatura.mk Superstore во „Ист гејт мол“. Книгата, како и претходниот хит-роман, „Тито, мојот претпоследен херој“, е во издание на „Попули“, дел од „Арс Ламина – публикации“. „Торонто експрес“ е ново, дополнето издание на популарната книга и литературен првенец на Ѕоф, „Тибам штркот“. Дизајнот на корицата е на стрип-авторот Михајло Димитриевски – Тxе Мичо. Промоцијата на книгата ќе се одржи неколку дена пред премиерата на новата театарска претстава „Торонто експрес“, во Македонскиот народен театар. Претставата, која е базирана на книгата, е во режија на Јордан Симонов, а главната улога ја толкува Александар Микиќ. Тие работеа и на театарската адаптацијата на текстот, заедно со Благоја Бошковски. Премиерата е закажана за 15 декември, а ден подоцна и на 20 декември се следните изведби. Во промотивниот период, со секој купен примерок од книгата „Торонто eкспрес“, во книжарниците „Литература.мк“, ќе следува ваучер за влезница за некоја од изведбите на претставата „Торонто експрес“. Ваучерите можат да се заменат за влезници во билетарницата на МНТ. „Торонто експрес (Тибам штркот апдејт)“ е документаристичка стрип-проза; еден вид фотонарација со блиц, зум и слободен кадар и фокус; „водич за идните печалбари и тазе имигранти“, како што вели самиот автор, или литерарен прирачник за заминување, но и за враќање од Канада. Последното (враќањето) е нешто невообичаено за ваков тип „прирачници“, упатства и помош за адаптации во туѓи средини и можеби токму тоа ја долева последната капка во оваа преполна чаша искреност и таа претекува на сите страни. Ова е приказна што брзо и неосетно влегува под кожа: популарна, ефектна, штосна, документарна и есеизирана; приказна што „шверцува“ нашинство и носталгија во далечниот, среден свет каде што објективно тоа не е предвидено. Напишана на скопски сленг, книгава нуди една нова форма на битовост, на модерно печалбарство, актуализирајќи го вековниот проблем на иселувањето на нашиот народ на еден автентичен, самосвоен и мошне читлив, ведар и духовит начин. Новите „печалбари“ се академски музичари кои разнесуваат пици, машински инженери – „конобари“ по свадби, ортопеди – стручњаци за гипс-картон… Нивните (не)употребливи дипломи чекаат во куферите зафрлени во подрумите на изнајмените станови во Канада. Јазикот, стилот, фактографските пасажи, фокусираните детали, отворениот, духовит и автоироничен поглед на нас самите, секако и илустрациите на Тхе Мичо низ текстот, се чини дека повторно ја нашле формулата за успех и читаност на претходната книга на Ѕоф: „Тито, мојот претпоследен херој“. Зоран Спасов Ѕоф е основач на Фондацијата „Македоника“, чија цел е зачувување, негување и промовирање на македонските јазик и култура. Преку Фондацијата, на интернет-страницата www.makedonika.mk има споделено повеќе од 2.000 бесплатни е-книги. Oсновач e на првиот приватен весник во Македонија „Огласник M“, на првиот и единствен таблоид „MExpress“. Бил продуцент на популарното ТВ-шоу „Џандар збира“, а во 1995 година е избран за менаџер на годината во полето на културата. Пишувањето книги е негова голема пасија, а досега, покрај новата „Торонто експрес“, ги има објавено: „Тибам штркот“ (2009), „Некогаш, некаде“ (2012), „Тито, мојот претпоследен херој“ (2020) Facebook Twitter Pinterest Linkedin Email Telegram Viber претходниот член,Што доби Алтернатива за да влезе во владата?Следната статијаЃоковиќ ги поддржа протестите во Србија Lejla Sabit...

Политика Што доби Алтернатива за да влезе во владата? 05/12/2021 10:17 Facebook Twitter Pinterest Linkedin Email Telegram Viber Со договорот меѓу Зоран Заев и на Африм Гаши за влегување на Алтернатива во Владата и во парламентарното мнозинство, според неофицијални информации, оваа партија ќе добие три министерски места, тројца заменици-министри и заменик-претседател на Собранието. Неофицијално Алтернатива ќе ги добие министерските места за здравство, за информатика и министер за дијаспора, а заменици министри од Алтернатива ќе бидат во култура, земјоделство и транспорт. За Алтернатива ќе има и четириесетина директорски и места во управните одбори на државни институции. Ова е неофицијалниот список на функции што ќе и припаднат на оваа партија: 1. Министерство за здравство 2. Министерство за информатика 3. Заменик претседател на Собранието 4. Министер за дијаспора 5. Заменик министер за култура 6. Заменик министер за земјоделство 7. Заменик министер за земјоделство или транспорт за финансии 8. Мепсо 9. Железнички транспорт 10. Управа за болница Тетово 11. Национален граничен координатор 12. Пензиски фонд 13. Регистри 14. Заменик директор во Испитен центар 15. Инспекторат за локална самоуправа 16. Социјален центар Скопје 17. Заменик директор во Сл. весник 18. Директир затвор Идризово 19. Агенција за странски инвестиции 20. Агенција за претприемништво 21. Природно-математички музеј 22 Институт за културно наследство 23. Инспекторат за стандардизација 24. Театар Гостивар 25. Тетовска библиотека 26. Агенција за млади и спорт 27. Заменик директор за индустриска сопственост 28. Помошник министер во МВР 29. Раководител на сектор МВР 30. Раководител на сектор во Царина Охрид 32. Началник за земјоделство во Долнени 33. Агенција за вработување Струга 34. Кино Струга 35. Сектор МВР, Тетово 36. Директор на Клиника Скопје 37. Управен одбор, членови 38. Надзорен одбор, член 39. Директор на Испитен центар 40. Управен совет на МК Патишта 41. Надзорен совет на МК Патишта 42. Управен одбор во железничка инфраструктура 43. Управен одбор на аеродром 44. Управен одбор во Пошта 45. Надзорен одбор во Пошта 46. ​​Управен совет во агенц. за пасишта 47. Директор архив Струга Ова веќе се зборуваше дека било на преговарачката маса меѓу премиерот Зоран Заев и претседателот на Алтернатива, Африм Гаши. Иако потврда нема, а детали се очекуваат да се изнесат во 13 часот, според вчерашната прес-конференција на Орхан Муртезани, портпарол на Алтернатива, беше јасно кои ресори ќе и припаднат на оваа партија која се приклучи кон владиното мнозинство. „ Алтернатива ќе превеземе и важни одговорности кои се однесуваат на стратешките интереси. Ќе преземеме значајни обврски од областа на здравството, борбата против криминалот и корупцијата, енергетиката, организацијата на дијаспората, но и образованието, културата и подигнувањето на квалитетот на животот на граѓаните“, кажа Муртезини. Сѐ поизвесно е дека Алтернатива ќе добие и менаџирање со енергетиката. Според непотврдените информации, тие ќе го добијат и директорското место во компанијата МЕПСО која е целосно државна сопственост. Досега со оваа компанија менаџираше Куштрим Рамадани, кадар на ДУИ.Прашани за тоа кој ќе раководи со овие институции и компанијата, портпаролот на Алтернатива не одговори посочувајќи дека нема дозвола од Централното собрание. Димитар Апасиев од Левица за овој договор напиша: „ЛДП и ДОМ имаа 4 пратеници, а само 1 (небитно) министерство. Алтернатива има 4 пратеници, а ќе има 3 (битни) министерства!? Само јас ли не го разбирам мазохизмот на либералите и зелените?“ Facebook Twitter Pinterest Linkedin Email Telegram Viber претходниот член,Трамп го нарече командантот на американската војска „проклет идиот“Следната статијаПромоција на новата книга „Торонто експрес“ на Зоран Спасов-Ѕоф Slobodanka Jovanovska...

Свет Трамп го нарече командантот на американската војска „проклет идиот“ 05/12/2021 10:07 Facebook Twitter Pinterest Linkedin Email Telegram Viber Поранешниот американски претседател Доналд Трамп остро зборуваше за шефот на Комитетот на началниците на генералштабовите на американската армија Марк Мили, пренесе весникот „Експрес“. Трамп го нарече највисокиот американски генерал „проклет идиот“ поради повлекувањето на војниците од Авганистан. Тој потсети како Мили се обидел да му докаже дека при повлекувањето на американските трупи од таму ќе биде поевтино да се остави сета воена опрема во земјата отколку да се изнесе. – Имате авион од 50 милиони долари. Имате прекрасен хеликоптер од 29 милиони долари. Имавме секакви хеликоптери. Многу од нив се сосема нови, буквално само што отпакувани. Дали мислите дека е поевтино да го оставите таму за да го земат, отколку да го наполните со половина резервоар гас и да го однесете во Пакистан или да го вратите во нашата земја?, праша Трамп. Говорејќи на настан синоќа во Мар-а-Лаго организиран од конзервативната организација Turning Point Action, Трамп истакна дека тој од Авганистан би зел сè што припаѓало на САД, „од најмалата завртка“. Toj претходно рече дека Русија и Кина ги демонтирале и проучувале хеликоптерите што ги оставиле САД во Авганистан. Според него, Русија и Кина веќе имаат модели на американски хеликоптери кои наскоро ќе бидат усовршени. „Тие веќе ги демонтираат апачите, ги проучуваат и наскоро ќе ја состават најдобрата опрема“, изјави Трамп. На 15 август талибанците ја презедоа контролата на целата територија на Авганистан по повлекувањето на американските трупи од земјата. Евакуацијата на американските војници и дипломатската мисија од Авганистан официјално заврши на 31 август 2021 година. Facebook Twitter Pinterest Linkedin Email Telegram Viber претходниот член,Кинеските стандарди за работа изгледаат како затвореништо во СрбијаСледната статијаШто доби Алтернатива за да влезе во владата? Mirce Jovanovski...

Балкан Кинеските стандарди за работа изгледаат како затвореништо во Србија 05/12/2021 10:02 Facebook Twitter Pinterest Linkedin Email Telegram Viber Кинеските работници во кинескиот рудник за бакар во Србија сведочеле за БИРН за сериозни прекршувања на нивните права, вклучително и ограничување на нивното движење, 12-часовни работни денови и одземање на пасошите. Десетици работници ангажирани од кинеската државно контролирана групација за рударство „Зијин“ покажаа ретко несогласување на 14 јануари, кога протестираа пред рударскиот комплекс за бакар во српскиот град Бор, во мнозинска сопственост на Зијин од 2018 година. Зијин го омаловажи настанот, велејќи дека работниците се собрале затоа што сакале да се вакцинираат против Ковид-19 за да отпатуваат дома за кинеската Нова година во февруари, но дека нема достапни авионски билети. Доказите до кои дојде БИРН, сепак, покренуваат сериозни прашања во врска со условите со кои се соочуваат кинеските работници во Србија и подготвеноста на српските власти да интервенираат и да ризикуваат да им наштетат на сè поважните дипломатски и инвестициски односи со Кина. Во разговорите со нив, неколку кинески работници, кои одбија да бидат именувани поради страв од последиците од зборувањето за медиумите – рекоа дека работат екстремно многу часови, дека се ограничени во нивните станбени простории и дека морале да ги предадат своите пасоши. „Немаме слобода, како да сме затвореници“, рече еден работник. „Зијин не не третира нас кинеските работници како човечки суштества“, рече друг.„Тие се загрижени и исплашени дека ќе излеземе да бараме новинари за да ја разоткријат веста дека нè измамиле да дојдеме овде и да работиме“. Според условите во билатералниот договор од 2018 година, Законот за работни односи на Србија е привремено суспендиран за кинеските државјани кои работат во Србија, што значи дека трудовиот инспекторат на земјата нема право да ги ревидира нивните договори или да проверува дали тие се платени. Но, може и треба да ги проверува здравствените и безбедносните услови, рече Марио Рељановиќ, експерт за работнички права и научен соработник во Институтот за компаративно право во Белград. Рељановиќ рече дека наводите во врска со слободата на движење и одземањето на пасошите се работа на полицијата. „Не само што опишаниот третман на работниците може да се окарактеризира како кривично дело трговија со луѓе, туку сосема е извесно дека постапувањето по трудовото право што им се нуди подразбира целосна недоволна свест за меѓународните стандарди на трудот и целосна негрижа за нивното здравје и животи“, рече тој. „Од изјавите на работниците и видеата што ги видов, можеме да кажеме дека српските институции дефинитивно треба да проверат што се случува таму“, рече Рељановиќ за БИРН. „Се надевам дека тие слободно ќе ја вршат својата работа без да преовладуваат политичките и деловните интереси. Српската невладина организација за борба против трговија со луѓе АСТРА предупреди дека случајот потенцијално вклучува „трговија со луѓе со цел трудова експлоатација“, растечки проблем во Србија“. „Тие се целосно незаштитени, експлоатирани, загрозени поради присуството на коронавирусот на градилиштето и поради сместувањето, во странска држава чиј јазик не го зборуваат, постојано не ја поседуваат својата лична документација и нивното движење е ограничено“, велат од невладина организација за БИРН. Ниту Зијин, ниту Министерството за труд на Србија не одговориле на барањата за коментар за оваа приказна. Подготвеноста на кинеските компании да откупат задолжени државни претпријатија во Србија помогна да се намали притисокот врз буџетот на балканската земја, но аналитичарите велат дека тоа има цена во однос на транспарентноста, еколошките стандарди, работничките права и растечката кинеска политичка моќ. Зијин влезе во Србија во 2018 година, плаќајќи 350 милиони долари за докапитализација на РТБ Бор и вети дека ќе инвестира 1,26 милијарди долари во следните шест години во замена за 63 отсто од акциите. Подоцна презеде проект за експлоатација на наоѓалиштето Чукару Пеки. Владата на Србија вели дека проектот е од витално значење за економијата на земјата, но кинеските работници на локацијата плаќаат висока цена. Видеото до кое БИРН дојде од внатрешноста на нивното сместување покажува соби од околу 10 квадратни метри преполни со кревети за 10 лица.Работниците со кои разговараше БИРН се пожалија на работа по 84 часа неделно, на доцнење на платите, на ограничено движење и на несоодветна работна облека.Можеби најзагрижувачки е што некои работници рекоа дека потпишале бланко договори и ги предале своите пасоши. „Не сме навистина свесни што има во договорите“, рече вработен.„ Листот беше празен кога ни го дадоа да го потпишеме. Што е напишано на празното место по потпишувањето, никој навистина не знае. Тие само бараат да работиме. Не ни е дозволено да излеземе надвор, ниту пред портите на нашата населба. Треба да се искрадеш ако сакаш да купиш нешто и, ако те фатат, ти наплаќаат 30.000 динари [232 евра]“, изјавил еден од соговорниците. Тој, исто така, го обвини „шефот“ дека ги отфрлил барањата на работниците да им биде дозволено да се вратат во Кина. „Компанијата ни ги одзеде пасошите и ни се заканува дека ќе мора да ги платиме трошоците за повратниот авионски билет ако сакаме да си одиме дома“, рече тој. „Поради пандемијата, авионските билети се многу скапи, па многумина мора да останат. Во својот одговор на извештаите на локалните медиуми за протестот на 14 јануари, Зијин негираше дека на оние што ги вработува им е забрането да го напуштаат станот кога не работат или се принудени да работат многу часови. Исто така, го бранеше квалитетот на сместувањето, велејќи: „Работничките домови се опремени исклучиво со нов мебел, инсталации и уреди“. Во текот на изминатите неколку години, илјадници кинески работници поминаа низ Србија, важна станица на Пекингшката иницијатива „Појас и пат“ за да се олесни транспортот на кинески стоки до европските пазари. Но, малку се знае за условите на нивното вработување или условите во кои живеат и работат.Критичарите велат дека билатералните договори меѓу двете земји, начин за брзо следење на кинеските инвестиции, го заобиколиле српскиот закон во низа области. Во септември 2018 година, Србија го усвои Законот за потврдување на договорот за социјално осигурување со Кина, со што само кинескиот закон за труд се применува на кинеските работници мигранти во Србија во првите пет години од нивниот престој. Ова значи дека законот за работни односи на Србија и стандардите што ги поставува во однос на работничките права се суспендирани во случајот со кинеските државјани, ограничувајќи ја јурисдикцијата на трудовиот инспекторат да истражува. Кинеските државјани сочинуваат речиси 30 отсто од вкупниот број странски работници во Србија, или 3.148 во 2019 година.Рељановиќ, експерт за работнички права, рече дека билатералните договори не можат „да го исклучат правото на државата да интервенира во случај на сериозни прекршувања на законот“.Договорот од 2018 година беше потпишан наводно за да се регулираат прашањата за двојното оданочување, социјалното осигурување и слични прашања, но во пракса тој имаше „погубни резултати“, рече тој за БИРН. Доколку наводите се точни, рече тој, тоа претставува повреда на „не само правото на работа и безбедна работна средина, туку и на правото на човечко достоинство“. Работниците со кои разговараше БИРН рекоа дека не ги поседуваат договорите што ги потпишале бидејќи компанијата им ги зела. Еден, кој рече дека пристигнал во Србија во март 2020 година, рече дека работел 12 часа на ден. „Ако го додадеме времето поминато на заминување и враќање од работа, ни требаат 14 часа секој ден“, рече тој. „Не можеме доволно да се одмориме, немаме индивидуални слободи… платите не стигнуваат на време и често иаме ситуации кога сме финансиски казнети без соодветна причина. Никогаш не ни обезбедија работи за да нè заштитат на работа; немаме соодветна облека за работа… на некои луѓе им замрзнуваат стапалата и немаат друг избор освен да ги трошат своите пари на опрема“, посочи еден од соговорниците. Јануарскиот протест се случи откако десетици работници беа позитивно тестирани за Ковид 19, што предизвика загриженост меѓу другите за здравствените мерки на претпазливост и хигиенските стандарди во нивните станбени простории. Многумина оттогаш беа преместени во хотел во кинеска сопственост на периферијата на главниот град на Србија, Белград. Вратите на хотелот беа заклучени и спуштени ролетните кога го посети репортер на БИРН. Еден Кинез погледна низ прозорецот, но одби да зборува. Службеник во Инспекторатот за труд на Србија, кој одби да биде именуван, изјави за БИРН дека кога работниците го организирале протестот, локалното раководство на Зијин им кажало на инспекторите по телефон дека поради пандемијата нема да биде возможна инспекција на локацијата.Официјалниот претставник рече дека од 900 работници ангажирани од локалната градежна компанија на Зијин во Србија, Џиншан, околу 400 сè уште немаат официјални дозволи за работа. Рељановиќ рече дека српскиот јавен обвинител треба да дејствува, „бидејќи меѓудржавниот договор не дава – ниту може да даде во какви било редовни околности – амнестија од кривична одговорност“. „Се чини дека на надлежните органи и институции во Србија не им пречи формално да се засолнат зад тоа и да ги одвратат очите од шокантната судбина на кинеските работници“, изјави тој .(БИРН) Facebook Twitter Pinterest Linkedin Email Telegram Viber претходниот член,Данската премиерка се извини затоа што не носела маскаСледната статијаТрамп го нарече командантот на американската војска „проклет идиот“ Slobodanka Jovanovska...

Свет Данската премиерка се извини затоа што не носела маска 05/12/2021 09:35 Facebook Twitter Pinterest Linkedin Email Telegram Viber Данската премиерка Мете Фредериксен се извини откако беше снимена без маска во продавница, спротивно на новите анти-ковид правила. Видеото што го објави вчера данскиот дневен весник „Екстра Бладет“ е снимено во петокот од случаен минувач низ излог во центарот на Копенхаген, четири дена по повторното воведување на обврската за носење маски на јавни места и во јавниот превоз. – Се работи за превид, откако стапија во сила новите правила. Тоа го сфатив кога ме сними граѓанин, реагираше Фредериксен на социјалните мрежи. – Знам дека тоа може да му се случи на секого. Жал ми е и сакам уште еднаш да ви се заблагодарам за сè што правиме заедно за да ја спречиме епидемијата, рече таа. Facebook Twitter Pinterest Linkedin Email Telegram Viber претходниот член,Стојановиќ: Пуштањето на ТЕЦ Неготино ќе чини помалку отколку увоз на електрична енергијаСледната статијаКинеските стандарди за работа изгледаат како затвореништо во Србија Mirce Jovanovski...

Економија Стојановиќ: Пуштањето на ТЕЦ Неготино ќе чини помалку отколку увоз на електрична енергија 05/12/2021 09:20 Facebook Twitter Pinterest Linkedin Email Telegram Viber Пуштањето на АД ТЕЦ Неготино во процес на производство ќе ја чини државата помалку отколку увоз на електрична енергија, оценува во интервју за МИА, генералниот директор Небојша Стојановиќ. Проценките се дека со моментната цена на мазутот од 36 ден/кг, производната цена на АД ТЕЦ Неготино ќе изнесува од 150 – 175 евра / мегават-час, во зависност од тоа дали ќе работи со еден или два котла. Владата на Република Северна Македонија даде согласност да се склучи договор за деловно-техничка соработка меѓу АД ЕСМ и АД ТЕЦ Неготино за набавка на мазут и производство на електрична енергија во периодот декември 2021 – април 2022 со можност за понатамошна соработка, доколку за тоа има потреба. Во времиња на закани од енергетска криза поради дефицит од струја, низ годините се знаело да се каже дека само „златната резерва” ТЕЦ „Неготино” може да ја спаси земјава од мрак. Изградена пред 43 години, таа има инсталирана моќност од 210 мегавати и е втор по големина енергетски капацитет во државата. Тоа е единствена електрана што како погонско гориво користи мазут и брзо може да се преориентира и на природен гас. Како се оценува подготвеноста на вработените и опремата за почнување со работа на Термоелектраната ,,Неготино”? – ТЕЦ Неготино последен пат бил вклучен во процесот за производство на електрична енергија во 2009 година. Редовно во текот на овие изминати 12 години се врши проверка на опремата за работа и обуки на вработените. Низ процесите на конзервација на опремата што се врши секоја година се обезбедува заштита на истата. Сметам дека во овој момент и опремата и вработените се подготвени за започнување со работа, но важно е да се спомене дека целокупниот процес на „рестартирање на ТЕЦ Неготино“ ќе подлежи на пробен период и проверка на сите функционалности на опремата. Колку ќе ја чини ова работење на ТЕЦ ,,Неготино” државната каса? – Цената на електричната енергија на берзите секојдневно расте. Во моментот изнесува 283 евра/ мегават-час. Во секој случај пуштањето на АД ТЕЦ Неготино во процес на производство ќе ја чини државата помалку отколку увоз на електрична енергија. Проценките се дека со моменталната цена на мазутот која изнесува 36 ден/кг, производната цена на АД ТЕЦ Неготино ќе изнесува од 150 – 175 евра / мегават-час, во зависност од тоа дали ќе работи со еден или два котла. Владата на Република Северна Македонија даде согласност да се склучи договор за деловно-техничка соработка меѓу АД ЕСМ и АД ТЕЦ Неготино за набавка на мазут и производство на електрична енергија во периодот декември 2021 – април 2022 со можност за понатамошна соработка, доколку за тоа има потреба. Мазутот ќе го набави АД ЕСМ, а за тоа ќе добие и помош од Владата, и ќе ја преземе целокупната произведена електрична енергија од АД ТЕЦ Неготино. Обртните средства од прозиводството на електричната енергија во првиот месец, ќе бидат искористени од страна на АД ЕСМ за набавка на мазут за понатамошно производство. Колку може овој капацитет да придонесе за помош при енергетска криза? – Ставањето во функција на АД ТЕЦ Неготино, во моменти на глобална енергетска криза, ќе даде економски придонес за државните енергетски компании и целокупното стопанство. Се добива зајакнување на домашниот електро-енергетски систем, се зголемува домашното производство а со тоа добиваме и зголемување на БДП-то. Произведената електрична енергија во ТЕЦ Неготино, АД „ЕСМ“ ќе ја искористи во еден дел за потребите за снабдување на домаќинствата и малите потрошувачи во случаи на кусоци, дел ќе понуди за потребите на АД „МЕПСО“, додека вишокот електрична енергија, ЕСМ Продажба ќе ја понуди на продажба на слободен пазар на домашните стопански субјекти, по цени пониски од цените на берзата. Со постигнување прифатлив договор за снабдување големи количества мазут и со долгорочно ангажирање на неготинскиот капацитет, може да се постигне конкурентна цена на произведен киловат-час во споредба со увозот на струја или во споредба со струјата од планираната нова гасна електрана со комбиниран циклус наместо сегашната, сметаа експерти пред повеќе години. Кој е ставот во врска со ова размислување? – Токму тоа и се случува во моментот. Со давањето согласност од страна на Владата на Република Северна Македонија за набавка на мазут и производство на електирчна енергија, во овој момент се постигнува поевтина електрична енергија од цената на електричната енергија на берзите. Експерти низ годините велеа дека неготинската електрана може да се збогати со два гасни агрегата и така да се растовари РЕК „Битола”. Беше кажано дека две, со моќност од вкупно 680 мегавати, би можеле да се сместат во оранжерии и за топлифицирање на Кавадарци и на Неготино. Кога би можело да се очекува гасификација на ТЕЦ ,,Неготино”? – За ТЕЦ Неготино, изработена е физибилити студијата за јавно-приватно партнерство и по внатрешните разговори во владата одлучено е TЕЦ Неготино да се припои кон АД ЕСМ и да функционира во иднина како дел од АД ЕСМ. АД ЕСМ треба да ги започне сите активности за гасифицирање на ТЕЦ Неготино во најбрз можен рок. Но, овој момент сите сме насочени исклучиво во борба и справување со состојбата за енергетска криза, како што е користење на целиот државен енергетски капацитет. Знаете дека е прогласена кризна состојба во енергетиката, така што врвен приоритет е добивање доволни количини на електрична енергија за домаќинствата и стопанството и избегнување на ценовни шокови. Не би можел во овој момент да знаеме или прогнозираме кога точно би се гасифицирала ТЕЦ Неготино. ТЕЦ „Неготино“ може да биде енергетска база во државава што ќе ја направи да биде независна од увоз на струја, беше речено на 30-годишнината од изградбата на неготинската термоелектрана. Дали сеуште се смета дека таа може да биде енергетска база во државата? – Се уште држи таа теза, бидејќи еве се покажува дека во вакви кризни, лоши времиња на енергетскиот систем во државата, ТЕЦ Неготино може да придонесе во подобрување на состојбите. Беше најавена приватизација на ТЕЦ „Неготино”. Како би се одразила евентуалната продажба на „златната резерва”, врз македонскиот електроенергетски систем ? Одговор дадов на ова прашање во едно од претходните прашања. Меѓутоа повторно ќе истакнам дека во овој момент врвен приоритет е справувањето со енергетската криза која е глобална, неминовно е и засегнатоста на нашата држава. За сите други опции и планирања мислам дека може да оставиме време за коментирање. Facebook Twitter Pinterest Linkedin Email Telegram Viber претходниот член,Индиската армија по грешка убила цивилиСледната статијаДанската премиерка се извини затоа што не носела маска Mirce Jovanovski...

Свет Индиската армија по грешка убила цивили 05/12/2021 08:50 Facebook Twitter Pinterest Linkedin Email Telegram Viber Индиските безбедносни сили по грешка убиле неколку цивили во село во северозападната држава Нагаланд, информираа владини претставници. Индискиот министер за внатрешни работи Амит Шах изјави дека е „многу вознемирен“ од веста дека во инцидентот во саботата доцна навечер загинале цивили, без да прецизира за колку жртви станува збор. Локалните медиуми јавија дека индиските безбедносни сили по грешка отвориле оган врз цивили, без да наведат причина за инцидентот. – Државата детално ќе го истражи овој инцидент, ужалените семејства мора да ја добијат правдата, напиша Шах на Твитер. Неименуван припадник на армијата рекол дека војниците пукале во камион, откако добиле информација дека во таа област се движат бунтовници и оти прво биле убиени шест лица. Насобраните селани потоа запалиле две воени возила, а војниците пукале во нив и убиле уште седум лица, рекол воен претставник кој побарал да остане анонимен. Facebook Twitter Pinterest Linkedin Email Telegram Viber претходниот член,Гушев: Резултати во науката може да се постигнат и кај нас, важно е да се работи посветено и напорноСледната статијаСтојановиќ: Пуштањето на ТЕЦ Неготино ќе чини помалку отколку увоз на електрична енергија Mirce Jovanovski...

Македонија Гушев: Резултати во науката може да се постигнат и кај нас, важно е да се работи посветено и напорно 05/12/2021 08:22 Facebook Twitter Pinterest Linkedin Email Telegram Viber Професорот Марјан Гушев од Факултетот за информатички науки и компјутерско инженерство (ФИНКИ) има 115 научни статии индексирани во глобалната интернетска научна база на податоци Web of Science во изминатата деценија (2011-2020), што е најголем број меѓу професорите на Универзитетот „Св. Кирил и Методиј“-Скопје. УКИМ му додели плакета за посебен придонес во развојот на научно-истражувачката дејност на Универзитетот и негова афирмација во земјата и странство, што е и прво вакво признание. Според Гушев, овој успех за сите научници истражувачи значи престиж дека се потврдуваат применетите научни методи. – Се чувствувате дека добиените резултати стануваат дел од ризницата на најголеми достигнувања во научната јавност, рече Гушев во интервју за МИА. Неговите публикации во светската научна база се од областа на компјутерските науки и нивната примена. Во фокусот на неговите истражувања е ИТ-технологијата во медицината. Тој има патентирано системи за мониторирање на работата на срцето и способноста да се регулира гликозата во крвта врз основа на ЕКГ мерења, користејќи мали носечки неинвазивни уреди кои се налепуваат на телото, како и принципи на пресметување во облак и уреди кои се наоѓаат на работ на Интернет (edge computing). Основач е на компанијата „Иновејшн“ (Innovation) која развива медицински софтвер за оддалечено набљудување на срцеви аритмии, а од 2020-та успешно го пласира овој продукт на светските пазари. Иако условите за истражувања во странство се значително подобри, овој македонски научник и иноватор вели го избрал потешкиот пат за својата научна кариера, со цврсто уверување дека со посветена и напорна работа резултати може да се постигнат и во сопствената држава. -Посакувам релевантните институции да преземат мерки за поорганизиран развој, финансирање на науката, и да помогнат сите потенцијални научници да добијат подобри можности за истражување и развој, порачува во интервјуто Гушев, кој покрај истражувачка работа има и тридецениска наставна активност. Проф. Гушев, го добивте нововостановеното признание од УКИМ за најголем број научни публикации индексирани во базата на Web of Science во изминатата деценија (2011-2020) меѓу сите професори на Скопскиот универзитет. Колкав е нивниот број и од која област се? – Универзитетот „Св. Кирил и Методиј“ во Скопје за своите вработени спроведе анализа на податоци во базата Web of Science, позната како база на списанија со фактор на влијание што ги индексира највлијателните научни статии во основната колекција Core Selection, вклучувајќи индекси за списанијата со фактор на влијание Science Citation Index Expanded (CSIE), за проширената база на списанија што се пробиваат Emerging Science Citation Index (ESCI), и за базата на зборници од конференции со фактор на влијание Conference Proceedings Citation Index (CPCI). Според оваа анализа, во периодот од 2011-2020, како дел од УКИМ, јас имам публикувано 115 статии, а потоа следуваат Сашко Ристов (кој докторираше под мое менторство, а сега работи на универзитетот во Инсбрук, Австрија) со 84, и колегата Трајче Стафилов од ПМФ со 82 статии. Публикациите се од областа на компјутерските науки и нивната примена. Интересно е да се напомене дека оваа висока бројка според Web of Science значи просечно еден труд со фактор на влијание месечно. Инаку, секој автор од УКИМ објавил просечно 2,871 статии во разгледуваниот период од 10 години. Колку од Вашите трудови се со фактор на влијание и што значи тоа за перспективата на самиот научник-истражувач, а што значи и за нашата наука, па и за државата? – Покрај публикуваните 115 статии кои се индексирани во основната колекција на Web of Science во разгледуваниот период од 2011-2020, јас имам презентирано на конференции од локален карактер, и публикувано уште статии во списанија кои сѐ уште не достигнале доволен број на цитати за да бидат вклучени во базата Web of Science. Многу од нив се наоѓаат во базата Scopus, која се одржува од Elsevier со седиште во Холандија, или се индексираат според Scholar.Google, за разлика од Web of Science, која се одржува од Clarivate со седиште во Америка и канцеларии на сите континенти. Објавувањето во списанија и зборници од конференции со фактор на влијание значи дека презентираните научни резултати се квалификуваат од еминентни рецензенти од областа. Ова за сите научници истражувачи значи престиж дека се потврдуваат применетите научни методи, односно се чувствувате дека добиените резултати стануваат дел од ризницата на најголеми достигнувања во научната јавност. Бројот на објавени статии со фактор на влијание и бројот на цитати од други автори се основни параметри според кои се оценуваат универзитетите и државите воопшто, односно се мерило за квалитетот и квантитетот на резултатите од научно-истражувачката работа. Два Ваши труда, од 2017 и 2018 година, достигнале висока цитираност, од 50 и 37 цитати според Web of Science. На која област се однесуваат и на што конкретно се должи високиот ранг т.е. 98-ми персентил од сите можни статии? – Практично значи дека овие две статии според бројот на цитати достигаат во најдобрите 2 отсто од сите статии во разгледуваната година. За да не дојде до забуна, истакнувам дека една статија добива цитати во подолг период, односно колку што повеќе поминува времето, толку повеќе е веројатно дека објавената статија ќе има повеќе цитати, а од друга страна, индексирањето се спроведува во рамки на научните области за кои се однесува статијата. Конкретно, првата статија се однесува на објавување нова рамка за податочна аналитика користејќи платформа за пресметување во облак без грижа за серверите (serverless) применлива за уреди кои се наоѓаат на работ на Интернет (edge computing), а втората ја прикажува еволуцијата на овој тип на пресметување од аспект на Интернет од Нештата (Internet of Things). Истражувате за употреба на ИТ-технологијата во медицината, биоинженеринг, телемедицина… Имате патентирано три пронајдоци во Светската организација за интелектуална сопственост. За какви патенти се работи? – Патентирани се системи за мониторирање на работата на срцето и способноста да се регулира гликозата во крвта врз основа на ЕКГ мерења, користејќи мали носечки неинвазивни уреди кои се налепуваат на телото, како и принципи на пресметување во облак и уреди кои се наоѓаат на работ на Интернет (edge computing). Овие системи имаат практична примена за воспоставување на „набљудување од типот на интензивна нега“ за пациентот додека е дома или во нормални работни услови, односно не се однесува на хоспитализирани пациенти, туку се воспоставува систем кој овозможува оддалечено континуирано набљудување и алармирање во случај на опасни здравствени ситуации. Основач сте и на „Иновејшн“ која развива медицински софтвер, телемониторинг, алгоритми за вештачка интелигенција. Има ли производи/решенија на компанијата кои веќе широко се применуваат? – Патентите означуваат идеја како да се реализира некој систем, но тоа не значи дека имате доказ за концептот, реализиран систем, сертификат од релевантно тело дека се исполнуваат технички перформанси и дека се преземени сите мерки за заштита, доказ дека системот работи во лабораторија и во средина каде ќе се применува, и потврден систем за управување и производство на уредот. Потоа, треба да започне комерцијализацијата на продуктот, со доказ за продажба, формирање дистрибутивен ланец, брендирање, маркетинг итн., односно потребна е компанија којашто тоа ќе го обезбеди и гарантира. За реализација на ваков тип активности, надвор од Универзитетот се формираат спиноф стартап компании, како што беше и случај во 2006 година кога се формираше компанијата „Иновејшн“. Главна цел на компанијата од 2015 година наваму е да развива медицински софтвер за оддалечено набљудување на срцеви аритмии, а од 2020-та успешно го пласира овој продукт на светските пазари. Потребен е подолг период за да се пробие иновација од ваков тип, затоа што таа предвидува комплетно нови методи и начин на медицински мониторинг надвор од досегашната практика. Она што лесно се пробива се нови уреди кои се помали и подобри од постојните и лесно може да ги заменат. Но, кога станува збор за уреди кои воведуваат нов метод, тогаш треба повеќе време додека не стане дел од медицинската практика. Намената на нашиот продукт е да им се помогне на докторите во утврдувањето на правилна дијагноза врз основа на огромен број на податоци, иако има варијанти уредот да се користи и само од крајните корисници (пациенти или сите засегнати), нешто слично како рачен апарат за мерење притисок и одредување кои нивоа се во нормален ранг. Но, за разлика од едноставна споредба со гранични нивоа, срцевата активност е многу покомплексен витален параметар и од огромниот број на податоци треба да се одредат можните аритмии и нивото на опасност по здравјето, до кои тие можат да доведат. Во 2012 година ја добивте наградата „Научник на годината“ на УКИМ, а оваа година ја примивте и првата награда кај нас за најбројни трудови во Web of Science. Притоа рековте дека заслугите за напорната работа на крајот се вреднуваат. Колку еден научник, според Вас, може да се посвети максимално на својата цел кога тоа не зависи само од неговиот напорен труд, туку и од фактори што не зависат од него, како услови, опрема, финансии….? – Претпочитам дека секој што се определил за академска кариера или научно-истражувачка работа сака да биде вреднуван за достигања во науката. Мора да се разбере дека истражувањето не се прави за да биде вреднувано, односно потенцирам дека, сепак, секој што работи напорно и макотрпно се посветува на истражувањето ќе биде вреднуван на одреден начин. Во 2012 година ја добив награда за научник на годината на УКИМ, и тоа за мене претставуваше уште поголем поттик да продолжам понатаму. Се надевам дека оваа награда ќе биде мотив и за другите. За фундаментални (теориски) истражувања не се потребни преголеми средства, освен оние кои ви овозможуваат да ги посетите најголемите конференции од областа и да размените мислења и идеи со други научници на темата на која работите. Но, за применетите истражувања, покрај наведеното, потребни се многу повеќе средства за проекти кои најчесто се добиваат од соодветни истражувачко-инвестициски програми (H2020, Horizon и слично), Дополнително, учесниците во проектот треба да партиципираат со 5 до 30 проценти од вкупната вредност на проектот кој би се водел, односно ако немате сопствени средства за финансирање, немате ни проект. Фондот за иновации и технолошки развој на Македонија ми додели два проекта во 2015-та и 2018-та, а без нив резултатите кои ги постигнав не ќе беа можни со тој обем за толку мал период. Имате и 30-годишна наставна активност, професор сте на ФИНКИ каде што студира потенцијалот на науката на иднината, генерацијата на Индустријата 4.0. Дали младите научници имаат простор да се реализираат овде или почесто се решаваат за кариера надвор од државата? – Условите во странство се значително подобри, посебно ако се анализира колку средства државата доделува за наука и истражување, и затоа сите оние кои престојуваат во странство имаат многу поголеми можности и перспективи. Јас, сепак, го одбрав потешкиот пат за мојата научна кариера, со цврсто уверување дека резултати може да се постигнат и во сопствената држава, сметајќи дека не е толку важно каде се наоѓаш, туку е важно колку посветено и напорно работиш. Во текот на минатите години, во повеќе наврати се потврди ова мое убедување дека и ние, од оваа средина, можеме да постигнеме големи резултати во науката, иако реално имаме значително помали можности од развиените центри. Посакувам релевантните институции да преземат мерки за поорганизиран развој (финансирање) на науката, и да помогнат сите потенцијални научници да добијат подобри можности за истражување и развој, на пример, помош да се формираат добри предлог-проекти и учество во поголеми меѓународни проекти, партиципација во реализацијата на проектите, плаќање на средства за објавување статии во списанија со златен пристап (да се подмират сите трошоци за публикување, така што статиите се бесплатни за сите) или подмирување на трошоците за регистрација и учество на врвни научни и стручни конференции. Инаку, во развиените земји се води грижа не само за подмирување на директните материјални трошоци за истражување и развој, туку и за обезбедување плати за истражувачите во рамки на научни институти, не само за областите кои се од национален карактер. Вложувањето во ваков тип институти е одржлива инвестиција, затоа што ќе се сопре изливот на мозоци, а воедно формираните научни институти по една или две години ќе се оспособат сами да обезбедат финансии за реализација на проекти. Facebook Twitter Pinterest Linkedin Email Telegram Viber претходниот член,Иран: Експлозијата во близина на нуклеарната централа Натанц е воен тестСледната статијаИндиската армија по грешка убила цивили Mirce Jovanovski...

Свет Иран: Експлозијата во близина на нуклеарната централа Натанц е воен тест 05/12/2021 08:00 Facebook Twitter Pinterest Linkedin Email Telegram Viber Тест на противвоздушната одбрана во регионот Натанц во централен Иран ја предизвика вчерашната експлозија што се слушна на дваесетина километри од нуклеарниот комплекс Чахид Ахмади-Рочан, соопштија воени претставници. – Беше тестиран еден од регионалните ракетни системи за да се процени подготвеноста на теренот и нема причина за страв, изјави командантот на противвоздушната одбрана од регионот Натанц на државната телевизија. Facebook Twitter Pinterest Linkedin Email Telegram Viber претходниот член,Најмалку 13 жртви при ерупција на вулканот СемеруСледната статијаГушев: Резултати во науката може да се постигнат и кај нас, важно е да се работи посветено и напорно Mirce Jovanovski...

Политика Заев и Гаши ќе ја потпишат програмата за влегување на Алтернатива Владата 05/12/2021 07:53 Facebook Twitter Pinterest Linkedin Email Telegram Viber Фото: Б. Грданоски Премиерот Зоран Заев и лидерот на Алтернатива Африм Гаши денеска во Клубот на пратениците ќе ја потпишат програмата за заедничко дејствување и приклучување на партијата во Владата и парламентарното мнозинство. Се очекува Заев и Гаши да кажат и кои ресори ќе ги преземе Алтернатива. Одлуката за влегување на Алтернатива во владината коалиција беше донесена синоќа во Тетово на седница на Цантралниот совет, највисокото тело на партијата. Партискиот лидер Африм Гаши на седницата информирал за текот на досегашните преговори со Заев и програмските точки кои се договорени, како и за преземените обврски. Причина за влегување на Алтернатива во Владата, како што наведе партискиот портпарол Орхан Муртезани, е историскиот момент за отворање на преговорите за членство во ЕУ и затворање на спорот со Бугарија како цели на државата, но и на Албанците затоа што со тоа ќе се отвори патот за евроинтеграција на целиот регион. Договорено е Владата да побара меѓународна истрага за случаите каде, според Алтернатива, има сомнежи за политичка импликација како што се Монструм, Алфа, Диво насеље, Алмир Алиу итн. Договорени се и точки кои се однесуваат на рамномерниот регионален развој, економски развој на Липковско, заштита на семејството како јадро на општеството, но и заштита на цената на струјата. Со влегувањето во Владата, посочи Муртезани, Алтернатива докажа дека е клучот за решавање на кризата, а не само декор со четворица пратениците, и таа ќе преземе важни одговорности. – Ќе преземеме значајни обврски од областа на здравството, борбата против криминалот и корупцијата, енергетиката, организацијата на дијаспората, но и образованието, културата и подигнувањето на квалитетот на животот на граѓаните, поддршка на економскиот живот на сите граѓани на државата, кажа Муртезани. За соработката со досегашниот коалициски партнер Алијанса за Албанците, истакна дека не е донесена одлука за нејзино прекинување и оти не е исклучена можноста таа да продолжи и во иднина. На состанокот на Централниот совет на Алтернатива му претходеа три средби на Гаши со премиерот и претседател на СДСМ во оставка Зоран Заев на кои се дискутираше за учество на Алтернатива во Владата и поддршка на парламентарното мнозинство од нивните четворица пратеници. По последната средба што се одржа во средата, од Владата соопштија дека се очекува до крајот на оваа недела да се остварат потребните консултации во СДСМ и Алтернатива и да се обезбеди потребното усогласување со цел постигнување договор за можна заедничка влада. Разговорите за ново парламентарно мнозинство и за влез на Алтернатива во владината коалиција уследија по неуспешната иницијатива во Собранието од страна на опозицијата за гласање доверба на Владата и повлекувањето на Беса од владиниот кабинет. И Алтернатива беше дел од опозицискиот блок потпишан за гласање недоверба на Владата, но Централното претседателство на партијата минатиот петок го овласти Гаши да почне разговори со сите политички актери, со премиерот и со евентуалниот нов мандатар за да се види каков е нивниот концепт за излез од политичката криза. На седница на Централниот одбор на СДСМ, што се одржа истиот ден, беше констатирана оставката на Заев од лидерската позиција во партијата што ја даде лошите изборни резултати на локалните избори, но му беше даден легитимитет да ги води преговорите за парламентарно мнозинство. СДСМ ќе избира нов лидер на конгрес на 12-ти месецов, а за истиот ден конгрес претходно закажа и опозициската ВМРО-ДПМНЕ. Заев во изјава пред една недела за тоа дали во овој момент ќе се повлече од премиерската функција а оставката ќе ја депонира во Собранието или пак ќе го послуша барањето на неговиот коалициски партнер ДУИ својот мандат да го заврши до 2024 година посочи дека сè ќе зависи од преговорите со Алтернатива и со Бугарија. Facebook Twitter Pinterest Linkedin Email Telegram Viber претходниот член,Бесими: Секој денар на граѓаните ќе се вложи каде има најголем ефектСледната статијаНајмалку 13 жртви при ерупција на вулканот Семеру Mirce Jovanovski...

Свет Најмалку 13 жртви при ерупција на вулканот Семеру 05/12/2021 07:55 Facebook Twitter Pinterest Linkedin Email Telegram Viber Најмалку 13 лица загинаа во ерупцијата на вулканот Семеру на индонезискиот остров Јава, додека десет лица кои биле заробени се успешно евакуирани, соопшти државната агенција за вонредни состојби (БНПБ). Семеру вчера исфрли големи количества гас, пареа и пепел, кои ги зафатија околните села во провинцијата Источна Јава и ги принудија луѓето панично да бегаат. Претставникот на БНПБ, Абдул Мухари соопшти дека загинале 13 лица од кои само двајца досега се идентификувани. Повредени се 98 лица, меѓу кои и две трудници, додека вкупно 902 се евакуирани. БНПБ додаде дека најмалку 35 лица се хоспитализирани, а заменик-претседателот на областа Лумајанг рече дека 41 лице се здобиле со изгореници. Facebook Twitter Pinterest Linkedin Email Telegram Viber претходниот член,Заев и Гаши ќе ја потпишат програмата за влегување на Алтернатива ВладатаСледната статијаИран: Експлозијата во близина на нуклеарната централа Натанц е воен тест Mirce Jovanovski...

Економија Бесими: Секој денар на граѓаните ќе се вложи каде има најголем ефект 05/12/2021 07:49 Facebook Twitter Pinterest Linkedin Email Telegram Viber Фото: Б. Грданоски Буџетот што го предлагаме покрај конкретноста изразена во бројки, е и приказ на нашите залагања за дефинираните цели и принципи по кои ќе се водиме. Секој вложен денар на граѓаните мора да биде оправдано вложен таму каде што дава најголем ефект. Тоа е буџет со поголема „вредност на вложените пари“, и за тоа ќе има отчетност, а за таа цел се воведуваат петгодишни индикатори за мерење на успешноста на политиките. Исто така, овој буџет е кроен според „златното правило“ во јавните финансии, односно буџетскиот дефицит е помал од капиталните расходи, што значи задолжување исклучиво за капитални расходи кои достигнуваат највисоко ниво од кој било претходен буџет. Тоа ќе поттикне инвестициски циклус што ќе придонесе за забрзан економски раст, додека преку зелената агенда, поддршката на иновациите и дигитализацијата до одржлив развој и подобар квалитет на живот за граѓаните. Ова го истакнува министерот за финансии Фатмир Бесими во колумна, во која вели дека е време за развоен буџет кој ќе резултира во забрзан раст преку зголемени инвестици, но и ќе има капацитет за ублажување на кризите и ризиците со кои се соочуваме. – Овој буџет се донесува во еден деликатен момент за нашата и глобалната економија. Подложени сме на континуирана неизвесност, предизвици, но и нови можности, вели министерот и додава дека Буџетот за 2022 е конципиран да ги адресира сите можности и предизвици кои ни претстојат во следниот период. Клучни приоритети за наредната година пресликани во овој документ се натамошно економско заздравување и забрзување на растот преку инвестиции, заштита на здравјето на граѓаните во се уште присутни ризици од пандемијата, но и поддршка на животниот стандард на населението. Инвестициите добиваат значително внимание во буџетот во 2022 година. Тие со Дополнетиот предлог-буџет за 2022 одина, што вчера беше усвоен од Владата се проектирани на историски највисоко ниво досега од 38,2 милијарди денари, додека пак вредноста на прифатените амандмани е 382 милиони денари. -Во 2022 година капиталните расходи се планирани на досегашно највисокото ниво од 38,2 милијарди денари. Овој буџет претставува значајна промена и од аспект на структурата. Капиталните расходи учествуваат со 14% во вкупните расходи и се зголемени за 28,3% во споредба со 2021 година, при истовремено кратење на „непродуктивните„ буџетски трошења. Ова е во рамки на Планот за забрзан раст 2022-2026, кој има за цел финансирање на закрепнувањето на економијата погодена од кризата и поддршка на забрзан и одржлив раст притоа одржувајќи фискална стабилност, вели министерот за финансии. Со овој буџет, посочува, се почитува „златното правило“ во финансиите. Тоа значи дека, капиталните расходи го надминуваат буџетскиот дефицит, односно целокупното задолжување ќе биде искористено во капитални расходи. – Имено, познато е дека долгорочното задолжување е оправдано и праведно, ако бенефитите од вложувањата се уживаат и од генерациите кои што ќе платат за соодветните долгови. Алтернативен пристап на ова би било повисокото оданочување што би ги обесправело сегашните генерации. Затоа, задолжувањето за проекти и капитални расходи чии придобивки се уживаат од повеќе генерации, е оправдано од аспект на интергенерациската праведност и е додадена вредност на начинот на планирање и водење јавни финансии. наведува Бесими. Дополнетиот предлог буџет со вградените 23 амандмани е доставен до Собранието, каде на пленарна седница треба да биде усвоен. По Дополнетиот предлог буџет согласно Деловникот на Собранието расправата трае пет дена. Facebook Twitter Pinterest Linkedin Email Telegram Viber претходниот член,Цените на лебот, млекото, шеќерот, млекото, маслото и месото „замрзнати“ до 31 јануариСледната статијаЗаев и Гаши ќе ја потпишат програмата за влегување на Алтернатива Владата Mirce Jovanovski...

Економија Цените на лебот, млекото, шеќерот, млекото, маслото и месото „замрзнати“ до 31 јануари 05/12/2021 07:44 Facebook Twitter Pinterest Linkedin Email Telegram Viber Цените на основните прехранбени производи нема да се менуваат до крајот на јануари. Лебот, шеќерот, брашното – тип 400, сончогледово масло за јадење, трајното млеко со масленост од 2,8, 3,2 и 3,5 проценти, свежото месо и сувомесни производи, сирењето и урдата до 31 јанури да се продаваат по цени што ги имале на 1 декември годинава. Замрзнувањето на цените ќе важи во трговијата на големо и во трговијата на мало. Одлуката за определување највисоки цени на основни прехранбени производи што вчера ја донесе Владата, може да биде продолжена и по 31 јануари 2021 ако тоа и натаму го бара состојбата на пазарот. Замрзнувањето на цените во петокот го најави министерот за економија Крешник Бектеши. Мерката е базирана на анализата и пресметките што ги направило Секторот за трговија при Министерството за економија. Бектеши најави дека ако предвидат оти ќе има ценовни шокови ќе се интервенира во рамки на надлежностите и согласно Законот за трговија. Со барање за замрзнување на цените на основните прехранбени производи претходно излезе Организацијата на потрошувачи на Македонија. Тоа, според ОПМ, е неопходна мерка за да се намали ударот на инфлацијата врз граѓаните, имајќи предвид дека со евентуалниот пораст на цената на струјата се очекува и нов бран на поскапувања кој ќе удри на потрошувачката кошница. Лидерот на ВМРО-ДПМНЕ Христијан Мицкоски, пак, смета дека замрзнувањето на цените на основните прехранбени продукти од страна на Владата, можеби ќе го ублажи, но никако не може да го стопира бранот на зголемена инфлација и намален стандард на граѓаните. Според него, причинител за инфлаторната спирала е енергетската криза, за чие надминување власта спроведува погрешни политики. -Тоа не се прави со ограничување на цената на производите, туку тоа е една од сетот мерки што требаше да се преземат, вели Мицкоски. Северна Македонија не е прва земја во регионот што ги замрзна цените на основните прехранбени и стратешки производи. Во Србија од 1 декември „под мраз“ на 60 дена се ставени цените на шеќерот, брашното, сончогледовото масло, свинското месо и млекото. Претходно тоа го направи и Црна Гора, а Хрватска пред еден месец ги замрзна цените на горивата. Facebook Twitter Pinterest Linkedin Email Telegram Viber претходниот член,Бројот на активни случаи намален на 6.000, вчера позитивни 11,6 отсто од тестиранитеСледната статијаБесими: Секој денар на граѓаните ќе се вложи каде има најголем ефект Mirce Jovanovski...

Македонија Бројот на активни случаи намален на 6.000, вчера позитивни 11,6 отсто од тестираните 05/12/2021 07:39 Facebook Twitter Pinterest Linkedin Email Telegram Viber Фото: Б. Грданоски Во текот на претходното деноноќие беа регистрирани нови 355 случаи на коронавирусот од направени 3.042 тестирања или 11,6 отсто, што е во рамките на просекот за време на викенд-деновите. Беа пријавени вкупно 15 починати лица, девет во претходните 24 часа и шест преку системот „Мој Термин“. Евидентирани беа 2.308 оздравени пациенти, од кои 329 во претходното деноноќие, додека останатите 1.980 оздравени се административно затворени случаи од периодот 16.09 – 31.10.2021, информира Министерството за здравство. Со тоа, бројот на активни случаи од околу 8.000 падна на 6.000. Досега во земјата се направени вкупно 1.481.925 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 217.025, бројот на оздравени пациенти е 203.325, на починати е 7.631, а бројот на активни случаи е 6.069. Најмногу активни има во Скопје и тоа 2.821, следи Битола со 553, Прилеп – 336, Кавадарци – 247, Охрид – 222, Куманово – 210. Во другите градови има под 200 активни случаи. Министерството за здравство апелира граѓаните да се вакцинираат, бидејќи само така ќе дојдеме до колективен имунитет и ќе спречиме ширење на мутации на СарсКов2. Според статистиката за период од 6 август до 2 декември, од 60.772 заразени граѓани, 69 отсто од не биле вакцинирани. Смртноста кај невакцинираните е драстично поголема. Дури 79 отсто од починатите не биле вакцинирани, а 21 отсто примиле вакцина. Според анализите, починатите имале повеќе комбинирани хронични заболувања. Засега нема да се применува мерката задолжителна вакцинација или негативен ПЦР-тест во јавниот сектор, како што предложи Комисијата за заразни болести. Стимулацијата за вакцинација ќе се врши преку матичните лекари, кои ќе добијат финансиски бонус ако постигнат 70 отсто од вакцинацијата на своите прикрепени пациенти. Според светската статистика, досега се заразиле над 265 милиони луѓе, починале повеќе од 5,2 милиони жители и оздравеле околу 240 милиони лица. Вчера од Кембриџ, Масачусетс, пристигна веста дека новата варијанта на коронавирусот Омикрон најверојатно собрала најмалку една од нејзините многубројни мутации со тоа што презела парче од генетскиот материјал на друг вирус, најверојатно оној што предизвикува обична настинка, кој е присутен кај истите заразени клетки, велат истражувачите. Според светските агенции, ова не е забележано во ниту една претходните варијанти на коронавирусот, но е присутно кај многу други вируси, вклучително и оние кои предизвикуваат настинки, како и во човечкиот геном, велат експертите. – Омикрон со преземањето на новиот „код“, се прави себеси „почовечки“, што може да му помогне да го избегне имунолошкиот систем“, рече Венки Саундарарајан, експерт во Nference, компанија за анализа на податоци со седиште во Кембриџ, Масачусетс. Саундарарајан го предводеше ова истражување објавено како „препринт“, што значи дека сè уште чека научна рецензија. Откритието може да значи дека вирусот полесно се пренесува, но и дека предизвикува само блага или асимптоматска болест, што би било одлична вест за човештвото по речиси две години пандемија. Научниците сè уште не знаат дали Омикрон е позаразен од другите варијанти, дали предизвикува потешка форма на болеста или дали ќе ја надмине Делтата како најраспространета варијанта на коронавирусот. Илјадници луѓе вчера протестираа во Виена против ограничувањата наметнати во различни сектори од јавниот живот, чија цел е да се спречи ширењето на Ковид-19. Австриската Влада минатиот месец соочена со секојдневно зголемување на бројот на новозаразени, првата во Западна Европа повторно го воведе карантинот и најави задолжителни вакцини од февруари. Во Хрватска, пак, се собираат потписи за референдум против ковид сертификатите. Собирањето потписи го организира десничарската партија Мост. Facebook Twitter Pinterest Linkedin Email Telegram Viber претходниот член,Дополнетиот Предлог-буџет за 2022 година се враќа на усвојување во СобраниетоСледната статијаЦените на лебот, млекото, шеќерот, млекото, маслото и месото „замрзнати“ до 31 јануари Mirce Jovanovski...

Економија Дополнетиот Предлог-буџет за 2022 година се враќа на усвојување во Собранието 05/12/2021 07:28 Facebook Twitter Pinterest Linkedin Email Telegram Viber Предлог-буџетот за 2022 година по дополнувањата од Владата направени врз основа на амандманската расправа во собраниските комисии, се враќа пред пратениците во Собранието. Откако ќе биде вратен во Собранието, дополнетиот Предлог-буџет оди на пленарна седница, а таму расправата трае пет дена. Владата на вчерашната седница, од вкупниот број амандмани, прифати 23 во вкупен износ од околу 382 милиони денари. Со усвоените амандмани се зголемуваат средствата во Министерството за информатичко општество и администрација во износ од 250 милиони денари за реализација на програмските активности на Македонската радио телевизија. Еден милион денари повеќе добива Уставниот суд за избор на нови уставни судии, а зголемување од милион денари ќе има и кај Финансиската полиција. Со Предлог-буџетот за 2022 година, вкупните приходи се планирани на 238,9 милијарди денари и се за 7,4 проценти повисоки од годинава. Вкупните расходи се планирани во износ од 272,4 милијарди денари, што е за 1,4 отсто повеќе oд 2021 година. Дефицитот се планира на ниво од 33,5 милијарди денари или 4,3 отсто од БДП и е понизок за 2,2 процентни поени во однос на проценетиот дефицит во 2021 година. Во Предлог-буџетот за 2022 година за капитални инвестиции се предвидени 37,8 милијарди денари, за околу 27 проценти повеќе во однос на 2021 година. Министерот за финансии Фатмир Бесими во колумна посветена на Буџетот за 2022 година, истакнува дека клучни приоритети ќе бидат натамошно економско заздравување и забрзување на растот преку инвестиции, заштита на здравјето на граѓаните во се уште присутни ризици од пандемијата, но и поддршка на животниот стандард на населението. Овој буџет, наведува Бесими, е кроен според „златното правило“ во јавните финансии, односно буџетскиот дефицит е помал од капиталните расходи, што значи задолжување исклучиво за капитални расходи кои достигнуваат највисоко ниво од кој било претходен буџет. Тоа ќе поттикне инвестициски циклус што ќе придонесе за забрзан економски раст, додека преку зелената агенда, поддршката на иновациите и дигитализацијата до одржлив развој и подобар квалитет на живот за граѓаните. Буџетот содржи и програми за поддршка за време на криза, како и јасен тренд на фискална консолидација на среден рок, особено важно ако се има предвид фактот дека со новиот Закон за буџет кој е во собраниска процедура се предвидуваат воведување фискални правила и фискален совет, вели Бесими. Facebook Twitter Pinterest Linkedin Email Telegram Viber претходниот член,Утринска магла, а потоа облачно со повремен дожд и ветерСледната статијаБројот на активни случаи намален на 6.000, вчера позитивни 11,6 отсто од тестираните Mirce Jovanovski...

Македонија Утринска магла, а потоа облачно со повремен дожд и ветер 05/12/2021 07:24 Facebook Twitter Pinterest Linkedin Email Telegram Viber Фото: Б. Грданоски Наутро по одделни котлини ќе има услови за појава на магла. Преку денот ќе биде променливо облачно со слаб до умерен, а попладне долж Повардарието повремено засилен јужен ветер. Попладне во западните делови ќе има локални врнежи од дожд, кои во текот на ноќта ќе се прошират на повеќе места. Минималната температура ќе биде во интервал од -2 до 4, а максималната ќе достигне од 10 до 15 степени. Во Скопје, претпладне сончево со мала, а попладне со зголемена облачност. Во текот на ноќта ќе има повремени врнежи од дожд. Минималната температура ќе се спушти до 0, а максималната ќе достигне 13 степени. До вторник времето ќе биде променливо облачно со врнежи од дожд, а на планините од снег. Врнежите ќе започнат утре попладне, а ќе бидат пообилни во понеделник (на повеќе места над 20 л/м2). Поради заладување проследено со засилен северен ветер врнежите во вторник ќе преминуваат во снег и на некои пониски места. На планините и на повисоките места ќе се формира нова снежна покривка. Потоа во следните два дена ќе настапи стабилизирање на времето. Facebook Twitter Pinterest Linkedin Email Telegram Viber претходниот член,„Визер“ привремено суспендира повеќе од 40 линии од земјите во регионот, што значи тоа за МакедонијаСледната статијаДополнетиот Предлог-буџет за 2022 година се враќа на усвојување во Собранието Mirce Jovanovski...

Економија „Визер“ привремено суспендира повеќе од 40 линии од земјите во регионот, што значи тоа за Македонија 04/12/2021 21:24 Facebook Twitter Pinterest Linkedin Email Telegram Viber Фото: Б. Грданоски Нискобуџетната компанија „Визер“ (WizzAir) е во процес на привремено суспендирање на повеќе од четириесет линии од својата мрежа во земјите од поранешна Југославија, со одложување на дел од планираните нови дестинации. Ова доаѓа како резултат на слабеењето на побарувачката во услови на зголемени случаи на Ковид-19 низ континентот, стравувањата од новиот вид на вирусот Омикрон, како и повторното воведување на ограничувања за патување и барања за тестирање. Зимските операции на авиокомпанијата ќе влијаат на сите пазари што ги опслужува во поранешна Југославија, вклучително и Македонија, Босна и Херцеговина, Србија, Црна Гора, Косово и Словенија, пишува Ex-Yu Aviation. Претседателот на „Визер“, Роберт Кери, изјави дека патниците чекаат подолго за да резервираат билети, што ѝ отежнува на авиокомпанијата да ја процени краткорочната побарувачка. Кери истакна дека овој тренд бил присутен во текот на пандемијата и сега се засилува со новата варијанта Омикрон. „Патниците проценуваат дали ќе можат да патуваат поради новото затворање на границите. Клиентите резервираат сè поблиску и поблиску (долетот, заб.). Се чини дека секоја недела е еден ден поблиску до заминувањето“, изјави Кери. Сепак, во „Визер“ се оптимисти и имаат намера да ја зголемат побарувачката следното лето. Оперативни рути во текот на зимската сезона од најголемата база во поранешна Југославија, Скопје, се Шарлроа, Копенхаген, Базел, Бове, Берлин, Келн, Дортмунд, Хан, Фридрихсхафен, Хамбург, Баден Баден, Меминген, Ајндховен, Сандефјорд, Гетеборг, Малме и Лондон Лутон, но многу ќе се одржуваат со скратен распоред, пренесува Сеебиз. Сите други правци беа зафатени со делумна или целосна суспензија. Од Охрид во текот на целата зимска сезона која трае до 26 март следната година ќе работи само Базел. „Визер“ ќе лета без престан од својата база во Тузла до Базел, Берлин, Келн, Дортмунд, Хан, Меминген, Малме и Скавста, додека линиите што сообраќаат во зимските месеци од Сараево ги вклучуваат Копенхаген, Базел, Дортмунд, Меминген, Ајндховен, Базел и Абу Даби. Од Белград, авиокомпанијата ќе продолжи да оперира до Базел, Дортмунд, Баден Баден, Меминген, Ајндховен, Малме, Скавста, Абу Даби и Лондон Лутон во текот на зимата, иако некои со пониски фреквенции од првично планираните, додека летовите од Ниш до Базел Дортмунд и Меминген продолжуваат да работат според првичниот распоред. „Визер“ ќе ја поврзува Подгорица само со Дортмунд во текот на зимата, што ќе влијае на сите други линии од главниот град на Црна Гора. Од друга страна, од Приштина нормално ќе се одвиваат услугите за Виена, Базел, Дортмунд, Меминген и Лондон Лутон, додека Баден Баден, Милано и Рим ќе бидат погодени со привремени суспензии. Конечно, „Визер“ ќе започне со лансирање на својата нова услуга од Лондон Лутон до Љубљана на 13 декември со намален распоред, додека Шарлроа ќе биде задржан само до 7 јануари, по што ќе биде суспендиран до почетокот на летната сезона во 2022 година, пишува Ex-Yu Aviation. Facebook Twitter Pinterest Linkedin Email Telegram Viber претходниот член,На Ердоган му поставија бомба – експлозивната направа забележана во последен моментСледната статијаУтринска магла, а потоа облачно со повремен дожд и ветер Mirce Jovanovski...

Балкан На Ердоган му поставија бомба – експлозивната направа забележана во последен момент 04/12/2021 21:12 Facebook Twitter Pinterest Linkedin Email Telegram Viber Под полициско возило, дел од придружбата на турскиот претседател Реџеп Таип Ердоган, пронајдена е бомба. Како што пренесуваат турските медиуми, експлозивната направа била поставена под еден автомобил кој бил во придружбата при состанокот на Ердоган во Сиарто. Забележана е во последен момент, а ја откил полицаецот што го возел автомобилот, пишуваат турските медиуми. Facebook Twitter Pinterest Linkedin Email Telegram Viber претходниот член,Алтернатива реши да влезе во ВладатаСледната статија„Визер“ привремено суспендира повеќе од 40 линии од земјите во регионот, што значи тоа за Македонија Biljana Bogdanovska...

АктуелноПолитика Алтернатива реши да влезе во Владата 04/12/2021 21:11 Facebook Twitter Pinterest Linkedin Email Telegram Viber Орхан Муртезани, портпарол на Алтернатива соопшти вечерва дека Централното собрание на партијата одлучило Алтернатива да влезе во Владата. Според него ,одлуката била донесена со големо мнозинство. „Имаше седница на Централното собрание на Алтернатива. Се дискутираше и за вклучување на Алтернатива во Владата, а претседателот Африм Гаши ги информираше сите за преговорите и преземените чекори. Централното собрание со мнозинство гласови одлучи да се приклучи на актуелната Владата“, рече Муртезини. Тој кажа дека причини за ваквата одлука на партијата се почетокот на преговорите со ЕУ и решавање на спорот со Бугарија. Договор имало и за меѓународен мониторинг за „Монструм“, за прегазувањето на Алмир Алиу, Диво Насеље и така натаму. „Сметаме дека затворањето на спорот со Бугарија не е само државна, туку и албанска цел, затоа што со затворањето на тоа прашање се отвора патот на целиот регион кон ЕУ. Дополнително, како партија бараме меѓународна истрага за случаите ‘Монструм’, ‘Алфа’, ‘Диво Насеље’“, рече Муртезани. Според него, постигнувањето на овие договори е победа за Албанците во Македонија, за партијата и за Македонија. „Алтернатива успеа да докаже дека таа не е декор“, рече тој. Тој додаде дека партијата ќе преземе значајни обврски во здравството, енергетиката, борбата против криминалот и корупцијата, културата, образованието, грижа за дијаспората… но не сакаше да знесува детали, оставајќи утре да ги соопшти лидерот на партијата. „Кај нас ќе следуваат внатрепартиски разговори, на кои ќе се одлучува за кадровските решенија. Вечерва не се зборуваше за ресорите“, рече Муртезани. Одлуката е донесена по три средби на претседателон на Алтернатива, Африм Гаши со премиерот и претседател на СДСМ во оставка Зоран Заев. Муртезани информираше дека сите договорени точки утре официјално ќе се потпишат од двата претседатели на партијата Заев и Гаши. Facebook Twitter Pinterest Linkedin Email Telegram Viber претходниот член,Автобус падна во река во Кенија: Извлечени 20 тела, десетмина се спасениСледната статијаНа Ердоган му поставија бомба – експлозивната направа забележана во последен момент Slobodanka Jovanovska...

Свет Автобус падна во река во Кенија: Извлечени 20 тела, десетмина се спасени 04/12/2021 20:22 Facebook Twitter Pinterest Linkedin Email Telegram Viber Најмалку 20 луѓе настрадаа кога автобус, кој превезувал членови на хор од католичка црква, паднал во река во Кенија. Од автобусот, кој паднал во реката Ензија, на југоистокот на Кенија, спасени се 10 лупе, додека спасувачите извлекле 20 тела. Според командантот на полицијата, членовите на хорот патувале на венчавка на еден свој член. BREAKING: 17 people drown, 10 others rescued after a bus plunges into Enziu river in Mwingi, Kitui County, search for bodies on pic.twitter.com/ik4DZU8nVF — Citizen TV Kenya (@citizentvkenya) December 4, 2021 До трагедијата, како што се гледа на снимката објавена на социјалните мрежи, дошло поради надојдената река која автобусот ја прмеинувал, со панични извици на присутните. Во многу делови на источноафриканската земја, минатата недела имало обилни врнежи, пренесе Ројтерс. Facebook Twitter Pinterest Linkedin Email Telegram Viber претходниот член,(Видео) Демонстрантите во Виена се судрија со полицијатаСледната статијаАлтернатива реши да влезе во Владата Biljana Bogdanovska...

Свет (Видео) Демонстрантите во Виена се судрија со полицијата 04/12/2021 20:16 Facebook Twitter Pinterest Linkedin Email Telegram Viber Илјадници се собраа во саботата во главниот град на Австрија, Виена, за да протестираат против ограничувањата воведени во разни сектори од јавниот живот со цел сузбивање на ширењето на корона вирусот. Соочена со секојдневен пораст на бројот новозаболени, австриската влада минатиот месец стана првата во западна Европа која повторно воведе карантин и најави задолжително вакцинирање од февруари. Демонстрантите истакнаа транспаренти на кои пишуваше: „Ќе одлучам сам“, „Ќе ја направиме Австрија голема пак“, и „Нови избори“, што е одраз на почитичките превирања со кои последните два месеца се соочуваат дури тројца премиери. Во градот имаше разместено 1.200 полицајци кои требаше да спречат демонстрантите да се соберат на Рингот. Vienna, Austria – Police try and block the demonstration but the people stand together and break the lines pic.twitter.com/8FpxXVCINb — Deleuze (@Kukicat7) December 4, 2021 Полицијата најави дека ќе ги потсетува учесниците на протестот дека мора да носат заштитни маски и дека ќе ги казни оние кои не го почитуваат ова правило. Во еден момент дојде до судир меѓу полицијата и демонстрантите. Парламентарната комисија оваа недела го одобри предлогот за двојно подолго траење на карантинот од 20 дена. Австрија, земја во која живеат 8,9 милиони житлеи, од почетокот на пандемијата минатата година пријави речиси 1,2 милиони случаи на зараза со корона вирус и повеќе од 12.000 смртни случаи поврзани со Ковид-19. Бројот на нови случаи на зараза постепено се намалува откако во земјата е воведен карантин. Facebook Twitter Pinterest Linkedin Email Telegram Viber претходниот член,Омикрон сојот детектиран и во Црна Гора кај пациент кој допатувал од Јужна АфрикаСледната статијаАвтобус падна во река во Кенија: Извлечени 20 тела, десетмина се спасени Biljana Bogdanovska...

Балкан Омикрон сојот детектиран и во Црна Гора кај пациент кој допатувал од Јужна Африка 04/12/2021 19:47 Facebook Twitter Pinterest Linkedin Email Telegram Viber Првите случаи на омикрон сојот на корона вирус во Црна Гора се идентификувани во едно семејство, чиј член неодамна пристигнал од Јоханесбург, соопшти денеска Институтот за јавно здравје на Црна Гора (ИЈЗ), пренесе Бета. „Сите контакти се во изолација. Сите членови на семејството се во добра општа состојба, со благи симптоми“, се вели во соопштението. Едно лице заразено со новиот вид на коронавирусот пристигнало во Црна Гора од Јужна Африка на крајот на ноември, а на летот за Франкфурт бил во авион со лице со потврден омикрон сој, соопшти институтот, додавајќи дека црногорскиот државјанин не бил вакциниран. Во Црна Гора од последиците на корона вирусот починале вкупно 2.324 лица, а се заразиле 158.283 лица. Facebook Twitter Pinterest Linkedin Email Telegram Viber претходниот член,Русија избори финале против Хрватска во Дејвис купотСледната статија(Видео) Демонстрантите во Виена се судрија со полицијата Mirce Jovanovski...

Спорт Русија избори финале против Хрватска во Дејвис купот 04/12/2021 19:08 Facebook Twitter Pinterest Linkedin Email Telegram Viber Шпанија – Тениската репрезентација на Русија се пласираше во финалето на Дејвис купот, откако вечерва во Мадрид ја совлада Германија со 2:0. Првиот бод на Русија и го донесе Андреј Рубљов, кој го совлада Доминик Кепфер со 6:4, 6:0, а победата ја обезбеди Дмитриј Медведев со триумфот над Јан Ленард Штруф со 6:4, 6:4. Противник на Русија во утрешното финале ќе биде Хрватска, која вчера со 2:1 беше поуспешна од Србија. Русија и Хрватска ќе се борат за својата трета титула во Дејвис купот. Русија беше победник во 2002 и 2006 година, додека Хрватска триумфираше во тенискиот Дејвис куп во 2005 и 2018 година. Facebook Twitter Pinterest Linkedin Email Telegram Viber претходниот член,Пет мртви тела најдени крај Берлин, имаат рани од куршуми и убодиСледната статијаОмикрон сојот детектиран и во Црна Гора кај пациент кој допатувал од Јужна Африка Lejla Sabit...

Сцена Се забавував со Елвис Присли за да го направам Марлон Брандо љубоморен, се присеќава Рита Морено 04/12/2021 18:09 Facebook Twitter Pinterest Linkedin Email Telegram Viber САД– Рита Морено доби помош од Кралот за да му врати на Марлон Брандо за неговото изневерување. Во средата, оскаровката се појави во „The View“ каде што беше запрашана од ко-водителот Џој Бехар за тоа дали актерот „постојано“ ја изневерувал за време на нивната 8-годишна врска. Морено и Брандо првпат се запознале кога таа имала 22 години на снимањето на биографскиот филм „Désirée“ во 1954 година. „Најдов долна облека во неговата куќа и, се разбира, ми беше скршено срце, и отидов дома во солзи – навистина, бев наивна – и исто така бев лута“, се сеќава 89-годишата актерка. „Следниот ден, телефонот ѕвони и слушам „Госпоѓица Марина?“ Реков: „А, да?“ „Ова е полковник Паркер, го застапувам Елвис Присли, а Елвис те забележа кај во 20th Century Fox, и му се допадна тоа што го виде“. „Реков: „О?“, а тој ми рече: „И тој многу би сакал да ве запознае. Дали би сакале да го запознаете“, продолжи актерката. „И помислив на тие гаќички и реков: „Да, би!“ Ѕвездата од „West Side Story“ рече дека „се забавувала со [Елвис] неколку пати“, но романсата била кратка. Пејачот, како што рече, била „сладок, но здодевен“. „Беше сладок, но беше селско момче“, објасни Морено. „Значи, како и да е, кога [Брандо] дозна, не требаше долго. Почна да фрла столчиња. Беше толку лут. Беше прекрасно. А јас само седев додека тој продолжи да фрла столчиња “. По смртта на Брандо во 2004 година, дел од неговиот имот бил ставен на аукција, објави Њујорк пост. Единственото парче филмски сувенири пронајдено во неговиот дом во Калифорнија беше сликата на ѕвездата од „Кум“ во „The Night of the Following Day” од 1969 година, каде што тој споделува страстен бакнеж со Морено. Таа фотографија висела на ѕидот од неговата работна соба. Во 2017 година, Морено изјави за магазинот People дека Брандо е „страста на нејзиниот живот“. Морено изјави за медиумот дека сè уште чува фотографија од Брандо во нејзината спална соба. “Зошто таа слика на Марлон Брандо? Затоа што тој беше моја голема љубов во мојот живот”, објасни Морено. „ Тој беше страста на мојот живот“. Морено го нарече својот сопруг Леонард Гордон „љубовта на мојот живот“. Двојката се венчала во 1965 година и останале заедно до неговата смрт во 2010 година. Во 2016 година, Морено изјави за Фокс њуз дека нејзината желба да глуми ја држи зафатена во Холивуд со текот на годините. – Јас сум многу позитивна, оптимистичка личност. Тоа е само дел од мојата природа. Тоа не значи дека не се лутам или дека не сум депресивна. Воопшто не. Но, мојата поголема природа е многу позитивна“. Facebook Twitter Pinterest Linkedin Email Telegram Viber претходниот член,Леди Гага е најдобра актерка за 2021 според Кругот на филмски критичари од ЊујоркСледната статијаПет мртви тела најдени крај Берлин, имаат рани од куршуми и убоди Lejla Sabit...

Свет Пет мртви тела најдени крај Берлин, имаат рани од куршуми и убоди 04/12/2021 18:12 Facebook Twitter Pinterest Linkedin Email Telegram Viber Во местото Сензиг, кое се наоѓа јужно од Берлин во Германија, пронајдени се пет мртви тела, јавува Билд. Како што вели портпаролот на тамошната полиција, денеска претпладне, во куќа, биле пронајдени пет тела, откако добиле дојава. Се сомневаат на убиство. Во тек е голема истрага. Како што тврдат германските медиуми, меѓу мртвите две се возрасни и тир деца. „На телата видливи се прострелни и убодни рани“, вели Гено Бантлеон, државен обивинтел, во разговор за Билд. Facebook Twitter Pinterest Linkedin Email Telegram Viber претходниот член,Се забавував со Елвис Присли за да го направам Марлон Брандо љубоморен, се присеќава Рита МореноСледната статијаРусија избори финале против Хрватска во Дејвис купот Biljana Bogdanovska...

Сцена Леди Гага е најдобра актерка за 2021 според Кругот на филмски критичари од Њујорк 04/12/2021 17:40 Facebook Twitter Pinterest Linkedin Email Telegram Viber САД– Започна сезоната на награди на Леди Гага! 35-годишната ѕвезда беше почестена од New York Film Critics Circle (NYFCC) како најдобра актерка за 2021 година за нејзината изведба во House of Gucci. Во нејзиното продолжение на „ A Star Is Born ( “ од 2018 година (која и донесе номинација за Оскар за најдобра женска улога), Гага ја игра вистинската Патриција Реџани, која беше осудена за заговор за убиство на нејзиниот поранешен сопруг Маурицио Гучи. NYFCC го прогласи Бенедикт Камбербач за најдобар актер и Коди Смит-Мекфи за најдобар спореден актер за нивниот филм The Power of the Dog, кој сега се прикажува на Нетфликс. Кетрин Хантер ја доби наградата за најдобра споредна женска улога за The Tragedy of Macbeth. The Power of the Dog, исто така, го има најдобриот режисер, Џејн Кемпион. Режисерското деби на Меги Гиленхал, „ The Lost Daughter “ ја освои наградата за најдобар прв филм. Најдобро сценарио има филмот Licorice Pizza на Пол Томас Андерсон. Рецензиите на „ House of Gucci “ покажаа дека Гага е пофалена како истакната личност, а критичарите ја нарекоа нејзината изведба „огромно забавна и на крајот трогателна“, како и дека таа „има родена актерска дарба да ви дозволува да ги читате нејзините емоции додека држи грутка мистерија под контрола. “ Гага неодамна изјави за Њујорк тајмс дека работата со режисерот Ридли Скот на House of Gucci е неспоредлива, пофалувајќи го режисерот за неговиот заеднички пристап кон снимањето филмови. „Морам да го кажам ова, Ридли: Нема многу мажи режисери кои би ја поттикнале жената да биде грда пред камера“, рече Гага. „Кога остарев и имав сцени каде што бев во оваа непријатна, очајна состојба, тој ја прифати грдоста на овој лик и тоа треба да се пофали, затоа што е грдо е да те отфрлат заради твојот изглед, грдо е да те остават за помлада жена“. Таа додаде: „Значи, ценам што Ридли презеде нешто што беше некој вид „секси убиство“ и дозволи да биде грдо“. Facebook Twitter Pinterest Linkedin Email Telegram Viber претходниот член,МЗ jа коригира денешната ковид статистика: 15 починати, 355 заразени и 2.308 оздравениСледната статијаСе забавував со Елвис Присли за да го направам Марлон Брандо љубоморен, се присеќава Рита Морено Lejla Sabit...

Македонија МЗ jа коригира денешната ковид статистика: 15 починати, 355 заразени и 2.308 оздравени 04/12/2021 17:06 Facebook Twitter Pinterest Linkedin Email Telegram Viber Фото: Б. Грданоски Министерството за здравство се корегираше и објави нови бројки во врска со пандемијата со Ковид-19. Според новата статистика, регистрирани 355 нови случаи, со што вкупната бројка на дијагностицирани лица со Ковид-19 изнесува 217.025. Направени се 3.042 тестирања, а регистрирани се 355 нови случаи од: Скопје – 152, Битола – 38, Кавадарци – 25, Прилеп – 24, Куманово и Охрид – по 17, Велес – 14, Радовиш – 9, Делчево – 6, Штип и Ресен – по 5, Тетово, Струмица, Кочани, Гевгелија и Крива Паланка – по 4, Неготино, Виница, Пробиштип и Валандово – по 3, Крушево и Македонски Брод – по 2, Кичево, Свети Николе, Кратово, Богданци, Демир Хисар, Македонска Каменица и Пехчево – по 1. Регистрирани сe 2.308 оздравени пациенти од: Скопје – 1.153, Велес – 141, Охрид – 106, Прилеп – 105, Битола – 99, Кавадарци – 79, Куманово – 62, Струмица – 52, Тетово и Штип – по 45, Гевгелија и Крива Паланка – по 39, Кичево и Кочани – по 38, Македонска Каменица – 33, Свети Николе – 30, Ресен – 28, Струга – 25, Делчево – 23, Радовиш – 18, Гостивар, Виница и Демир Хисар – по 16, Неготино и Валандово – по 14, Берово – 12, Богданци – 6, Крушево – 4, Пробиштип, Македонски Брод и Демир Капија – по 3, Кратово – 2, Дојран – 1. Во последните 24 часа регистрирани се 329, додека останатите 1.980 оздравени се административно затворени случаи од периодот 16.09 – 31.10.2021. Во текот на изминатите 24 часа регистрирани се 9 починати лица: 3 починати лица од Скопје (72, 84 и 84), 2 починати лица од Охрид (51 и 55) и по едно починато лице од Крива Паланка (79), Македонска Каменица (56), Битола (65) и Куманово (62). Сите пријавени лица се починати во болнички услови. Дополнително, согласно Регистарот на умрени лица со дијагноза Ковид-19 од „Мој термин“, пријавени се шест починати лица со датум на смрт од 31.08.2021 до 01.12.2021. Регистрираните починати лица се од Скопје (2), Кочани (1), Македонски Брод (1), Свети Николе (1), Куманово (1). Починатите лица се на возраст од 54 до 88 години. Три лица се починати во домашни услови и три лица во болнички услови. Facebook Twitter Pinterest Linkedin Email Telegram Viber претходниот член,Девојка од Скопје силувана од другар на поранешното момчеСледната статијаЛеди Гага е најдобра актерка за 2021 според Кругот на филмски критичари од Њујорк Biljana Bogdanovska...

Хроника Девојка од Скопје силувана од другар на поранешното момче 04/12/2021 17:04 Facebook Twitter Pinterest Linkedin Email Telegram Viber Во петокот, во 18 часот К.Н.(21) од Скопје пријавила дека на подрачјето на Кисела Вода ѝ била извршена обљуба од Д.Ѓ.. Според нејзиното кажување, тој бил пријател на нејзиното поранешно момче. Се работи на целосно расчистување на случајот. Facebook Twitter Pinterest Linkedin Email Telegram Viber претходниот член,Приведена кичевка која нападнала жена со метален предметСледната статијаМЗ jа коригира денешната ковид статистика: 15 починати, 355 заразени и 2.308 оздравени Biljana Bogdanovska...

Хроника Приведена кичевка која нападнала жена со метален предмет 04/12/2021 17:01 Facebook Twitter Pinterest Linkedin Email Telegram Viber Во петокот, од страна на полициски службеници од ОВР Кичево лишена е од слобода А.И.(49) од Кичево, бидејќи околу 13 часот, на ул.„11 септември“ во Кичево, го нарушила јавниот ред и мир и, по претходна вербална расправија, со метален предмет ја нападнала Л.А.(34) од Кичево. А.И. е приведена во полициска станица и против неа ќе биде поднесена соодветна пријава. Facebook Twitter Pinterest Linkedin Email Telegram Viber претходниот член,Во Хрватска уште 4.465 новозаразени и 54 починатиСледната статијаДевојка од Скопје силувана од другар на поранешното момче Biljana Bogdanovska...

Балкан Во Хрватска уште 4.465 новозаразени и 54 починати 04/12/2021 16:40 Facebook Twitter Pinterest Linkedin Email Telegram Viber Во последните 24 часа во Хрватска забележани се 4.465 нови случаи со корона вирус, а активни се 31.348. Од нив во болница се лекуваат 2.382 пациенти, а на респиратор 317 пациенти. Починаа уште 54 пациенти. Од почетокот на пандемијата досега забележани се 628.241 заразени во Хрватска, а тестирани се 3.501.268. Кај еден пациенти утврден е сомнеж дека е заразен со новата варијанта омикрон. Facebook Twitter Pinterest Linkedin Email Telegram Viber претходниот член,Паѓа бројот новозаразени во Србија, учениците од понеделник в училиштеСледната статијаПриведена кичевка која нападнала жена со метален предмет Biljana Bogdanovska...

Балкан Паѓа бројот новозаразени во Србија, учениците од понеделник в училиште 04/12/2021 16:36 Facebook Twitter Pinterest Linkedin Email Telegram Viber Според последните податоци, во Србија денеска се регистрирани 1.613 овозаразени со корона виурсот, а на респиратор се 164 пациенти. Починаа 39 пациенти, а тестирани биле 12.526 примероци. Иако бројот новозаразени последните денови паѓа, не треба да се заборави дека бројот луѓе со тешка клиничка слика е голем, а се уште има луѓе за чии животи се борат докторите по болниците. Во единиците на полуинтензивна и интензивна нега здравствените работници се борат за околу 15.000 животи, а во моментот во „Батајница“ има 600 пациенти. Во основните и средните училишта во Србија, од понеделник 6 декември, ќе се применува првиот модел на настава, односно, учениците ќе продолжат да одат во училиште со физичко присуство, одлучи Тимот за следење и координирање на примената на превентивните мерки во училиштата. Facebook Twitter Pinterest Linkedin Email Telegram Viber претходниот член,Нови 342 случаи на Ковид-19 од 2.349 тестирања, починати седум лицаСледната статијаВо Хрватска уште 4.465 новозаразени и 54 починати Biljana Bogdanovska...

Македонија Нови 342 случаи на Ковид-19 од 2.349 тестирања, починати седум лица 04/12/2021 16:22 Facebook Twitter Pinterest Linkedin Email Telegram Viber Фото: Б. Грданоски Во последните 24 часа, регистрирани се 342 нови случаи на КОВИД-19 од направени 2.349 тестирања, пријавени се седум починати лица и 348 оздравени пациенти, информира Министерството за здравство информира, согласно податоците од Институтот за јавно здравје. Од седумте починати лица: 3 починати лица од Скопје (67г, 74г и 79г) и по 2 починати лица од Битола (65г и 87г) и Охрид (65г и 77г). Сите пријавени лица се починати во болнички услови. Од 324 нови случаи, од Скопје се 135, Битола – 35, Велес – 17, Прилеп, Кавадарци и Берово – 16, Охрид – 15, Куманово – 13, Струмица – 10, Штип – 9, Кочани и Гевгелија – по 8, Свети Николе и Ресен – по 6, Радовиш и Валандово – по 5, Делчево – 4, Гостивар, Кичево, Неготино, Крива Паланка, Пробиштип и Кратово – по 2, Тетово, Струга, Виница, Демир Хисар, Демир Капија и Дојран – по 1. Од регистрираните 348 оздравени пациенти од Скопје се 141, Битола – 33, Прилеп – 25, Кавадарци – 21, Велес – 18, Кочани – 14, Ресен и Валандово – по 10, Гевгелија и Делчево – по 8, Штип – 7, Берово, Крива Паланка и Демир Хисар – по 6, Струмица и Свети Николе – по 5, Радовиш, Неготино и Тетово – по 4, Пехчево – 3, Охрид и Пробиштип – по 2, Гостивар, Кичево, Кратово, Виница, Богданци и Македонска Каменица – по 1. Направени се 2.349 тестови преку: ИЈЗ-266, ЦЈЗ Скопје-58, ЦЈЗ Битола-64, ЦЈЗ Прилеп-42, ЦЈЗ Тетово–8, ЦЈЗ Куманово-63, Клиника за инфективни болести и фебрилни состојби-0, Судска медицина-0, лабораторија болница Козле-17, УК Пулмологија со алергологија –2, ГОБ 8-ми Септември-0, Институт за микробиологија–159, Жан Митрев (Филип Втори)-37, Авицена-81, Биотек-116, Систина-64, лабораторија Лаор-49, Синлаб-9, Ремедика-8, Плодност–38, Генеа-12, Никоб лаб-214, ВФВ Медикал-26, Ели Медика-35, Ројал Медика–16, Спектра-ММ-7, Рапид Лаб–4, Жан Митрев Струмица–10, Нова Лаб Дијагностика–4, ЈЗУ и ПЗУ (рапид тест) – вкупно 940. Досега во земјата се направени вкупно 1.478.883 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 216.670, бројот на оздравени пациенти е 201.017, на починати е 7.616, а бројот на активни случаи изнесува 8.037. Според епидемиолошки анализи во моментов, дистрибуцијата по градови е следна: Дистрибуција по градови Заболени (вкупно), Активни случаи (вкупно) Скопје 94.762, Активни 3.826 Куманово 12.912, Активни 257 Тетово 11.336, Активни 152 Прилеп 10.271, Активни 417 Битола 8.743, Активни 615 Гостивар 8.064, Активни 30 Велес 7.324, Активни 326 Кавадарци 7.007, Активни 302 Штип 6.596, Активни 161 Охрид 6.490, Активни 313 Струмица 6.124, Активни 161 Кичево 4.225, Активни 74 Кочани 4.010, Активни 159 Струга 3.908, Активни 70 Гевгелија 2.805, Активни 119 Неготино 2.565, Активни 56 Свети Николе 2.122, Активни 81 Крива Паланка 1.896, Активни 125 Ресен 1.748, Активни 88 Радовиш 1.732, Активни 68 Дебар 1.456, Активни 2 Берово 1.462, Активни 95 Делчево 1.408, Активни 134 Виница 1.158, Активни 40 Пробиштип 1.120, Активни 26 Валандово 945, Активни 57 Кратово 775, Активни 46 Богданци 646, Активни 31 Демир Хисар 617, Активни 73 Крушево 590, Активни 35 Македонски Брод 495, Активни 12 Демир Капија 425, Активни 8 Македонска Каменица 417, Активни 64 Пехчево 351, Активни 9 Дојран 165, Активни 5 Facebook Twitter Pinterest Linkedin Email Telegram Viber претходниот член,Две лица тешко повредени во сообраќајка во штипската населба „Сењак”Следната статијаПаѓа бројот новозаразени во Србија, учениците од понеделник в училиште Biljana Bogdanovska...

Култура Институтот за старословенска култура во Прилеп доби нова, прецизна лабараторија 04/12/2021 16:18 Facebook Twitter Pinterest Linkedin Email Telegram Viber Прилепскиот Институт за старословенска култура има нова лабараторија која ќе понуди прецизни податоци за сите архелошки наоди, а ќе нуди и услуги на институции за потребни анализи. Лабараторијата е ретка во регионот и ги достигнува европските стандарди. Наредната година ќе се акредитира и формално да биде призната во меѓународни рамки. Според научниот соработник во Институтот и археолог, д-р Христијан Талевски кој ќе раководи со лабараторијата, ова е значаен чекор за прецизно, научно одредување на наодите и карактеристиките на луѓето, растителниот и животинскиот свет на овие простори низ епохите. – Токму тоа е археометрија, примена на научни методи и технологија специфични за другите науки при археолошките истражувања и поради тоа, постапка за акредитација и формалното признавање на лабораторијата за археометрија при Институтот е исклучително значаен чекор напред за македонската археологија. Особено поради фактот што бројот на вакви лаборатории во регионални рамки не е голем. Акредитацијата на Лабораторија за археометрија е поддржано од страна на Министерството за образование и наука во рамките на програмата за финансирање на научно-истражувачки проекти од посебен и јавен интерес за 2021 година (поддршка за развој на лабораториски ресурси). Основната цел е продолжување на процесот на создавање на релевантно знаење преку археолошките истражувања, знаење кое спорет издржаност е компетитивно и конзистентно со знаењето во Западна, Централна и Источна Европа, па и пошироко. Токму примената на археометријата во значителен дел го стеснува просторот за субјективна интерпретација на материјалните остатоци од човечкото минато. Имено, преку примена на егзактни методи специфични и применувани во научните истражувања во науки, се добиваат аргументи за соодветна интерпретација на материјалните остатоци, објаснува Талевски. Еден од основните принципи врз кој ќе се темели работата на лабораторијата за археометрија е сите да имаат пристап до анализите, особено научниците од земајава и странство. -Во таа насока приоритет е создавање интернет ориентиран компјутерски систем за евидентирање на резултатите од археолошките истражувања. Целта е поголем број истражувачи од земјава и од странство да имаат пристап до релевантните податоци од нашите истражувања преку строго дефинирани процедури и протоколи. Овие податоци секако дека ќе бидат достапни и за државните институции и ќе бидат релевантни во процесот на носење на стратегии од суштинско значење за развојот на државата. Во тој контекст, со оглед на тоа како современото општество функционира во глобални рамки, и уште повеќе, како се носат конкретни одлуки кои ја тангираат егзистенцијата на милиони или милијарди луѓе, факт е дека апликативната примена на знаењата до кои се доаѓа преку археолошките истражувања е апсолутно занемарен фактор. Зашто, луѓето и заедниците во минатото, исто како и ние, биле исправени пред огромен број предизвици. Предизвици кои во значителен дел се идентични со предизвиците пред кои е исправено современото општество, вели д-р Христијан Талевски, научен соработник во Институтот за старословенска култура во Прилеп. Лабораторијата во Институтот е големо достигнување за научниците да стигнат до прецизни податоци за нашето опкружување и за минатото. Facebook Twitter Pinterest Linkedin Email Telegram Viber претходниот член,Прифатени три кандидатури за претседател на СДСМСледната статијаДве лица тешко повредени во сообраќајка во штипската населба „Сењак” Biljana Bogdanovska...

Хроника Две лица тешко повредени во сообраќајка во штипската населба „Сењак” 04/12/2021 16:20 Facebook Twitter Pinterest Linkedin Email Telegram Viber Деветнаесет годишно момче е тешко повредено во сообраќајна несреќа, што се случи попладнето во штипската населба Сењак, во близина на трговскиот центар ,„Елкос”. Несреќата се случила меѓу патничко возило „венто” управувано од 71 годишен возач и мотор, управуван од 19 годишното момче, негов сопатник бил и 17 годишен малолетник. Портпаролот на Клиничка болница Штип, Марина Шуманска информира дека во болницата примени се две лица, од кои едното со повреди на главата и е во шок соба. Во тек се снимања и прегледи. Полицијата и јавен обвинител извршија увид на местото на несреќата, а кои треба утврдат како се случила незгодата Facebook Twitter Pinterest Linkedin Email Telegram Viber претходниот член,Институтот за старословенска култура во Прилеп доби нова, прецизна лабараторијаСледната статијаНови 342 случаи на Ковид-19 од 2.349 тестирања, починати седум лица Biljana Bogdanovska...

Политика Прифатени три кандидатури за претседател на СДСМ 04/12/2021 15:38 Facebook Twitter Pinterest Linkedin Email Telegram Viber Од пристигнатите четири пријави за претседател на СДСМ, биле прифатени три, изјави денеска пратеничката на СДСМ, Славјанка Петровска, во одговор на новинарско прашање. „Рокот за поднесување на кандидатури за претседател истече вчера, поднесени се четири кандидатури. Денеска согласно правилата заседаваше Централната изборна комисија и одлучија дека три кандидатури се целосни со сите потребни документи и услови согласно правилата и условите кои беа распишани, а една кандидатура не е и таа е отфрлена со одлука на Централната изборна комисија и кандидатот кој ја поднесе е известен за тоа“, рече Петровска, одговарајјќи на прашањето до каде е постапката за верификација на поднесените кандидатури. Инаку, кандидатури за партиски лидер на СДСМ поднесоа Димитар Ковачевски, актуелен заменик-министер за финансии, Фросина Ременски, поранешна пратеничка и потпретседателка на СДСМ, Властимир Алексовски, член и активист на СДСМ од општинската организација на партијата од Куманово и Јован Деспотовски, директор на Дирекцијата на технолошко индустриски развојни зони. Пријавата на активистот од Куманово, Властимир Алексовски, не е прифатена, бидејќи не ги исполнувал поропишаните услови. Facebook Twitter Pinterest Linkedin Email Telegram Viber претходниот член,Отворен реконструираниот спортски комплекс „Марко Божиновски“ во општина АеродромСледната статијаИнститутот за старословенска култура во Прилеп доби нова, прецизна лабараторија Mirce Jovanovski...

МакедонијаСкопје Отворен реконструираниот спортски комплекс „Марко Божиновски“ во општина Аеродром 04/12/2021 15:36 Facebook Twitter Pinterest Linkedin Email Telegram Viber Комплетно реконструиран и преименуван во спомен на ракометарот Марко Божиновски, кој летоска почина на 20-годишна возраст, денеска свечено беше отворен спортскиот комплекс во Ново Лисиче, во скопската општина Аеродром. На отворањето на реконструираниот мултифункционален спортски центар „Марко Божиновски“ присуствуваа членови на неговото семејство, пријатели, соиграчи, жители на општина Аеродром и претставници на локалната власт. – Од денеска и официјално Спортскиот центар во Ново Лисиче имаме чест и задоволство да носи име Спортски центар – Марко Божиновски, пример за млад човек, спортист, добар другар и пријател, кој пред шест месеци трагично почина. На моја иницијатива, но заедничка одлука на сите советници во Советот на Општина Аеродром е овој Спортски центар да го носи токму неговото име. Одлучивме да инвестираме во реновирање на спортската инфраструктура, а дел од таа инвестиција е на општина Аеродром, но и самото семејство на Марко Божиновски и нивни пријатели се активно вклучени во подобрување на условите коишто ќе ги има овој Спортски центар, изјави на отворањето на реновираниот комплекс градоначалникот на Аеродром, Тимчо Муцунски. Тој најави дека општината ќе продолжи да инвестира во развој на локалната спортска инфраструктура. – Во чест на Марко Божиновски, којшто треба да биде пример на сите исти млади генерации, успешен млад ракометар, добар другар и искрен, верен пријател, сакаме да функционираме и таков однос да воспоставиме спрема сите други млади луѓе во општина Аеродром, да бидат како Марко Божиновски. И во таа смисла ќе продолжиме и следната година, ние како општина да инвестираме во спортската инфраструктура, да инвестираме во младите спортски таленти, додаде градоначалникот на Аеродром. Левокрилниот поранешен македонски кадетски и младински репрезентативец Марко Божиновски почина во сон на 3 јуни, кратко време по прволигашкиот натпревар на кој настапи во дресот на екипата на Бутел против Еурофарм Пелистер 2. Пред да премине во редовите на Бутел, младиот Божиновски го носеше дресот на скопски Металург. Facebook Twitter Pinterest Linkedin Email Telegram Viber претходниот член,Петков: Бугарија треба да го преиспита пристапот кон Северна Македонија на конструктивен начинСледната статијаПрифатени три кандидатури за претседател на СДСМ Biljana Bogdanovska...

Политика Петков: Бугарија треба да го преиспита пристапот кон Северна Македонија на конструктивен начин 04/12/2021 15:31 Facebook Twitter Pinterest Linkedin Email Telegram Viber Една од првите задачи на новиот министер за надворешни работи на Бугарија и идниот бугарски премиер е да се формираат работни групи меѓу Бугарија и Северна Македонија кои ќе опфатат различни области. Ова го коментираше Кирил Петков, копретседавач на „Продолжуваме со промената” која победи на парламентарните избори во Бугарија, во програмата „Седмицата“ на бугарското приватно национално Радио Дарик. Како што јави дописникот на МИА од Софија, според Петков, овие работни групи треба да бидат слични на оние во преговорите меѓу идните коалициски партнери во Бугарија. Да има работни групи за економија, инфраструктура, култура, историја, човекови права и да почнат да работат на секоја од овие теми што е можно потранспарентно, за да можат двата народа да се запознаат со реалните теми и секој да почне да размислува која е цената ако нема добрососедство меѓу двете земји и обратно – какви се успесите ако има вистинско добрососедство. Според Петков, темата за историјата, која не треба да се игнорира, ќе стане една од темите на разговор, но нема да биде единствена. Петков рече дека за да стигне до Скопје со авион морал да лета преку Виена и праша зошто нема железничка линија која ќе ги поврзе Бугарија и Северна Македонија. Тој праша и зошто не се одржуваат конференции за различни индустрии, со што ќе се поврзат бизнисите на двете земји да работат заедно и зошто нема заеднички концерти. Да ги имавме овие работи, рече Петков, како би изгледале нашите економии. „Тогаш подготвеноста за компромиси за прашања што се важни за нас како народ и за нив како народ би требало полесно да ги решаваме“, коментираше Петков. Но, според него, тоа не може да се случи, ако за тоа зборуваат само Бугарија и Северна Македонија, туку целиот контекст мора да се отвори. Добрите резултати, рече, доаѓаат преку работа, а не преку добри идеи и слогани. „А најтешко е кога лидерите не се виделе или ако се гледаат на секои шест месеци“, смета Петков. Според него, најмногу можеме да добиеме со добрососедство и во иден момент да ги решиме овие проблеми, кои ги нарече „мали“. Да бидеме, како што рече, дел од европското семејство што ќе биде многу добро и за целиот регион. Facebook Twitter Pinterest Linkedin Email Telegram Viber претходниот член,(Видео) Силна ерупција на вулканот СемеруСледната статијаОтворен реконструираниот спортски комплекс „Марко Божиновски“ во општина Аеродром Mirce Jovanovski...

Свет (Видео) Силна ерупција на вулканот Семеру 04/12/2021 15:31 Facebook Twitter Pinterest Linkedin Email Telegram Viber На индонезискиот остров Јава вторпат годинава еруптираше активен вулкан. Локалните жители бегаат од огромен облак од пепел од вулканот Семеру. Се уште нема извештаи за жртви, а во тек е евакуација на населението. Издадено е предупредување до авиокомпаниите за облак од пепел што се издигнува до 15.000 метри. Последен пат вулканот Семеру еруптираше во јануари. Kondisi erupsi Semeru saat ini. Silahkan mention jika ada yg dilokasi pic.twitter.com/5nnvqyoVJg — PRB Indonesia BNPB (Disaster Risk Reduction) (@PRB_BNPB) December 4, 2021 Facebook Twitter Pinterest Linkedin Email Telegram Viber претходниот член,Во Кичево физички нападнати полициски службенициСледната статијаПетков: Бугарија треба да го преиспита пристапот кон Северна Македонија на конструктивен начин Biljana Bogdanovska...

Хроника Во Кичево физички нападнати полициски службеници 04/12/2021 15:27 Facebook Twitter Pinterest Linkedin Email Telegram Viber Во ОВР – Кичево денеска се лишени од слобода А.М.(38) и П.М.(38) двајцата од кичевското село Лазоровци. Тие на улицата „11-ти Септември“ во Кичево, најнапред вербално, а потоа и физички нападнале полициски службеници кои вршеле службени дејства. – Двајцата се приведени и по документирање на случајот против нив ќе биде поднесена соодветна пријава, истакна портпаролот во ОВР – Кичево, Стефан Димоски. Димоски додаде дека денес рано изутрина околу 2 часот во ОВР-Кичево било пријавено дека пред влезна врата од стан на улица „11-Септември“ во Кичево, била истурена и запалена течност, но за среќа не настанал пожар. ОВР-Кичево презема мерки за расчистување на случајот. Портпаролот Димоски потсети дека вчера во ОВР-Кичево приведена е и лишена од слобода А.И.(49) од градот.Таа околу 13 часот на улица „11-ти Септември“ го нарушила јавниот ред и мир и со метален предмет ја нападнала Л.А.(34) од Кичево. Facebook Twitter Pinterest Linkedin Email Telegram Viber претходниот член,Илјадници луѓе на улиците во Србија, блокиран сообраќајот на повеќе локации (фото, видео)Следната статија(Видео) Силна ерупција на вулканот Семеру Mirce Jovanovski...